Englishहिन्दीമലയാളംதமிழ்తెలుగు

ಬೆಂಗಳೂರಿನ ಐಪಿಎಲ್ ಪಂದ್ಯಕ್ಕೆ ಎಲೆಕ್ಷನ್ ಅಡ್ಡಿ

Posted by:
Updated: Tuesday, March 26, 2013, 17:28 [IST]
 

ಬೆಂಗಳೂರಿನ ಐಪಿಎಲ್ ಪಂದ್ಯಕ್ಕೆ ಎಲೆಕ್ಷನ್ ಅಡ್ಡಿ
 

ಬೆಂಗಳೂರು,ಮಾ.26: ಟ್ವೆಂಟಿ 20 ಕ್ರಿಕೆಟ್ ಐಪಿಎಲ್‌ಗೂ ಚುನಾವಣೆ ಅಡ್ಡಿ ಬಂದಿದೆ. ಚುನಾವಣಾ ಆಯೋಗದ ಸೂಚನೆ ಹಿನ್ನೆಲೆಯಲ್ಲಿ ಐಪಿಎಲ್ ಕ್ರಿಕೆಟ್ ಟೂರ್ನಿಯ ವೇಳೆ ಬದಲಾವಣೆ ಒಳಪಡುತ್ತಿದೆ. ಮೇ 5ರಂದು ವಿಧಾನಸಭೆ ಚುನಾವಣೆ ನಡೆಯುತ್ತಿರುವ ಹಿನ್ನೆಲೆಯಲ್ಲಿ ಭದ್ರತೆಯ ದೃಷ್ಟಿಯಿಂದ ಮೇ 4 ರಂದು ನಡೆಯುವ ಪಂದ್ಯಕ್ಕೆ ಅನುಮತಿ ನೀಡಿಲ್ಲ ಎಂದು ನಗರ ಪೊಲೀಸ್ ಆಯುಕ್ತ ಜ್ಯೋತಿ ಪ್ರಕಾಶ್ ಮಿರ್ಜಿ ಹೇಳಿದ್ದಾರೆ.

ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಬೇಕಿದ್ದ ಐಪಿಎಲ್ ಕ್ರಿಕೆಟ್ ಪಂದ್ಯಗಳನ್ನು ಬೇರೆ ದಿನಾಂಕಕ್ಕೆ ಬದಲಾಯಿಸಬೇಕಾಗುತ್ತದೆ. ಈ ಬಗ್ಗೆ ಬಿಸಿಸಿಐ ಅಥವಾ ಐಪಿಎಲ್ ಆಯೋಜಕರು ಯಾವುದೇ ಅಧಿಕೃತ ಪ್ರತಿಕ್ರಿಯೆ ನೀಡಿಲ್ಲ.

ಮೇ 4ರಂದು ಪಂಜಾಬ್ ಕಿಂಗ್ಸ್ ಇಲೆವೆನ್ ಹಾಗೂ ಬೆಂಗಳೂರು ರಾಯಲ್ ಚಾಲೆಂಜರ್‍ಸ್ ತಂಡಗಳ ನಡುವೆ ಪಂದ್ಯ ನಿಗದಿಯಾಗಿತ್ತು. ಚುನಾವಣೆ ಸಂದರ್ಭದಲ್ಲಿ ನಡೆಯುವ ಅಕ್ರಮಗಳನ್ನು ತಡೆಗಟ್ಟಲು ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಮಿರ್ಜಿ ಹೇಳಿದರು.

ಗುಪ್ತದಳ, ಸ್ಥಳೀಯ ಪೊಲೀಸರು ಚುನಾವಣಾ ಅಕ್ರಮಗಳ ಬಗ್ಗೆ ಮಾಹಿತಿ ಸಂಗ್ರಹಿಸುತ್ತಿದ್ದಾರೆ. ಅಲ್ಲದೇ ಈಗಾಗಲೇ ಪ್ರತಿ ವಿಧಾನಸಭಾ ಕ್ಷೇತ್ರಗಳಲ್ಲಿ ಅಧಿಕಾರಿಗಳ ಸಭೆ ನಡೆಸಿ ಭದ್ರತೆ ಬಗ್ಗೆ ಚರ್ಚಿಸಲಾಗುತ್ತಿದೆ ಎಂದು ತಿಳಿಸಿದರು. ಪೂರ್ವ, ಪಶ್ಚಿಮ ವಿಭಾಗಗಳ ಅಧಿಕಾರಿಗಳ ಸಭೆ ನಡೆದಿದ್ದು, ಇಂದು ಉತ್ತರ ಮತ್ತು ದಕ್ಷಿಣ ವಿಭಾಗಗಳ ಸಭೆ ನಡೆಯಲಿದೆ.

ಉಳಿದ ವಿಭಾಗಗಳ ಸಭೆ ನಾಳೆ, ನಾಡಿದ್ದು ನಡೆಯಲಿದೆ ಎಂದರು. ಅಧಿಕಾರಿಗಳ ಸಭೆಯಲ್ಲಿ ಭದ್ರತೆ ಬಗ್ಗೆ ಕೆಲವು ಸಲಹೆ, ಸೂಚನೆಗಳು ಬಂದಿದ್ದು, ಅದನ್ನು ಪಾಲಿಸುತ್ತಿದ್ದೇವೆ. ಚುನಾವಣೆಯಲ್ಲಿ ಶಾಂತವಾಗಿ ನಡೆಸಲು ಎಲ್ಲಾ ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ ಎಂದು ಹೇಳಿದರು.ಅಬಕಾರಿ, ಬಿಬಿಎಂಪಿ, ಜಿಲ್ಲಾಧಿಕಾರಿಗಳ ಕಚೇರಿ ಸೇರಿದಂತೆ ಎಲ್ಲಾ ಇಲಾಖೆಗಳ ಕಚೇರಿಗಳೊಂದಿಗೆ ಸಂಪರ್ಕ ಹೊಂದಿರುವುದಾಗಿ ತಿಳಿಸಿದರು.

ಆರ್ ಸಿಬಿ ಮೇ 6 ರಂದು ಸನ್ ರೈಸರ್ ಹೈದರಾಬಾದ್ ತಂಡಡೊಡನೆ ಪಂದ್ಯವಾಡಬೇಕಿದೆ. ಲಭ್ಯ ಮಾಹಿತಿ ಪ್ರಕಾರ ಈ ಪಂದ್ಯವನ್ನು ಏಪ್ರಿಲ್ 7ಕ್ಕೆ ಮುಂದೂಡಲಾಗಿದೆ. ಕಿಂಗ್ಸ್ ‍XI ಪಂಜಾಬ್ ಪಂದ್ಯವನ್ನು ಮೇ 4 ರ ಬದಲಾಗಿ ಮೇ 16ಕ್ಕೆ ಮುಂದೂಡಲಾಗಿದೆ. ಉಳಿದಂತೆ ಧರ್ಮಶಾಲಾದಲ್ಲಿ ಮೇ 4 ರಂದು ಹಾಗೂ ಹೈದರಾಬಾದ್ ನಲ್ಲಿ ಮೇ 6 ರಂದು ಆರ್ ಸಿಬಿ ಪಂದ್ಯವಾಡಲಿದೆ.

ವಿಜಯ್ ಮಲ್ಯ ಪಡೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ತನ್ನ ಐಪಿಎಲ್ 6 ಮೊದಲ ಪಂದ್ಯವನ್ನು ಏಪ್ರಿಲ್ 4 ರಂದು ಮುಂಬೈ ಇಂಡಿಯನ್ಸ್ ವಿರುದ್ಧ ಆಡಲಿದೆ. ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಈ ಪಂದ್ಯ ನಡೆಯಲಿದೆ. ಈ ಪಂದ್ಯಕ್ಕೆ ಅನ್ ಲೈನ್ ನಲ್ಲಿ ಟಿಕೆಟ್ ಮಾರಾಟ ಆರಂಭಗೊಂಡಿದೆ.

Story first published:  Tuesday, March 26, 2013, 15:30 [IST]
English summary
Two of Royal Challengers Bangalore’s (RCB) home matches being switched due to the Karnataka assembly elections that will be held on May 5. Bangalore City police commissioner Jyoti Prakash Mirji said Permission not granted for the IPL matches
ಅಭಿಪ್ರಾಯ ಬರೆಯಿರಿ