Englishहिन्दीമലയാളംதமிழ்తెలుగు

ಫೇಸ್ ಬುಕ್ ನಲ್ಲಿ ಧೋನಿ ಸೋಲಿಸಿದ ಸಚಿನ್

Posted by:
Updated: Friday, March 22, 2013, 14:29 [IST]
 

ಫೇಸ್ ಬುಕ್ ನಲ್ಲಿ ಧೋನಿ ಸೋಲಿಸಿದ ಸಚಿನ್
 

ಬೆಂಗಳೂರು, ಮಾ.22: ಮಾಸ್ಟರ್‌ ಬ್ಲಾಸ್ಟರ್‌ ಸಚಿನ್‌ ತೆಂಡೂಲ್ಕರ್ ಗೆ ಫೇಸ್ ಬುಕ್ ಯಾರು ಪರಿಚಯಿಸಿದರೋ ಗೊತ್ತಿಲ್ಲ. ಬರೀ ಟ್ವಿಟರ್ ನಲ್ಲಿ ಆಗಾಗ ಟ್ವೀಟ್ ಮಾಡುತ್ತಿದ್ದ ಕ್ರಿಕೆಟ್ ದೇವರು ಫೇಸ್ ಬುಕ್ ಗೆ ಶಿಫ್ಟ್ ಆಗಿದ್ದೆ ತಡ ಅಭಿಮಾನಿಗಳ ಶುಭ ಹಾರೈಕೆಯ ಸುರಿಮಳೆಯಲ್ಲಿ ಮಿಂದರು.

ಈಗ ಸಚಿನ್ ತೆಂಡೂಲ್ಕರ್ ಅವರು ಸಾಮಾಜಿಕ ಜಾಲ ತಾಣದಲ್ಲಿ ನಾಯಕ ಧೋನಿಗಿಂತ ಹೆಚ್ಚು ಜನಪ್ರಿಯರಾಗಿದ್ದಾರೆ ಎಂದು ಸಮೀಕ್ಷೆ ವರದಿ ಹೇಳುತ್ತಿದೆ.
ಇದೇ ವೇಳೆ ದೆಹಲಿಯ ಫಿರೋಜ್ ಶಾ ಕೋಟ್ಲಾ ಮೈದಾನದಲ್ಲಿ ನಾಲ್ಕನೇ ಹಾಗೂ ಅಂತಿಮ ಟೆಸ್ಟ್ ಜಾರಿಯಲ್ಲಿದ್ದು ಆಸ್ಟ್ರೇಲಿಯಾ ಮೊದಲು ಬ್ಯಾಟಿಂಗ್ ಮಾಡುತ್ತಿದ್ದು ಭೋಜನ ವಿರಾಮ ನಂತರ 5 ವಿಕೆಟ್ ಕಳೆದುಕೊಂಡಿದೆ. ಸ್ಕೋರ್ ಕಾರ್ಡ್ ನೋಡಿ

ಭಾರತ-ಆಸ್ಟ್ರೇಲಿಯ ನಡುವಿನ ಸರಣಿಯ ಮೂರು ಟೆಸ್ಟ್‌ ಪಂದ್ಯಗಳ ವೇಳೆ ಕ್ರಿಕೆಟ್‌ ಅಭಿಮಾನಿಗಳ ಆಸಕ್ತಿ ಕುರಿತು ಐಬಿಎಂ ಸಾಮಾಜಿಕ ತಾಣದಲ್ಲಿ ನಡೆಸಿದ ಸಮೀಕ್ಷೆಯಲ್ಲಿ ಸಚಿನ್‌ ಬಗ್ಗೆ ಶೇ. 50 ಮಂದಿ ಆಸಕ್ತಿ ತೋರಿದ್ದಾರೆ. ಫೇಸ್‌ಬುಕ್‌, ಟ್ವಿಟರ್‌, ಯೂ-ಟ್ಯೂಬ್‌ ಮತ್ತು ಬ್ಲಾಗ್‌ಗಳಲ್ಲಿ ಸುಮಾರು 1.2 ಲಕ್ಷ ಮಂದಿ ಟೆಸ್ಟ್‌ ಸರಣಿ ವೇಳೆ ಚರ್ಚಿಸಿದ್ದಾರೆ.

ಸಚಿನ್‌ ಅವರ ಪ್ರದರ್ಶನ, ಹಿಂದಿನ ದಾಖಲೆಗಳು ಹಾಗೂ ನಿವೃತ್ತಿ ಯೋಜನೆ ಮುಂತಾದ ವಿಷಯಗಳ ಕುರಿತು ಅಭಿಮಾನಿಗಳು ಹೆಚ್ಚಿನ ಆಸಕ್ತಿ ತೋರಿದ್ದಾರೆ. ಸಚಿನ್‌ ಬಳಿಕದ ಸ್ಥಾನ ಧೋನಿ ಪಾಲಾಗಿದೆ. ಸತತ ಎರಡು ಶತಕ ಬಾರಿಸಿದ ಮುರಳಿ ವಿಜಯ್‌ ಮತ್ತು ಆಲ್‌ರೌಂಡರ್‌ ರವೀಂದ್ರ ಜಡೇಜ ಅನಂತರದ ಸ್ಥಾನ ಪಡೆದಿದ್ದಾರೆ. ಜಡೇಜ ಬಗ್ಗೆ ಹಾಸ್ಯದ ಹೊನಲು ಟ್ವಿಟರ್ ನಲ್ಲಿ ಹರಿದಾಡಿದೆ.

ಧೋನಿ ಬಗ್ಗೆ ಅಭಿಮಾನಿಗಳು ನಕರಾತ್ಮಕ ಭಾವನೆ ಹೊಂದಿರುವುದು ಸಮೀಕ್ಷೆ ವೇಳೆ ತಿಳಿದು ಬಂದಿದೆ. ಮೊದಲ ಟೆಸ್ಟ್‌ ಪಂದ್ಯದ ಅನಂತರದ ವಿವಾದಗಳಿಂದ ಧೋನಿ ಮೇಲಿನ ಒಳ್ಳೆಯ ಭಾವನೆ ಕಡಿಮೆಯಾಗಿದೆ ಎಂದು ಅಭಿಪ್ರಾಯಪಡಲಾಗಿದೆ. ಚೊಚ್ಚಲ ಪಂದ್ಯದಲ್ಲೇ ಶತಕ ಸಿಡಿಸಿದ ಶಿಖರ್‌ ಧವನ್‌ ಐದು ದಿನಗಳಲ್ಲಿ ಶೇಕಡಾ 200 ರಷ್ಟು ಬೆಳವಣಿಗೆ ಸಾಧಿಸಿದ್ದಾರೆ ಎಂದು ಐಬಿಎಂ ಇಂಡಿಯಾ ಸಂಸ್ಥೆ ಮಾರ್ಕೆಟಿಂಗ್ ಮುಖ್ಯಸ್ಥ ವರ್ಜಿನಿಯಾ ಶರ್ಮ ಹೇಳಿದ್ದಾರೆ.

Story first published:  Friday, March 22, 2013, 13:11 [IST]
English summary
Indian spinners might be ruling the roost against the listless Australia in the ongoing Test series but it is Sachin Tendulkar who is the most talked about cricketer on social networking sites these days.
ಅಭಿಪ್ರಾಯ ಬರೆಯಿರಿ