Englishहिन्दीമലയാളംதமிழ்తెలుగు

ಕೆವಿನ್ ಪೀಟರ್ಸನ್ ಐಪಿಎಲ್ 6 ಟೂರ್ನಿಯಿಂದ ಔಟ್

Posted by:
Updated: Wednesday, March 20, 2013, 19:23 [IST]
 

ವೆಲ್ಲಿಂಗ್ಟನ್, ಮಾ.20: ಯಾಕೋ ಇಂಗ್ಲೆಂಡಿನ ಸ್ಟಾರ್ ಆಟಗಾರ ಕೆವಿನ್ ಪೀಟರ್ಸನ್ ಗೂ ಐಪಿಎಲ್ ಟೂರ್ನಿಗೂ ಆಗಿ ಬರುತ್ತಿಲ್ಲ. ಐಪಿಎಲ್ ಬರೋ ಹೊತ್ತಿಗೆ ಏನಾದರೂ ಒಂದು ಉಪದ್ರವ ಎದುರಾಗುತ್ತಲೇ ಇರುತ್ತದೆ.

ಇಂಡಿಯನ್ ಪ್ರಿಮಿಯರ್ ಲೀಗ್ ನ 6ನೇ ಆವೃತ್ತಿ ಏಪ್ರಿಲ್ 6 ರಿಂದ ಆರಂಭಗೊಳ್ಳಲಿದೆ. ಆದರೆ, ಸದ್ಯದ ಮಾಹಿತಿ ಪ್ರಕಾರ ಇಂಗ್ಲೆಂಡಿನ ಸ್ಫೋಟಕ ಬ್ಯಾಟ್ಸ್ ಮನ್ ಕೆವಿನ್ ಪೀಟರ್ಸನ್ ಗಾಯಗೊಂಡಿದ್ದು ಐಪಿಎಲ್ ಟೂರ್ನಿಯಿಂದ ಹೊರಗುಳಿಯಲೇ ಬೇಕಾಗಿದೆ.

ಐಪಿಎಲ್ ನಲ್ಲಿ ಡೆಲ್ಲಿ ಡೇರ್ ಡೆವಿಲ್ಸ್ ಪರ ಆಡುತ್ತಿದ್ದ ಕೆವಿನ್ ಪೀಟರ್ಸನ್ ಅವರು ನ್ಯೂಜಿಲೆಂಡ್ ವಿರುದ್ಧ ಕೊನೆ ಟೆಸ್ಟ್ ಪಂದ್ಯಕ್ಕೆ ಆಡಲು ಅನ್ ಫಿಟ್ ಎಂದು ತಂಡದ ವ್ಯವಸ್ಥಾಪಕರು ಘೋಷಿಸಿದ್ದಾರೆ. ಬಲಗಾಲ ಮಂಡಿಗೆ ಗಾಯ ಮಾಡಿಕೊಂಡಿರುವ ಕೆವಿನ್ ಅವರು ಗಾಯಗೊಂಡರೂ ಅಭ್ಯಾಸ ಪಂದ್ಯದಲ್ಲಿ ಫೀಲ್ಡಿಂಗ್ ಮಾಡಿದ್ದು ಮುಳುವಾಗಿದೆ.

ಮಂಡಿಯ cartilage ಗೆ ಹಾನಿಯಾಗಿರುವುದರಿಂದ ನ್ಯೂಜಿಲೆಂಡ್ ವಿರುದ್ಧ ಟೆಸ್ಟ್ ಪಂದ್ಯ ಹಾಗೂ ಐಪಿಎಲ್ ನಲ್ಲಿ ಕೆವಿನ್ ಆಡಲು ಸಾಧ್ಯವಿಲ್ಲ ಎಂದು ಇಂಗ್ಲೆಂಡ್ ಹಾಗೂ ವೇಲ್ಸ್ ಕ್ರಿಕೆಟ್ ಬೋರ್ಡ್ ಬುಧವಾರ (ಮಾ.20) ಪ್ರಕಟಿಸಿದೆ.

ಈ ಹಿಂದೆ 2011ರಲ್ಲಿ ವಿಶ್ವಕಪ್ ಅಲಭ್ಯರಾಗಿದ್ದರು ನಂತರ ಇಂಗ್ಲೆಂಡ್ ತಂಡ ಭಾರತಕ್ಕೆ ಪ್ರವಾಸ ಮಾಡಿದಾಗಲೂ ಕೆವಿನ್ ತಂಡದಲ್ಲಿರಲಿಲ್ಲ. ಐಪಿಎಲ್ ನಲ್ಲಿ ಆರಂಭದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿದ್ದರು.

ನಂತರ ಡೆಲ್ಲಿ ಡೇರ್ ಡೆವಿಲ್ಸ್ ತಂಡ ಸೇರಿ ಸದ್ದು ಮಾಡಿದರು. ಸ್ವಿಚ್ ಹಿಟ್ ಖ್ಯಾತಿಯ ಈ ಬಲಗೈ ಆಟಗಾರ ಹಲವು ಬಾರಿ ಬೋರ್ಡ್ ಜೊತೆ ಕಿತ್ತಾಟದಿಂದ ಹೊರಗುಳಿದರೆ, ಕೆಲವು ಬಾರಿ ಗಾಯಗೊಂಡು ಮೈದಾನಕ್ಕೆ ಇಳಿದಿಲ್ಲ. ಐಪಿಎಲ್ ನಲ್ಲಿ ವಿಭಿನ್ನ ಆಟಗಾರ ಕೆವಿನ್ ನನ್ನು ಆಭಿಮಾನಿಗಳು ಮಿಸ್ ಮಾಡಿಕೊಳ್ಳುವುದಂತೂ ನಿಜ.

Story first published:  Wednesday, March 20, 2013, 18:37 [IST]
English summary
England batsman Kevin Pietersen has been ruled out of the last Test against New Zealand and the upcoming Indian Premier League season due to a right knee injury.
ಅಭಿಪ್ರಾಯ ಬರೆಯಿರಿ