Englishहिन्दीമലയാളംதமிழ்తెలుగు

ಆಸೀಸ್ ವಿರುದ್ಧ ಭಾರತಕ್ಕೆ ಐತಿಹಾಸಿಕ ಸರಣಿ ಜಯ

Posted by:
Updated: Monday, March 18, 2013, 16:59 [IST]
 

ಮೊಹಾಲಿ, ಮಾ.18: ಮೂರನೇ ಟೆಸ್ಟ್ ಗೆಲ್ಲಲು ಬೇಕಿರುವ 133ರನ್ ಗಳ ಗುರಿ ಬೆನ್ನು ಹತ್ತಿದ್ದ ಧೋನಿ ಪಡೆ ನಾಲ್ಕು ವಿಕೆಟ್ ಕಳೆದುಕೊಂಡು ಆತಂಕ ಎದುರಿಸಿದರೂ ಸುಲಭ ಜಯ ದಾಖಲಿಸಿದೆ. ನಾಲ್ಕು ಟೆಸ್ಟ್ ಗಳ ಸರಣಿಯಲ್ಲಿ 3-0 ಅಂತರದ ಮುನ್ನಡೆಯನ್ನು ಟೀಂ ಇಂಡಿಯಾ ಪಡೆದು ಇತಿಹಾಸ ಸೃಷ್ಟಿಸಿದೆ.

ಸತತ ಮೂರು ಬೌಂಡರಿ ಬಾರಿಸುವ ಮೂಲಕ ಟೀಂ ಇಂಡಿಯಾ ಇನ್ನು 16 ಎಸೆತ ಬಾಕಿ ಇರುವಂತೆಯೇ ಭಾರತ ಗೆಲುವಿನ ಗುರಿಯನ್ನು ತಲುಪಿತು. ನಾಲ್ಕನೇ ಟೆಸ್ಟ್ ಪಂದ್ಯ ದೆಹಲಿಯಲ್ಲಿ ಮಾ.22ರಿಂದ ನಡೆಯಲಿದ್ದು, ಸ್ಪಿನ್ ಗೆ ಅನುಕೂಲಕರವಾದ್ದರಿಂದ ಆಸ್ಟ್ರೇಲಿಯಾ ವಿರುದ್ಧ ಕ್ಲೀನ್ ಸ್ವಿಪ್ ಕನಸು ಕಾಣಬಹುದಾಗಿದೆ.

ಬಲಗೈಗೆ ಗಾಯ ಮಾಡಿಕೊಂಡಿರುವ ಮೀಸೆಲಾಲ ಶಿಖರ್ ಧವನ್ ಬದಲಿಗೆ ಚೇತೇಶ್ವರ್ ಪೂಜಾರಾ ಆರಂಭಿಕ ಆಟಗಾರನಾಗಿ ಕಣಕ್ಕಿಳಿದರು. ಹತ್ತನೇ ಓವರ್ ತನಕ ಸುಲಭವಾಗಿ ಆಡುತ್ತಿದ್ದ ಆರಂಭಿಕ ಜೋಡಿ 42ರನ್ ಆಗಿದ್ದಾಗ ಬೇರ್ಪಟ್ಟಿತು. ಮುರಳಿ ವಿಜಯ್ 26 ರನ್ ಗಳಿಸಿ ಡೋಹರ್ಟಿಗೆ ವಿಕೆಟ್ ಒಪ್ಪಿಸಿದರು. ನಂತರ ಪೂಜಾರಾ ಕೂಡಾ 28 ರನ್ ಗಳಿಸಿ ಲಿಯಾನ್ ಸ್ಪಿನ್ ಗೆ ಬಲಿಯಾದರು. 

ಭಾರತದ ಮೊತ್ತ 20 ಓವರ್ ಗಳಲ್ಲಿ 80/2 ರನ್ ಗಳಿಸಿ ಸುಸ್ಥಿತಿಯಲ್ಲಿತ್ತುಸಚಿನ್ ತೆಂಡೂಲ್ಕರ್ ಹಾಗೂ ವಿರಾಟ್ ಕೊಹ್ಲಿ ಕ್ರೀಸ್ ನಲ್ಲಿದ್ದು ಭಾರತ ಗೆಲುವಿನ ದಡ ಮುಟ್ಟಿಸುವ ಭರವಸೆ ನೀಡಿದ್ದರು. ಆದರೆ, 34 ರನ್ ಗಳಿಸಿದ ವಿರಾಟ್ ಕೊಹ್ಲಿ ಹ್ಯೂಸ್ ಹಿಡಿದ ಉತ್ತಮ ಕ್ಯಾಚಿಗೆ ಬಲಿಯಾದರೆ, 21 ರನ್ ಗಳಿಸಿದ್ದ ಸಚಿನ್ ತೆಂಡೂಲ್ಕರ್ ಅನಗತ್ಯವಾಗಿ ರನೌಟ್ ಆದರು.

ನಾಯಕ ಧೋನಿ 3 ಬೌಂಡರಿ ಬಾರಿಸಿ 18 ರನ್ ಹಾಗೂ ರವೀಂದ್ರ ಜಡೇಜ 8 ರನ್ ಗಳಿಸಿ ಔಟಾಗದೆ ಉಳಿದು ತಂಡದಲ್ಲಿ ಗೆಲುವಿನ ನಗೆ ಮೂಡಿಸಿದರು. ಆಸೀಸ್ ಪರ ಸಿಡ್ಲ್, ಲಿಯಾನ್, ಡೊಹರ್ಟಿ ತಲಾ 1 ವಿಕೆಟ್ ಪಡೆದರು. ಮಿಚೆಲ್ ಸ್ಟಾರ್ಕ್ ಗೆ ಯಾವುದೇ ವಿಕೆಟ್ ಸಿಗಲಿಲ್ಲ.

ಇದಕ್ಕೂ ಮುನ್ನ ದಿನದ ಆರಂಭದಲ್ಲಿ 75/3 ಸ್ಕೋರ್ ನೊಂದಿಗೆ ಕಣಕ್ಕಿಳಿದ ಆಸೀಸ್ ಪಡೆ ನಿಯಮಿತವಾಗಿ ವಿಕೆಟ್ ಕಳೆದುಕೊಂಡು 223 ರನ್ನಿಗೆ ಆಲೌಟ್ ಆಯಿತು. ಭಾರತಕ್ಕೆ ಗೆಲ್ಲಲು 133 ರನ್ ಗುರಿ ನೀಡಲಾಗಿತ್ತು. ಭೋಜನ ವಿರಾಮದ ವೇಳೆಗೆ ಆಸೀಸ್ 170/8 ಸ್ಕೋರ್ ಮಾಡಿದ್ದರು. ಆಸೀಸ್ ಕೊನೆ ವಿಕೆಟ್ ಗೆ 18.1 ಓವರ್ ಗಳಲ್ಲಿ 44 ರನ್ ಗಳಿಸಿ ನಿಧಾನಗತಿಯಲ್ಲಿ ಆಡಿ ಭಾರತೀಯರ ಗೆಲುವನ್ನು ಮುಂದೂಡಲು ಯತ್ನಿಸಿದರು.

ಆಸ್ಟ್ರೇಲಿಯಾದ ಎರಡನೇ ಇನ್ನಿಂಗ್ಸ್ ನಲ್ಲಿ ಫಿಲ್ ಹ್ಯೂಸ್ 69 ರನ್ ಗಳಿಸಿದ್ದು ಬಿಟ್ಟರೆ ಉಳಿದವರು ಹೆಚ್ಚು ರನ್ ಗಳಿಸಲಿಲ್ಲ. ಹಡ್ಡೀನ್ 30, ಸ್ಟಾರ್ಕ್ 35 ರನ್ ಗಳಿಸಿದರು. ಭಾರತದ ಪರ ಭುವನೇಶ್ವರ್ ಕುಮಾರ್, ರವೀಂದ್ರ ಜಡೇಜ ತಲಾ 3 ವಿಕೆಟ್ ಗಳಿಸಿದರೆ, ಓಜಾ, ಅಶ್ಚಿನ್ ತಲಾ 2 ವಿಕೆಟ್ ಕಿತ್ತರು.

Story first published:  Monday, March 18, 2013, 15:33 [IST]
English summary
India need 133 to win the third Test and go 3-0 up against Australia in the fourth Test.
ಅಭಿಪ್ರಾಯ ಬರೆಯಿರಿ