Englishहिन्दीമലയാളംதமிழ்తెలుగు

ಜೆನ್ನಿಫರ್ ರೇಟ್ ಕೇಳಿ ಕುಸಿದು ಬಿದ್ದ ಶಾರುಖ್

Posted by:
Updated: Thursday, March 14, 2013, 19:27 [IST]
 

ಕೋಲ್ಕತ್ತಾ, ಮಾ.14 : ಇಂಡಿಯನ್ ಪ್ರಿಮಿಯರ್ ಲೀಗ್ ನ ಆರನೇ ಆವೃತ್ತಿಯ ಉದ್ಟಾಟನಾ ಸಮಾರಂಭದ ಹೊಣೆ ಹೊತ್ತಿರುವ ಶಾರುಖ್ ಅವರು ಹಾಲಿವುಡ್ ನ ಮಾದಕ ಗಾಯಕಿ, ನಟಿ ಜೆನ್ನಿಫರ್ ಲೋಪೆಜ್ ಗೆ ನೀಡಿದ ಆಹ್ವಾನ ತಿರಸ್ಕೃತಗೊಂಡಿದೆ.

ಕೋಲ್ಕತ್ತಾದ ಸಾಲ್ಟ್ ಲೇಕ್ ಸ್ಟೇಡಿಯಂನಲ್ಲಿ ಏ.2, 2013 ರಂದು ನಡೆಯಲಿರುವ ಉದ್ಘಾಟನಾ ಸಮಾರಂಭದಲ್ಲಿ ಹಾಡಿ ಕುಣಿದು ನಲಿಯುವಂತೆ ಜೆನ್ನಿಫರ್ ಲೋಪೆಜ್ ಗೆ ಶಾರುಖ್ ಕೇಳಿಕೊಂಡಿದ್ದರು. ಆದರೆ, ಸದ್ಯಕ್ಕೆ ಭಾರತಕ್ಕೆ ಬರುವ ಸಾಧ್ಯತೆಯಿಲ್ಲ, ಐಪಿಎಲ್ 6 ಗಾಗಿ ನಾನು ಹಾಡಲು ಸಾಧ್ಯವಿಲ್ಲ ಎಂದು ಜೆನ್ನಿ ಏಕ್ ದಂ ಹೇಳಿರುವುದು ರೆಡ್ ಚಿಲ್ಲಿಸ್ ಮಾಲೀಕ ಶಾರುಖ್ ಗೆ ಮೆಣಸಿನ ಕಾಯಿ ಘಾಟು ಬಡಿದಂತೆ ಆಗಿದೆ.

ಜೆನ್ನಿಫರ್ ರೇಟ್ ಕೇಳಿ ಕುಸಿದು ಬಿದ್ದ ಶಾರುಖ್

ಲಭ್ಯ ಮಾಹಿತಿ ಪ್ರಕಾರ ಜೆನ್ನಿಫರ್ ಲೋಪೆಜ್ ಡಿಮ್ಯಾಂಡ್ ಮಾಡಿದ ರೇಟ್ ಕೇಳಿ ಶಾರುಖ್ ದಂಗಾಗಿಬಿಟ್ಟರಂತೆ. ಮೊದಲಿಗೆ ಜೋಕ್ ಮಾಡುತ್ತಿರಬಹುದು ಎಂದುಕೊಂಡ ಶಾರುಖ್ ಮತ್ತೊಮ್ಮೆ ಜೆನ್ನಿಯನ್ನು ಸಂಪರ್ಕಿಸಿ ಹ್ಯಾಪುಮೋರೆ ಹಾಕಿಕೊಂಡು ಬಂದಿದ್ದಾರೆ. ಆದರೆ, ಜೆನ್ನಿ ಯಾಕೆ ಬರುತ್ತಿಲ್ಲ ಎಂಬುದರ ಬಗ್ಗೆ ರೆಡ್ ಚಿಲ್ಲೀಸ್ ಎಲ್ಲೂ ಗುಟ್ಟು ಹೊರಹಾಕಿಲ್ಲ.

ಎಲ್ಲವೂ ಶಾರುಖ್ ಅಂದು ಕೊಂಡಂತೆ ನಡೆದಿದ್ದರೆ ಜೆನ್ನಿಫರ್ ತನ್ನ 45 ಜನರ ಬ್ಯಾಂಡ್ ಜೊತೆಗೆ ಕೋಲ್ಕತ್ತಾದಲ್ಲಿ ಇಳಿಯಬೇಕಿತ್ತು. ಆದರೆ, ಜೆನ್ನಿ ಬರ್ತಾ ಇಲ್ಲ.

ಬಾಲಿವುಡ್ ನ ಬೆಡಗಿಯರಾದ ಕತ್ರೀನಾ ಕೈಫ್, ಪ್ರಿಯಾಂಕಾ ಛೋಪ್ರಾ ಹಾಗೂ ಬೆಂಗಳೂರು ಬೆಡಗಿ ದೀಪಿಕಾ ಪಡುಕೋಣೆ ಅವರು ಶಾರುಖ್ ಖಾನ್ ಕುಣಿದಾಡಿ ಪ್ರೇಕ್ಷಕರನ್ನು ರಂಜಿಸಲಿದ್ದಾರೆ ಎಂದು ರೆಡ್ ಚಿಲ್ಲೀಸ್ ಹಾಗೂ ಕೆಕೆಆರ್ ತಂಡ ಸಹ ಒಡತಿ ನಟಿ ಜೂಹಿ ಚಾವ್ಲಾ ಹೇಳಿದ್ದಾರೆ.

ಡಿಎಲ್ ಎಫ್ ಐಪಿಎಲ್ ಎಂದು ಕರೆಸಿಕೊಳ್ಳುತ್ತಿದ್ದ ಇಂಡಿಯನ್ ಪ್ರಿಮಿಯರ್ ಲೀಗ್ ಗೆ ಈಗ ಹೊಸ ಕಿಕ್ ನೀಡಲು ಪೆಪ್ಸಿ ಸಂಸ್ಥೆ ಬಂದಿದೆ. ಮುಂಬರುವ ಐಪಿಎಲ್ 6 ಯಲ್ಲಿ ಪೆಪ್ಸಿ ಕಂಪನಿ ಮುಖ್ಯ ಪ್ರಾಯೋಜಕತ್ವ ವಹಿಸಿಕೊಳ್ಳಲಿದೆ.

ಕಳೆದ ಐಪಿಎಲ್ ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಸೋಲಿಸಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ ಕಪ್ ಗೆದ್ದಿತ್ತು. ಇಂಡಿಯನ್ ಪ್ರಿಮಿಯರ್ ಲೀಗ್ ನ ಆರನೇ ಆವೃತ್ತಿ ಹರಾಜು ಪ್ರಕ್ರಿಯೆಯಲ್ಲಿ 107 ಆಟಗಾರರ ಪೈಕಿ 37 ಮಂದಿ ಮಾತ್ರ ಮಾರಾಟವಾಗಿದ್ದರು.

Story first published:  Thursday, March 14, 2013, 19:20 [IST]
English summary
American sensational singer Jennifer Lopez has turned down IPL 6. She refused to perform at the inaugural ceremony of the Indian Premiere League. Shahrukh Khan's Red Chillies Entertainment is signed as promoter for the IPLT20 opening ceremony to be held on Apr.2, 2013 at Kolkata
ಅಭಿಪ್ರಾಯ ಬರೆಯಿರಿ