Englishहिन्दीമലയാളംதமிழ்తెలుగు

ಐಪಿಎಲ್ 6 ಉದ್ಘಾಟನೆ ಶಾರುಖ್ ಸಂಸ್ಥೆ ಕೈಗೆ

Posted by:
Updated: Thursday, March 14, 2013, 19:27 [IST]
 

ಐಪಿಎಲ್ 6 ಉದ್ಘಾಟನೆ ಶಾರುಖ್ ಸಂಸ್ಥೆ ಕೈಗೆ
 

ಕೋಲ್ಕತಾ, ಮಾ.13: ಇಂಡಿಯನ್ ಪ್ರಿಮಿಯರ್ ಲೀಗ್ ನ ಆರನೇ ಆವೃತ್ತಿ ಕೋಲ್ಕತ್ತಾದಲ್ಲಿ ಭರ್ಜರಿ ಆರಂಭ ಪಡೆಯಲಿದೆ ಎಂದು ಬಿಸಿಸಿಐ ಘೋಷಿಸಿದೆ. ಇಲ್ಲಿನ ಸಾಲ್ಟ್ ಲೇಕ್ ಸ್ಟೇಡಿಯಂನಲ್ಲಿ ಏಪ್ರಿಲ್ 2 ರಂದು ಐಪಿಎಲ್ 6 ರ ಉದ್ಘಾಟನಾ ಸಮಾರಂಭ ನಡೆಯಲಿದೆ.

ಐಪಿಎಲ್ 6 ರ ಉದ್ಘಾಟನಾ ಸಮಾರಂಭದ ರಂಗೇರಿಸಲು ರೆಡ್ ಚಿಲ್ಲೀಸ್ ಎಂಟರ್ ಟೈನ್ಮೆಂಟ್ ಪೈ ಲಿ. ತಂಡವನ್ನು ಕರೆಸಿಕೊಳ್ಳಲಾಗುತ್ತಿದೆ. ಮಂಗಳವಾರ ಕ್ರಿಕೆಟ್ ಹಾಗೂ ಮನರಂಜನೆಯ ಹಬ್ಬಕ್ಕೆ ಚಾಲನೆ ದೊರೆಯಲಿದೆ ಎಂದು ಕೋಲ್ಕತ್ತಾ ಕ್ರಿಕೆಟ್ ಮಂಡಳಿ ಹೇಳಿದೆ.

ಬಾಲಿವುಡ್ ನ ಕಿಂಗ್ ಖಾನ್ ಶಾರುಖ್ ಅವರ ರೆಡ್ ಚಿಲ್ಲೀಸ್ ಸಂಸ್ಥೆಗೆ ಐಪಿಎಲ್ ಉದ್ಘಾಟನೆಯನ್ನು ನಡೆಸಿಕೊಡಲು ಕೋರಿದ್ದರಲ್ಲಿ ಕೋಲ್ಕತ್ತಾ ಮಂದಿ ಸ್ವಾರ್ಥವೂ ಇದೆ. ಕಳೆದ ಬಾರಿಯ ಚಾಂಪಿಯನ್ ಆಗಿದ್ದು ಇದೇ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ ಹಾಗೂ ಅದರ ಮಾಲೀಕ ಶಾರುಖ್ ಖಾನ್ ಎಂಬುದನ್ನು ಮರೆಯುವಂತಿಲ್ಲ.

ಉದ್ಘಾಟನಾ ಸಮಾರಂಭದ ನಂತರದ ಮುಂದಿನ ಏಳು ವಾರಗಳು ಅಭಿಮಾನಿಗಳಿಗೆ ಮನರಂಜನೆಯ ಮಹಾಪೂರ ಹರಿಸಲಿದೆ. ರೆಡ್ ಚಿಲ್ಲೀಸ್ ಸಂಸ್ಥೆಗೆ ಕಾರ್ಯಕ್ರಮದ ಉಸ್ತುವಾರಿ ವಹಿಸಿರುವುದು ಸಂತಸ ತಂದಿದೆ ಎಂದು ಐಪಿಎಲ್ ಚೇರ್ಮನ್ ರಾಜೀವ್ ಶುಕ್ಲಾ ಹೇಳಿದ್ದಾರೆ.

ಡಿಎಲ್ ಎಫ್ ಐಪಿಎಲ್ ಎಂದು ಕರೆಸಿಕೊಳ್ಳುತ್ತಿದ್ದ ಇಂಡಿಯನ್ ಪ್ರಿಮಿಯರ್ ಲೀಗ್ ಗೆ ಈಗ ಹೊಸ ಕಿಕ್ ನೀಡಲು ಪೆಪ್ಸಿ ಸಂಸ್ಥೆ ಬಂದಿದೆ. ಮುಂಬರುವ ಐಪಿಎಲ್ 6 ಯಲ್ಲಿ ಪೆಪ್ಸಿ ಕಂಪನಿ ಮುಖ್ಯ ಪ್ರಾಯೋಜಕತ್ವ ವಹಿಸಿಕೊಳ್ಳಲಿದೆ ಎಂದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಹೇಳಿದೆ.ಮುಂದಿನ 5 ವರ್ಷಗಳ ಕಾಲಕ್ಕೆ ಪೆಪ್ಸಿ ಸಂಸ್ಥೆ ಐಪಿಎಲ್ ಪ್ರಾಯೋಜಕತ್ವ ಪಡೆದಿದೆ

ಕಳೆದ ಐಪಿಎಲ್ ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಸೋಲಿಸಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ ಕಪ್ ಗೆದ್ದಿತ್ತು. ಇಂಡಿಯನ್ ಪ್ರಿಮಿಯರ್ ಲೀಗ್ ನ ಆರನೇ ಆವೃತ್ತಿ ಹರಾಜು ಪ್ರಕ್ರಿಯೆಯಲ್ಲಿ 107 ಆಟಗಾರರ ಪೈಕಿ 37 ಮಂದಿ ಮಾತ್ರ ಮಾರಾಟವಾಗಿದ್ದರು.

Story first published:  Wednesday, March 13, 2013, 17:54 [IST]
English summary
The Opening Ceremony of the sixth edition of Indian Premier League (IPL 6) will be held on April 2 at the Salt Lake Stadium in Kolkata, the organisers announced on Tuesday.
ಅಭಿಪ್ರಾಯ ಬರೆಯಿರಿ