Englishहिन्दीമലയാളംதமிழ்తెలుగు

ಆಸ್ಟ್ರೇಲಿಯಾಗೆ 8 ವಿಕೆಟ್ ಗಳ ಸೋಲುಣಿಸಿದ ಭಾರತ

Posted by:
Updated: Tuesday, February 26, 2013, 16:08 [IST]
 

ಚೆನ್ನೈ, ಫೆ.26: ಪ್ರವಾಸಿ ಆಸ್ಟ್ರೇಲಿಯಾ ತಂಡ ಅತಿಥೇಯ ಭಾರತ ತಂಡ ವಿರುದ್ಧ ಮೊದಲ ಟೆಸ್ಟ್ ಪಂದ್ಯವನ್ನು 8 ವಿಕೆಟ್ ಗಳಿಂದ ಸೋತಿದೆ. ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆದ ಪಂದ್ಯವನ್ನು ಧೋನಿ ಪಡೆ ಗೆದ್ದು ಬೀಗಿದೆ. ನಾಲ್ಕು ಪಂದ್ಯಗಳ ಸರಣಿಯಲ್ಲಿ ಟೀಂ ಇಂಡಿಯಾ 1-0 ಅಂತರದ ಮುನ್ನಡೆ ಪಡೆದಿದೆ. ಎರಡನೇ ಟೆಸ್ಟ್ ಪಂದ್ಯ ಮಾ.2 ರಿಂದ ಹೈದರಾಬಾದಿನಲ್ಲಿ ನಡೆಯಲಿದೆ.

ಗೆಲ್ಲಲು ಬೇಕಿದ್ದ 50 ರನ್ ಗಳನ್ನು ಭಾರತ ತಂಡ ಆರಂಭಿಕ ಆಟಗಾರರಾದ ವೀರೇಂದರ್ ಸೆಹ್ವಾಗ್ ಹಾಗೂ ಮುರಳಿ ವಿಜಯ್ ವಿಕೆಟ್ ಕಳೆದುಕೊಂಡು ಜಯ ದಾಖಲಿಸಿತು. ಸಚಿನ್ ತೆಂಡೂಲ್ಕರ್ ಸತತ ಎರಡು ಸಿಕ್ಸರ್ ಬಾರಿಸಿ 11.3 ಓವರ್ ಗಳಲ್ಲಿ ಜಯ ತಂದಿತ್ತರು.

ನಾಯಕ ಎಂಎಸ್ ಧೋನಿ, ಆರ್ ಅಶ್ವಿನ್ ಜಯದ ರುವಾರಿಗಳಾದರು ಆರ್ ಅಶ್ವಿನ್ 12 ವಿಕೆಟ್ ಕಿತ್ತರೆ, ಧೋನಿ ಭರ್ಜರಿ ದ್ವಿಶತಕ ಸಿಡಿಸಿದರು. ನಾಯಕನಾಗಿ ಅತಿ ಹೆಚ್ಚು ಪಂದ್ಯ ಗೆದ್ದ ಸಾಧನೆ ಮಾಡಿದ ಸೌರವ್ ಗಂಗೂಲಿ ದಾಖಲೆ(21 ಜಯ)ಯನ್ನು ಎಂಎಸ್ ಧೋನಿ ಸರಿಗಟ್ಟಿದ್ದಾರೆ.

ಇದಕ್ಕೂ ಮುನ್ನ ಬ್ಯಾಟಿಂಗ್ ಮುಂದುವರೆಸಿದ ಆಸ್ಟ್ರೇಲಿಯಾ ತಂಡ 241 ರನ್ ಗಳಿಗೆ ಆಲೌಟ್ ಆಯಿತು. ಮೊಯಿಸಿಸ್ ಹೆನ್ರಿಕ್ಯೂಸ್ 81 ರನ್ ಗಳಿಸಿ ಔಟಾಗದೆ ಉಳಿದರು.

Story first published:  Tuesday, February 26, 2013, 12:03 [IST]
English summary
India defeated Australia by eight wickets on the fifth and final day of the first Test here at MA Chidambaram Stadium on Tuesday. India went 1-0 up in the four-match series.The second Test starts in Hyderabad on March 2.
ಅಭಿಪ್ರಾಯ ಬರೆಯಿರಿ