Englishहिन्दीമലയാളംதமிழ்తెలుగు

ಡೆಲ್ಲಿ ಪಾಲಾದ ಕರ್ನಾಟಕದ ಪ್ರತಿಭೆ

Posted by:
Updated: Tuesday, February 12, 2013, 13:15 [IST]
 

ಬೆಂಗಳೂರು, ಫೆ.12: ದೇಶಿ ಪ್ರತಿಭೆಗಳಿಗೆ ಉತ್ತಮ ವೇದಿಕೆ ಒದಗಿಸುವ ಇಂಡಿಯನ್ ಪ್ರಿಮಿಯರ್ ಲೀಗ್ ನ ಆರನೇ ಆವೃತ್ತಿ ಆರಂಭಕ್ಕೂ ಮುನ್ನ ಆಟಗಾರರ ಆಯ್ಕೆ ಕುತೂಹಲ ಮನೆ ಮಾಡಿದೆ. ಬಹಿರಂಗ ಹರಾಜು ಪ್ರಕ್ರಿಯೆ ನಂತರ ಕರ್ನಾಟಕದ ಪ್ರತಿಭೆಯೊಂದು ಡೆಲ್ಲಿ ಡೇರ್ ಡೆವಿಲ್ಸ್ ತಂಡದ ಪಾಲಾಗಿದೆ.

ಕಳೆದ ರಣಜಿ ಋತುವಿನಲ್ಲಿ ಅದ್ಭುತ ಪ್ರದರ್ಶನ ನೀಡುವ ಮೂಲಕ ಗಮನ ಸೆಳೆದಿದ್ದ ಸಿ.ಎಂ ಗೌತಮ್ ಅವರನ್ನು ಡೆಲ್ಲಿ ಡೇರ್ ಡೇವಿಲ್ಸ್ ತಂಡ ತನ್ನ ತೆಕ್ಕೆಗೆ ಹಾಕಿಕೊಂಡಿದೆ. ಎರಡು ಮೂರು ತಂಡಗಳಿಂದ ಆಫರ್ ಬಂದಿತ್ತು, ಅದರೆ, ಕೊನೆಗೆ ಡೆಲ್ಲಿ ಡೇರ್ ಡೆವಿಲ್ಸ್ ತಂಡದೊಡನೆ ಒಪ್ಪಂದ ಮಾಡಿಕೊಂಡೆ ಎಂದು ಕರ್ನಾಟಕದ ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ಗೌತಮ್ ಹೇಳಿದ್ದಾರೆ.

ಡೆಲ್ಲಿ ಪಾಲಾದ ಕರ್ನಾಟಕದ ಪ್ರತಿಭೆ

ಡೆಲ್ಲಿ ಡೇರ್ ಡೆವಿಲ್ಸ್ ತಂಡದಲ್ಲಿ ನಮನ್ ಓಜಾ ಅವರು ಈಗಾಗಲೇ ವಿಕೆಟ್ ಕೀಪರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಇನ್ನೊಬ್ಬ ವಿಕೆಟ್ ಕೀಪರ್ ಅನ್ನು ಆಯ್ಕೆ ಮಾಡುವ ಮೂಲಕ ಡೆಲ್ಲಿ ತಂಡ ತನ್ನ ಸಾಮರ್ಥ್ಯವನ್ನು ಇನ್ನಷ್ಟು ಹೆಚ್ಚಿಸಿಕೊಂಡಿದೆ.

ಆರಂಭದಲ್ಲಿ ಐಪಿಎಲ್ ನ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಪರ ಆಡುತ್ತಿದ್ದ 26 ವರ್ಷದ ಗೌತಮ್ ಅವರು ಅವಕಾಶ ವಂಚಿತರಾಗಿದ್ದರು. ಕಳೆದ ನವೆಂಬರ್ ನಲ್ಲಿ ಒಪ್ಪಂದ ಮುಗಿದ ಮೇಲೆ ಆರ್ ಸಿಬಿ ಆಡಳಿತ ಮಂಡಳಿ ಗೌತಮ್ ಅವರನ್ನು ತಂಡದಲ್ಲಿ ಉಳಿಸಿಕೊಳ್ಳುವ ಮನಸ್ಸು ಮಾಡಿರಲಿಲ್ಲ. ಹೀಗಾಗಿ ಬೇರೆ ತಂಡಗಳತ್ತ ಗೌತಮ್ ಮುಖ ಮಾಡಿದ್ದರು.

ಕಳೆದ ರಣಜಿ ಋತುವಿನಲ್ಲಿ 943 ರನ್ ಗಳಿಸಿರುವ ಗೌತಮ್ ಅವರು ಭರ್ಜರಿ ದ್ವಿಶತಕ ಕೂಡಾ ಬಾರಿಸಿದ್ದಾರೆ. ಫೆ. 16 ರಂದು ನಡೆಯಲಿರುವ ಪ್ರವಾಸಿ ಆಸ್ಟ್ರೇಲಿಯಾ ವಿರುದ್ಧ ಭಾರತ 'ಎ' ತಂಡದಲ್ಲಿ ಗೌತಮ್ ಆಡುವ ಅವಕಾಶ ಸಿಕ್ಕಿದೆ. ಇಂಡಿಯನ್ ಪ್ರಿಮಿಯರ್ ಲೀಗ್ ಪಂದ್ಯಗಳು ಏ. 3 ರಿಂದ ಆರಂಭವಾಗಲಿದೆ. [ವೇಳಾಪಟ್ಟಿ ನೋಡಿ]

Story first published:  Tuesday, February 12, 2013, 13:06 [IST]
English summary
Delhi Daredevils have signed Karnataka wicketkeeper-batsman CM Gautam for the sixth edition of Indian Premier League (IPL 6).
ಅಭಿಪ್ರಾಯ ಬರೆಯಿರಿ