Englishहिन्दीമലയാളംதமிழ்తెలుగు

ಮುಂಬೈ ಮುಡಿಗೆ 40ನೇ ರಣಜಿ ಕಿರೀಟ

Posted by:
Published: Monday, January 28, 2013, 17:01 [IST]
 

ಮುಂಬೈ, ಜ.28: ನಾಯಕ ಅಜಿತ್ ಅಗರ್ಕರ್, ಧವಳ್ ಕುಲಕರ್ಣಿ ಜುಗಲ್ ಬಂದಿಗೆ ತತ್ತರಿಸಿದ ಸೌರಾಷ್ಟ್ರ ತಂಡ ರಣಜಿ ಫೈನಲ್ ನಲ್ಲಿ ಸೋತು ಸುಣ್ಣವಾಗಿದೆ. ಎರಡನೇ ಇನ್ನಿಂಗ್ಸ್ ನಲ್ಲಿ 82ರನ್ ಗಳಿಗೆ ಸೌರಾಷ್ಟ್ರವನ್ನು ನಿಯಂತ್ರಿಸಿದ ಮುಂಬೈ ತಂಡ ಸೋಮವಾರ (ಜ.28) 40ನೇ ಬಾರಿಗೆ ರಣಜಿ ಪ್ರಶಸ್ತಿ ಗಳಿಸಿದೆ.

ಸಚಿನ್ ತೆಂಡೂಲ್ಕರ್ ಹೊಂದಿದ್ದ ಮುಂಬೈ ಪಡೆ 44 ಬಾರಿ ಫೈನಲ್ ಪ್ರವೇಶಿಸಿ 40 ಬಾರಿ ಪ್ರಶಸ್ತಿ ಗೆದ್ದ ಸಾಧನೆ ಮಾಡಿದೆ. ಮುಂಬೈ/ಬಾಂಬೆ ತಂಡ ಶೇ 90.7 ರಷ್ಟು ಗೆಲುವಿನ ಸರಾಸರಿ ಹೊಂದಿದೆ. ನಂತರದ ಸ್ಥಾನದಲ್ಲಿ ದೆಹಲಿ ತಂಡ 14 ಬಾರಿ ಫೈನಲ್ ಪ್ರವೇಶಿಸಿ 7 ಬಾರಿ ಗೆದ್ದಿದೆ, ಕರ್ನಾಟಕ/ಮೈಸೂರು ತಂಡ 12 ಬಾರಿ ಫೈನಲ್ ಪ್ರವೇಶಿಸಿ 6 ಬಾರಿ ಗೆದ್ದು ಮೂರನೇ ಸ್ಥಾನದಲ್ಲಿದೆ.

ಸ್ಟಾರ್ ಆಟಗಾರರಾದ ರವೀಂದ್ರ ಜಡೇಜ, ಚೇತೇಶ್ವರ್ ಪೂಜಾರಾ ಅವರ ಅನುಪಸ್ಥಿತಿಯಲ್ಲಿ ಸೌರಾಷ್ಟ್ರ ಪೇಲವ ಪ್ರದರ್ಶನ ನೀಡಿ ಸೊಲೊಪ್ಪಿಕೊಂಡಿದೆ. ಮೊದಲ ಬಾರಿಗೆ ಫೈನಲ್ ಪ್ರವೇಶಿಸಿದ ಸೌರಾಷ್ಟ್ರ ತಂಡವನ್ನು ಮುಂಬೈ ತಂಡ ಇನ್ನಿಂಗ್ಸ್ ಹಾಗೂ 125 ರನ್ ಗಳಿಂದ ಸೋಲಿಸಿದೆ. ಎರಡನೇ ಇನ್ನಿಂಗ್ಸ್ ನಲ್ಲಿ 58/8ರನ್ ಗಳಿಸಿ ತತ್ತರಿಸಿದ್ದ ಸೌರಾಷ್ಟ್ರ ತಂಡ ಕೊನೆಗೂ 82 ರನ್ ಗಳಿಗೆ ಆಲೌಟ್ ಆಗಿ ಸೋಲುಂಡಿದೆ.

ಸಂಕ್ಷಿಪ್ತ ಸ್ಕೋರ್: ಮುಂಬೈ 355 ರನ್(119 ಓವರ್ಸ್) ( ವಾಸಿಂ ಜಾಫರ್ 132, ಎಚ್ ಶಾ 55, ಸಚಿನ್ 22, ಕಮಲೇಶ್ ಮಾಕ್ವನಾ 3/49)

ಸೌರಾಷ್ಟ್ರ 148 (ಎವಿ ವಾಸುದೇವ 55,ಧವಳ್ ಕುಲಕರ್ಣಿ 4/24, ಅಭಿಷೇಕ್ ನಾಯರ್ 2/30, ಅಜಿತ್ ಅಗರ್ಕರ್ 1/33) ಹಾಗೂ 82 (ಡಿ. ಜಡೇಜ, ಧವಳ್ ಕುಲಕರ್ಣಿ 5/32 ಹಾಗೂ ಅಗರ್ಕರ್ 4/15)

ಪಂದ್ಯ ಶ್ರೇಷ್ಠ: ವಾಸಿಂ ಜಾಫರ್(ಮುಂಬೈ)

ದಟ್ಸ್ ಕ್ರಿಕೆಟ್

ಅಭಿಪ್ರಾಯ ಬರೆಯಿರಿ