Englishहिन्दीമലയാളംதமிழ்తెలుగు

ಆಸೀಸ್ ಗರ್ವಭಂಗ, ಲಂಕಾ ಸಿಂಹ ನರ್ತನ

Posted by:
Published: Friday, January 18, 2013, 15:08 [IST]
 

ಬ್ರಿಸ್ಬೇನ್, ಜ.18: ಆಸ್ಟ್ರೇಲಿಯಾ ಕ್ರಿಕೆಟ್ ತಂಡ ಮತ್ತೊಮ್ಮೆ ಹೀನಾಯ ಸೋಲು ಕಂಡಿದೆ. ತೃತೀಯ ಏಕದಿನ ಪಂದ್ಯದಲ್ಲಿ ಕೇವಲ 74ರನ್ ಗಳಿಸಿ ಆಲೌಟ್ ಆಗಿದ್ದ ಆಸೀಸ್ ವಿರುದ್ಧ ಲಂಕಾ ಸ್ವಲ್ಪ ತಿಣುಕಾಡಿದರೂ ಕೊನೆಗೆ ಜಯದ ನಗೆ ಬೀರಿದೆ.

ಸ್ಕೋರ್ ಕಾರ್ಡ್ ನೋಡಿ

75 ರನ್ ಗಳ ಬೆನ್ನು ಹತ್ತಿದ ಲಂಕಾ ಪಡೆ ಆರಂಭದಲ್ಲೇ ನಾಯಕ ಮಹೇಲ ಜಯವರ್ದನೆ ವಿಕೆಟ್ ಕಳೆದುಕೊಂಡಿತು.ತಿರುಮನ್ನೆ 7 ರನ್, ಮ್ಯಾಥ್ಯೂಸ್ 0, ತರಂಗಾ 12, ಜೀವನ್ ಮೆಂಡಿಸ್ 2 ರನ್ ಗಳಿಸಿ ಔಟಾಗಿ ಆತಂಕ ಮೂಡಿಸಿದರು.

ಆದರೆ, ತಿಲಕರತ್ನೆ ದಿಲ್ಶನ್, ವಿಕೆಟ್ ಕೀಪರ್ ಜನತ್ ಪೆರೆರಾ ತಲಾ 22 ರನ್ ಗಳಿಸಿ, ಗೆಲುವಿನ ಗುರಿ ಮುಟ್ಟಿಸಿದರು. ಆಸೀಸ್ ಪರ ಮಿಚೆಲ್ ಜಾನ್ಸನ್ 11ಕ್ಕೆ 3, ಸ್ಟಾರ್ಕ್ 25ಕ್ಕೆ 2, ಮೆಕ್ ಕೇ 31ಕ್ಕೆ 1 ವಿಕೆಟ್ ಪಡೆದರು.

ಆಸೀಸ್ ಕಳಪೆ ಇನ್ನಿಂಗ್ಸ್: ಫೋನ್ ನಂಬರ್ ಡೈರಕ್ಟರಿ ಥರಾ ಕಾಣುವ ಆಸೀಸ್ ಸ್ಕೋರ್ ಶೀಟ್ ಅಭಿಮಾನಿಗಳಿಗೆ ಆಘಾತ ಮೂಡಿಸಿತು. ವಾರ್ನರ್ , ಹ್ಯೂಸ್, ಮೈಕಲ್ ಕ್ಲಾರ್ಕ್, ಡೇವಿಡ್ ಹಸ್ಸಿ, ಬೈಲಿ, ವೇಡ್ ಯಾರೊಬ್ಬರೂ ಎರಡು ಅಂಕಿ ಸ್ಕೋರ್ ಮಾಡಲಿಲ್ಲ.

ವೇಗಿ ಮಿಚೆಲ್ ಸ್ಟಾರ್ಕ್ ಬಾರಿಸಿದ 22 ರನ್ ಹಾಗೂ ಕ್ಸೇವಿಯರ್ ಡೊಹರ್ಟಿ ಹೊಡೆದ 15 ರನ್ ಗಳು ತಂಡದ ಮೊತ್ತವನ್ನು 74ರನ್ ಗೆ ಏರಿಸಿತು.

ನುವಾನ್ ಕುಲಶೇಖರ ಅದ್ಭುತ ಬೌಲಿಂಗ್ 10-2-22-5 ಪ್ರದರ್ಶಿಸಿದರು. ಮಾಲಿಂಗ 3 ವಿಕೆಟ್ ಕಿತ್ತರೆ, ಮ್ಯಾಥ್ಯೂಸ್ ಹಾಗೂ ಎರಂಗ ತಲಾ 1 ವಿಕೆಟ್ ಪಡೆದರು.

ಆಸೀಸ್ ಅತ್ಯಂತ ಕಳಪೆ ಏಕದಿನ ಸ್ಕೋರ್ಸ್:
* 70 vs ಇಂಗ್ಲೆಂಡ್, ಬರ್ಮಿಗ್ ಹ್ಯಾಂ(1977)
* 70 vs ನ್ಯೂಜಿಲೆಂಡ್, ಅಡಿಲೇಡ್ (1986)
* 91 vs ವೆಸ್ಟ್ ಇಂಡೀಸ್, ಪರ್ತ್ (1987)
* 93 vs ದಕ್ಷಿಣ ಆಫ್ರಿಕಾ, ಕೇಪ್ ಟೌನ್ (2006)
ದಟ್ಸ್ ಕ್ರಿಕೆಟ್

English summary
Sri Lanka script yet another four wicket victory after struggling to score 75, in reply to Australia's 74 in the third ODI at Brisbane on Friday(Jan.18).
ಅಭಿಪ್ರಾಯ ಬರೆಯಿರಿ