Englishहिन्दीമലയാളംதமிழ்తెలుగు

ಟಿ20: ಟಿಕೆಟ್ ಸಿಕ್ಕವನಿಗೆ ಸೀರುಂಡೆ

Posted by:
Updated: Friday, December 21, 2012, 18:57 [IST]
 

ಬೆಂಗಳೂರು, ಡಿ.21: ನಿದ್ದೆಗೆಟ್ಟು ಕ್ಯೂನಲ್ಲಿ ನಿಂತಿದ್ದಕ್ಕೂ ಸಾರ್ಥಕವಾಯಿತು ಸಾರ್, ಫಸ್ಟ್ ಟೈಂ ಟಿಕೆಟ್ ಸಿಕ್ಕಿರೋದು ಎಂದು ಕಾಲೇಜು ವಿದ್ಯಾರ್ಥಿ ಅಭಿ ತನ್ನ ಗೆಳೆಯ ಗೆಳತಿಯರೊಟ್ಟಿಗೆ ನಿಂತು ಫೋಸ್ ನೀಡುತ್ತಿದ್ದರೆ, ಇನ್ನೂ ಕ್ಯೂ ನಲ್ಲಿ ನಿಂತವರು ತಮ್ಮ ಸರದಿಯಾಗಿ ಕಾಯುತ್ತಾ ಇದ್ದರು. ಹೌದು, ಬೆಂಗಳೂರಿನ ಜನರಿಗೆ ಪ್ರಳಯ ಮರೆತು ಹೋಗಿದೆ. ಈಗ ಟಿ20 ಜ್ವರ ಆವರಿಸಿದೆ.

ಡಿ.25 ರಂದು ಭಾರತ ಮತ್ತು ಪಾಕಿಸ್ತಾನ ನಡುವಿನ ಪ್ರಥಮ ಟಿ20 ಪಂದ್ಯ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಡಿ,22ರಂದು ಉಭಯ ತಂಡದ ಆಟಗಾರರು ಬೆಂಗಳೂರಿಗೆ ಬಂದು ಐಟಿಸಿ ಗಾರ್ಡನಿಯಾದಲ್ಲಿ ತಂಗಲಿದ್ದಾರೆ. [ಭಾರತ - ಪಾಕಿಸ್ತಾನ ಸಮರ ವೇಳಾಪಟ್ಟಿ]

ಟಿಕೆಟ್ ಟಿಕೆಟ್: ಮುಂಜಾನೆಯಿಂದ ಕ್ಯೂನಲ್ಲಿ ನಿಂತರೂ ಟಿಕೆಟ್ ಸಿಗದೆ ಒದ್ದಾಡುತ್ತಾ ಹೊಟ್ಟೆಗೆ ಹಿಟ್ಟಿಲ್ಲದೆ ನಿಂತಿದ್ದ ಯುವಪಡೆಯನ್ನು ನಿಯಂತ್ರಿಸಲು ಪೊಲೀಸರು ಎಂದಿನಂತೆ ಹರಸಾಹಸ ಪಡುತ್ತಿದ್ದ ದೃಶ್ಯ ಸಾಮಾನ್ಯವಾಗಿತ್ತು.

ಡಿ.13ರಿಂದಲೇ ಆನ್ ಲೈನ್ ಟಿಕೆಟ್ ಮಾರಾಟವಾಗಿತ್ತು. ರು 1600, ರು 4000 ಹಾಗೂ ರು 15000 ಬೆಲೆಯ ಟಿಕೆಟ್ ನಿರೀಕ್ಷೆಯಂತೆ ಕೆಲ ಸಮಯದಲ್ಲೇ ಸೋಲ್ಡ್ ಔಟ್ ಆಗಿದೆ.

ಲಭ್ಯ ಮಾಹಿತಿ ಪ್ರಕಾರ ಆನ್ ಲೈನ್ ನಲ್ಲಿ 9000 ರು ಹಾಗೂ 12500 ರು ಬೆಲೆ ಟಿಕೆಟ್ ಗಳು ಕೆಲವು ಇನ್ನೂ ಮಾರಾಟವಾಗಿಲ್ಲ. ಬೆಳಗ್ಗೆ 8 ರಿಂದ ಆಫೀಸ್ ಕೌಂಟರ್ ನಲ್ಲಿ ಬಹುಬೇಡಿಕೆಯ 250 ರು ಡಿ ಸ್ಟ್ಯಾಂಡ್ ಟಿಕೆಟ್ ಮಾರಾಟ ಜಾರಿಯಲ್ಲಿದ್ದು ನಾಳೆ ಬೆಳಗ್ಗೆ ಹೊತ್ತಿಗೆ ಸೋಲ್ಡ್ ಔಟ್ ಆಗುವ ನಿರೀಕ್ಷೆ ಇದೆ. ಹೀಗಾಗಿ ಇವತ್ತು ಟಿಕೆಟ್ ಪಡೆದವನೇ ಬಾಸು.

ಟಿಕೆಟ್ ಸಿಕ್ಕವನಿಗೆ ಸೀರುಂಡೆ

ಟಿ20 ಕ್ರಿಕೆಟ್ ಕ್ರೇಜ್ ನಲ್ಲಿ ಮಿಂದೆದ್ದಿರುವ ಬೆಂಗಳೂರಿನ ಅಭಿಮಾನಿಗಳು ಟಿಕೆಟ್ ಪಡೆದ ಖುಷಿಯಲ್ಲಿ ಚಿನ್ನಸ್ವಾಮಿ ಕ್ರೀಡಾಂಗಣದ ಹೊರಗೆ ಪೋಸ್ ಕೊಟ್ಟಿದ್ದು ಹೀಗೆ. ಭಾರತ ಪಾಕ್ ಕದನ ವೀಕ್ಷಿಸಲು ಇನ್ನಷ್ಟು ಜನ ಕ್ಯೂನಲ್ಲಿ ಇನ್ನೂ ನಿಂತೇ ಇದ್ದಾರೆ.

ಐತಲಕ್ಕಡಿ ನಂಗೂ ಸಿಕ್ತು

ವಿದೇಶಿ ದಂಪತಿಗಳು ಶುಕ್ರವಾರ ಟಿಕೆಟ್ ಪಡೆದ ಅಭಿಮಾನಿಗಳ ಪೈಕಿ ಮೊದಲಿಗರಾಗಿದ್ದು, ಡಿ ಸ್ಟ್ಯಾಂಡ್ ನಲ್ಲಿ ಮ್ಯಾಚ್ ನೋಡುವುದೇ ಮಜಾ ಎನ್ನುತ್ತಿದ್ದರು.

ಸರತಿ ಸಾಲಿನಲ್ಲಿ ಸಕತ್ ಫ್ಯಾನ್ಸ್

ಕೆಎಸ್ ಸಿಎ ಅಭಿಮಾನಿಗಳಿಗೆ ಅನುಕೂಲವಾಗುವಂತೆ ಸರದಿ ಸಾಲು ವ್ಯವಸ್ಥೆ ರೂಪಿಸಿದ್ದರೂ ಸ್ಟೇಡಿಯಂ ಹೊರಗೆ ಎಂದಿನಂತೆ ನೂಕು ನುಗ್ಗಲು ಇದ್ದೇ ಇತ್ತು. ಅಭಿಮಾನಿಗಳು ಬಿಸಿಲು, ಚಳಿ ಲೆಕ್ಕಿಸದೆ 2 ಟಿಕೆಟ್ ಪಡೆಯುವ ಆಸೆಯಲ್ಲಿ ಹೆಜ್ಜೆ ಇಡುತ್ತಿದ್ದರು.

ನಾವು ರೆಡಿ ಎಂದ ಅನಿಲ್ ಕುಂಬ್ಳೆ

ಆನ್ ಲೈನ್ ನಲ್ಲಿ 7187 ಟಿಕೆಟ್ ಗಳನ್ನು ಮಾರಾಟಕ್ಕೆ ಇಡಲಾಗಿದೆ. ಈ ಬಾರಿ ಜನ ಪ್ರತಿನಿಧಿಗಳಿಂದ ಹೆಚ್ಚಿನ ಬೇಡಿಕೆ ಬಂದಿಲ್ಲ. ಶ್ರೀರಾಮಸೇನೆ ವಿರೋಧದ ಬಗ್ಗೆ ನಿಗಾ ವಹಿಸಲಾಗಿದ್ದು, ಆಟಗಾರರಿಗೆ ಜೆಡ್ ಶ್ರೇಣಿ ಭದ್ರತೆ ಒದಗಿಸಲಾಗುವುದು ಎಂದು ಕೆಎಸ್ ಸಿಎ ಅಧ್ಯಕ್ಷ ಅನಿಲ್ ಕುಂಬ್ಳೆ ಹೇಳಿದ್ದಾರೆ.

ತಡೆಯೋಕೆ ನಾವು ರೆಡಿ ಎಂದ ಸೇನೆ

ಶ್ರೀರಾಮಸೇನೆ ಕಾರ್ಯಕರ್ತರು ಪ್ರಾಣ ಬೇಕಾದರೂ ಕೊಟ್ಟೇವು, ಪಾಕಿಸ್ತಾನ ಆಟಗಾರರು ಭಾರತದ ಜೊತೆ ಕ್ರಿಕೆಟ್ ಆಡಲು ಬಿಡುವುದಿಲ್ಲ ಎಂದು ಪಣ ತೊಟ್ಟಿದ್ದಾರೆ. ನಮ್ಮ ಕಾರ್ಯಕರ್ತರು ಟಿಕೆಟ್ ಪಡೆದು ಸ್ಟೇಡಿಯಂ ಪ್ರವೇಶಿಸಲಿದ್ದಾರೆ ಎಂದು ಶ್ರೀರಾಮ ಸೇನೆ ಮುಖ್ಯಸ್ಥ ಪ್ರಮೋದ್ ಹೇಳಿದ್ದಾರೆ.

Story first published:  Friday, December 21, 2012, 18:20 [IST]
English summary
As expected, there was a huge crowd at M Chinnnaswamy Stadium on Friday to buy tickets for India-Pakistan Twenty20 International, which will be held here on December 25.

Please read our comments and moderation policy before posting

ಅಭಿಪ್ರಾಯ ಬರೆಯಿರಿ
Click here to type in Kannada