Englishहिन्दीമലയാളംதமிழ்తెలుగు

ವೈಫಲ್ಯ ನಂತರವೂ ಸಚಿನ್ ಗೆ ಬಿಸಿಸಿಐ ರಕ್ಷೆ

Posted by:
Published: Monday, November 26, 2012, 18:11 [IST]
 

ವೈಫಲ್ಯ ನಂತರವೂ ಸಚಿನ್ ಗೆ ಬಿಸಿಸಿಐ ರಕ್ಷೆ
 

ಬೆಂಗಳೂರು, ನ.26: ಇಂಗ್ಲೆಂಡ್ ವಿರುದ್ಧದ 2ನೇ ಟೆಸ್ಟ್ ನಲ್ಲಿ ಭಾರತ ತಂಡ ಹೀನಾಯ ಸೋಲು ಕಾಣಲು ಸಚಿನ್ ಒಬ್ಬರೇ ಕಾರಣರಲ್ಲ ಎಂದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಹೇಳಿಕೆ ನೀಡಿದೆ.

ಬಿಸಿಸಿಐ ಸಮರ್ಥನೆ ಒಪ್ಪಬಹುದಾದರೂ ಸೋಲಿಗೆ ಸಚಿನ್ ಕೂಡಾ ಕಾರಣ ಎಂದು ತಪ್ಪದೇ ಹೇಳಬೇಕಾಗುತ್ತದೆ.

ಸಚಿನ್ ಅವರನ್ನು ಟೀಕಿಸುವ ಮೊದಲು ಅವರ ಸಾಧನೆಗಳನ್ನು ಅವಲೋಕಿಸಬೇಕು ಎಂದು ಬಿಸಿಸಿಐ ಹಾಗೂ ಐಪಿಎಲ್ ಅಧಿಕಾರಿ ರಾಜೀವ್ ಶುಕ್ಲಾ ಹೇಳಿದ್ದಾರೆ.

ಸಚಿನ್ ಒಬ್ಬ ಉತ್ತಮ ಆಟಗಾರ ಅವರ ಸಾಧನೆಯನ್ನು ಒಂದು ಸರಣಿಯಲ್ಲಿ ಅಳೆಯಲು ಸಾಧ್ಯವಿಲ್ಲ. ಅವರ ಸಾಮರ್ಥ್ಯದ ಬಗ್ಗೆ ಶಂಕೆ ಬೇಡ.

ಇನ್ನೂ ಸಚಿನ್ ನಿವೃತ್ತಿ ಬಗ್ಗೆ ಸಚಿನ್ ಹಾಗೂ ಬಿಸಿಸಿಐ ಮಾತ್ರ ನಿರ್ಧರಿಸಲು ಸಾಧ್ಯ ಎಂದು ರಾಜೀವ್ ಶುಕ್ಲಾ ಹೇಳಿದ್ದಾರೆ.

ಅದರೆ, ಇದಕ್ಕೆ ಕೊಂಚ ಉತ್ತಮ ಸಲಹೆ ನೀಡಿರುವ ಲಿಟ್ಲ್ ಮಾಸ್ಟರ್ ಸುನಿಲ್ ಗವಾಸ್ಕರ್, ಮುಂಬೈ ಟೆಸ್ಟ್ ನಂತರ ಸಚಿನ್ ಅವರು ಬಿಸಿಸಿಐ ಆಯ್ಕೆದಾರರ ಜೊತೆ ಚರ್ಚಿಸುವುದು ಒಳಿತು ಎಂದಿದ್ದಾರೆ.

ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರು ಎರಡು ಇನ್ನಿಂಗ್ಸ್ ನಲ್ಲೂ ಎಡಗೈ ಸ್ಪಿನ್ನರ್ ಮಾಂಟೆ ಪನೇಸರ್ ಗೆ ವಿಕೆಟ್ ಒಪ್ಪಿಸಿದ್ದಾರೆ. ಮೊದಲ ಇನ್ನಿಂಗ್ಸ್ ನಲ್ಲಿ ಬೋಲ್ಡ್ ಹಾಗೂ ಎರಡನೇ ಇನ್ನಿಂಗ್ಸ್ ನಲ್ಲಿ ಎಲ್ ಬಿ ಬಲೆಗೆ ಬಿದ್ದಿದ್ದರು.

ಮೊದಲ ಇನ್ನಿಂಗ್ಸ್ ನಲ್ಲಿ 8 ರನ್ (13 ಎಸೆತ, 1 ಬೌಂಡರಿ) ಎರಡನೇ ಇನ್ನಿಂಗ್ಸ್ ನಲ್ಲಿ 8 ರನ್ (19 ಎಸೆತ, 2 ಬೌಂಡರಿ) ಮಾತ್ರ ಗಳಿಸಿದ್ದರು. ಸ್ಕೋರ್ ಕಾರ್ಡ್ ನೋಡಿ

'ಸಚಿನ್ ಅವರು ಮೊದಲ ಇನ್ನಿಂಗ್ಸ್ ನಲ್ಲಿ ಕ್ಲೀನ್ ಬೋಲ್ಡ್ ಆಗಿದ್ದು ನೋಡಿದರೆ ಅವರ ಫಾರ್ಮ್ ಬದಲು ಸಾಮರ್ಥ್ಯ ಕುಸಿತದ ಬಗ್ಗೆ ಚಿಂತೆಯಾಗುತ್ತಿದೆ ಎಂದು ಮಾಜಿ ವಿಕೆಟ್ ಕೀಪರ್ ಕಿರಣ್ ಮೋರೆ ಅಭಿಪ್ರಾಯಪಟ್ಟಿದ್ದಾರೆ.

ಭಾರತ ಹಾಗೂ ಇಂಗ್ಲೆಂಡ್ ನಡುವಿನ ಮೂರನೇ ಟೆಸ್ಟ್ ಪಂದ್ಯ ಕೋಲ್ಕತ್ತಾದಲ್ಲಿ ಡಿ.5 ರಂದು ಬೆಳಗ್ಗೆ 9 ಗಂಟೆಗೆ ಆರಂಭವಾಗಲಿದೆ.

ಮುಂಬೈ ಟೆಸ್ಟ್ ನಲ್ಲಿ ಭಾರತ ತಂಡವನ್ನು ಇಂಗ್ಲೆಂಡ್ ತಂಡ ಸುಲಭವಾಗಿ 10 ವಿಕೆಟ್ ಗಳಿಂದ ಮಣಿಸಿದೆ. ಮುಂದಿನ ಟೆಸ್ಟ್ ಪಂದ್ಯಕ್ಕೆ ನ.27ರಂದು ಭಾರತ ತಂಡವನ್ನು ಆಯ್ಕೆ ಮಾಡಲಾಗುತ್ತದೆ.

English summary
The Board of Control for Cricket in India (BCCI) has defended out-of-form senior batsman Sachin Tendulkar after India were humiliated by 10 wickets in the second Test by England in Mumbai on Monday(Nov.26).
ಅಭಿಪ್ರಾಯ ಬರೆಯಿರಿ