Englishहिन्दीമലയാളംதமிழ்తెలుగు

ಇನ್ಮುಂದೆ ಡಿಎಲ್ ಎಫ್ ಬದಲು ಪೆಪ್ಸಿ ಐಪಿಎಲ್

Posted by:
Updated: Wednesday, March 13, 2013, 17:50 [IST]
 

ಇನ್ಮುಂದೆ ಡಿಎಲ್ ಎಫ್ ಬದಲು ಪೆಪ್ಸಿ ಐಪಿಎಲ್
 

ಮುಂಬೈ, ನ.21: ಡಿಎಲ್ ಎಫ್ ಐಪಿಎಲ್ ಎಂದು ಕರೆಸಿಕೊಳ್ಳುತ್ತಿದ್ದ ಇಂಡಿಯನ್ ಪ್ರಿಮಿಯರ್ ಲೀಗ್ ಗೆ ಈಗ ಹೊಸ ಕಿಕ್ ನೀಡಲು ಪೆಪ್ಸಿ ಸಂಸ್ಥೆ ಬಂದಿದೆ. ಮುಂಬರುವ ಐಪಿಎಲ್ 6 ಯಲ್ಲಿ ಪೆಪ್ಸಿ ಕಂಪನಿ ಮುಖ್ಯ ಪ್ರಾಯೋಜಕತ್ವ ವಹಿಸಿಕೊಳ್ಳಲಿದೆ ಎಂದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಹೇಳಿದೆ.

ಮುಂದಿನ 5 ವರ್ಷಗಳ ಕಾಲಕ್ಕೆ ಪೆಪ್ಸಿ ಸಂಸ್ಥೆ ಐಪಿಎಲ್ ಪ್ರಾಯೋಜಕತ್ವ ಪಡೆದಿದೆ ಎಂದು ಪಿಟಿಐ ಸಂಸ್ಥೆ ಟ್ವೀಟ್ ಮಾಡಿದೆ. ಸುಮಾರು 396.8 ಕೋಟಿ ನೀಡಿ 5 ವರ್ಷಗಳ ಕಾಲ ಐಪಿಎಲ್ ಮುಖ್ಯ ಪ್ರಾಯೋಜಕತ್ವ ಒಪ್ಪಂದ ಮಾಡಿಕೊಂಡಿದೆ ಎಂದು ಪಿಟಿಐ ವರದಿ ಮಾದಿದೆ.

2008 ರಿಂದ 2012ರ ತನಕ ಐಪಿಎಲ್ ಟೈಟಲ್ ಪ್ರಾಯೋಜಕತ್ವ ವಹಿಸಿಕೊಂಡಿದ್ದ ಡಿಎಲ್ಎಫ್ ಸಂಸ್ಥೆ ಒಪ್ಪಂದದ ಅವಧಿ ಮುಕ್ತಾಯಗೊಂಡಿತ್ತು. ಆದರೆ, ಮುಂದಿನ ಅವಧಿಗೆ ಒಪ್ಪಂದ ನವೀಕರಿಸಿರಲಿಲ್ಲ.

ಹೀಗಾಗಿ ಪೆಪ್ಸಿಗೆ ಡೀಲ್ ಮಾಡಿಕೊಂಡಿದೆ. ಐಪಿಎಲ್ 6 ಇನ್ಮುಂದೆ ಪೆಪ್ಸಿ ಐಪಿಎಲ್ ಆಗಿ ಕರೆಯಲ್ಪಡುತ್ತದೆ. ಕಳೆದ ಐಪಿಎಲ್ ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಸೋಲಿಸಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ ಕಪ್ ಗೆದ್ದಿತ್ತು.

2008-09ರಲ್ಲಿ ಡಿಎಲ್‌ಎಫ್ 200 ಕೋಟಿ ಹಣವನ್ನು ಹೂಡಿ 5 ವರ್ಷದ ಟೈಟಲ್ ಹಕ್ಕನ್ನು ಪಡೆದಿತ್ತು. ಈ ಬಾರಿ ಟೈಟಲ್ ಹಕ್ಕು ದರ ಭರ್ಜರಿಯಾಗಿ ಏರಿದೆ. ಸುಮಾರು 196 ಕೋಟಿ ರೂ ಹಣ ಹೆಚ್ಚಳವಾಗಿದೆ. ಇದಕ್ಕೆ ಐಪಿಎಲ್ ನ ಜನಪ್ರಿಯತೆಯೆ ಕಾರಣ ಎನ್ನಬಹುದು.

ಪೆಪ್ಸಿ ಜೊತೆಗೆ ಪೈಪೋಟಿ ನೀಡಿದ್ದ ಇನ್ನೊಂದು ಏರ್ ಟೆಲ್ ಸಂಸ್ಥೆ ಬಿಡ್ ನಲ್ಲಿ ಸೋತಿದೆ. ಈ ಬಗ್ಗೆ ಮಾತನಾಡಿದ ಐಪಿಲ್ ಮುಖ್ಯಸ್ಥ ರಾಜೀವ್ ಶುಕ್ಲಾ, ಐಪಿಎಲ್‌ಗೆ ಸಂಬಂಧಪಟ್ಟ ಹರಾಜಿನಲ್ಲಿ ಹೆಚ್ಚಿನ ಆದಾಯ ಬರುತ್ತಿದೆ. ದುಪ್ಪಟ್ಟು ಬರುತ್ತಿರುವ ಆದಾಯ ಐಪಿಎಲ್ ಹೊಸ ಮೆರುಗು ತರಲಿದೆ ಎಂದಿದ್ದಾರೆ.

ಮುಂದಿನ ವರ್ಷ 2013 ರಿಂದ 2017 ರವರೆಗೆ ಪೆಪ್ಸಿ ಕಂಪನಿ ಪ್ರಾಯೋಜಕತ್ವವನ್ನು ವಹಿಸಲಿದೆ ಎಂದರು. ಕಂಪನಿಯ ಮಾರುಕಟ್ಟೆ ಕಾರ್ಯಕಾರಿ ನಿರ್ದೇಶಕಿ ದೀಪಿಕಾ ವಾರಿಯರ್, ಕಂಪೆನಿ ಕ್ರಿಕೆಟ್‌ನೊಂದಿಗೆ ಒಪ್ಪಂದ ಮಾಡಿಕೊಂಡಿರುವುದಕ್ಕೆ ಸಂತೋಷವಾಗುತ್ತಿದೆ.

ಕಳೆದ 20 ವರ್ಷಗಳೊಂದಿಗೆ ಕ್ರಿಕೆಟ್ ವಲಯದಲ್ಲಿ ಸಕ್ರಿಯವಾಗಿ ಗುರುತಿಸಿಕೊಂಡಿದ್ದೇವೆ. ಐಪಿಎಲ್ ಅಪಾರ ಕೀರ್ತಿಗಳಿಸಿಕೊಂಡಿರುವ ಕ್ರಿಕೆಟ್‌ನ ಹೊಸ ರೂಪ. ಇಷ್ಟೊಂದು ಬೇಗ ಜನರನ್ನು ಆಕರ್ಷಿಸುವ ಶಕ್ತಿ ಕ್ರಿಕೆಟ್ ಬಿಟ್ಟು ಇನ್ನೊಂದಕ್ಕಿಲ್ಲ ಎಂದಿ ದೀಪಿಕಾ ಹೇಳಿದರು.

Story first published:  Wednesday, November 21, 2012, 18:29 [IST]
English summary
Pepsi has been confirmed as the new titles sponsor of Indian Premier League (IPL) from next year, it was announced on Tuesday.(Nov.19)
ಅಭಿಪ್ರಾಯ ಬರೆಯಿರಿ