Englishहिन्दीമലയാളംதமிழ்తెలుగు

U-19 ಮಾಜಿ ಕ್ರಿಕೆಟರ್ ಕೊಲೆ ಕೇಸ್ ನಲ್ಲಿ ಫಿಟ್

Posted by:
Published: Friday, November 16, 2012, 15:30 [IST]
 

U-19 ಮಾಜಿ ಕ್ರಿಕೆಟರ್ ಕೊಲೆ ಕೇಸ್ ನಲ್ಲಿ ಫಿಟ್
 

ಮುಂಬೈ, ನ.16: ಮಹಾರಾಷ್ಟ್ರದ ಮಾಜಿ ಕ್ರಿಕೆಟರ್ ಯೊಬ್ಬರು ಕೊಲೆ ಆರೋಪದ ಮೇಲೆ ಬಂಧಿತರಾಗಿದ್ದಾರೆ. 19 ವರ್ಷ ವಯೋಮಿತಿಯೊಳಗಿನ ಮಹಾರಾಷ್ಟ್ರ ಕ್ರಿಕೆಟ್ ತಂಡ ಪ್ರತಿನಿಧಿಸಿದ್ದ ವಿಪಿನ್ ಗಿರಿ ಎಂಬ ಆಟಗಾರ ಈಗ ಪೊಲೀಸರ ಅತಿಥಿಯಾಗಿದ್ದಾರೆ.

ಜಾಗೃತಿ ವಿಹಾರ್ ಪ್ರದೇಶದ ನಿವಾಸಿ ಕೇಶವ್ ಎಂಬ ಯುವಕನನ್ನು ಕೊಲೆ ಮಾಡಿದ ಆರೋಪವನ್ನು ವಿಪಿನ್ ಗಿರಿ ಹಾಗೂ ಆತನ ಗೆಳೆಯ ಹೊತ್ತಿದ್ದಾರೆ.

22 ವರ್ಷದ ಯುವ ಕ್ರಿಕೆಟರ್ ವಿಪಿನ್ ಗಿರಿ ಹಾಗೂ ಆತನ ಮೂವರು ಗೆಳೆಯರು ಈ ಕೊಲೆಗೈದು ಪರಾರಿಯಾಗಿದ್ದರು. ಗುರುವಾರ(ನ.15) ಎಲ್ಲರನ್ನು ಬಂಧಿಸಲಾಗಿದೆ ಎಂದು ಪೊಲೀಸ್ ಸೂಪರ್ ಇಂಟೆಂಡೆಂಡ್ ಓಂ ಪ್ರಕಾಶ್ ಹೇಳಿದ್ದಾರೆ. ಬಂಧಿತರ ಪೈಕಿ ಚಾಲಕ ಅಂಕಿತ್ ನಡೆದ ಘಟನೆಯನ್ನು ಬಾಯ್ಬಿಟ್ಟಿದ್ದಾನೆ ಎಂದು ಪ್ರಕಾಶ್ ಹೇಳಿದರು.

ಗಿರಿ ಹಾಗೂ ಮೃತಪಟ್ಟ ಯುವಕ ಕೇಶವ್ ಇಬ್ಬರು ಅಕ್ಕಪಕ್ಕದ ಮನೆಯಲ್ಲಿ ವಾಸವಾಗಿದ್ದರು. 21 ವರ್ಷದ ಕೇಶವ್ ನನ್ನು ಬುಲಂದೇಶ್ವರ್ ಜಿಲ್ಲೆಗೆ ಕರೆದೊಯ್ದು ಅಲ್ಲಿ ಗುಂಡಿಕ್ಕಿ ಕೊಲೆ ಮಾಡಲಾಗಿದೆ. ನಂತರ ಶವವನ್ನು ಹತ್ತಿರದ ನಾಲೆಗೆ ಎಸೆಯಲಾಗಿದೆ. ಕೇಶವ್ ಶವ ಇನ್ನೂ ಸಿಗಿಲ್ಲ.

ಇನ್ನೂ ಇಬ್ಬರು ಆರೋಪಿಗಳು ನಾಪತ್ತೆಯಾಗಿದ್ದಾರೆ. ಕೇಶವ್ ತಂದೆ ಹಾಗೂ ಗಿರಿ ತಂದೆ ನಡುವಿನ ಭೂ ವ್ಯಾಜ್ಯ ಈ ಕೊಲೆಗೆ ಕಾರಣ ಎಂದು ತಿಳಿದು ಬಂದಿದೆ.

ಕೇಶವ್ ಅವರ ತಂದೆ ಗೋವಿಂದ್ ಪಾಲ್ ಸಿಂಗ್ ನೀರಾವರಿ ಇಲಾಖೆಯ ನಿವೃತ್ತ ಉದ್ಯೋಗಿಯಾಗಿದ್ದಾರೆ. ಈಗ ಖಾಸಗಿ ಗುತ್ತಿಗೆದಾರರಾಗಿ ಕೆಲಸ ಮಾಡುತ್ತಿದ್ದಾರೆ. ಆಸ್ತಿ ವಿವಾದದ ಕಾರಣ ಗಿರಿ ತಂದೆ ಜೊತೆಗೆ ಆಗಾಗ್ಗೆ ಜಗಳವಾಡಿದ್ದರು ಎಂದು ತಿಳಿದುಬಂದಿದೆ.

English summary
A former member of the Maharashtra Under-19 cricket squad and another man have been arrested for allegedly abducting and murdering a youth.
ಅಭಿಪ್ರಾಯ ಬರೆಯಿರಿ