Englishहिन्दीമലയാളംதமிழ்తెలుగు

ಸೆಹ್ವಾಗ್ ಶತಕ, ಮೊದಲ ದಿನ ಭಾರತ ಮೇಲುಗೈ

Posted by:
Updated: Thursday, November 15, 2012, 16:37 [IST]
 

ಅಹ್ಮದಾಬಾದ್, ನ.14:ವೀರೆಂದರ್ ಸೆಹ್ವಾಗ್ ಅವರ ಅಮೋಘ ಶತಕದ ನೆರವಿನಿಂದ ಪ್ರವಾಸಿ ಇಂಗ್ಲೆಂಡ್ ವಿರುದ್ಧ ಮೊದಲ ದಿನವೇ ಉತ್ತಮ ಮೊತ್ತ ಕಲೆ ಹಾಕಿದೆ. ದಿನದ ಅಂತ್ಯಕ್ಕೆ ಭಾರತ ತಂಡದ 90 ಓವರ್ ಗಳಲ್ಲಿ 323/4 ಗಳಿಸಿದೆ.

ಮೊದಲ ದಿನದ ಅಂತ್ಯಕ್ಕೆ ಚೇತೇಶ್ವರ್ ಪೂಜಾರಾ 98 ರನ್ ಹಾಗೂ ಯುವರಾಜ್ ಸಿಂಗ್ 24 ರನ್ ಗಳಿಸಿ ಔಟಾಗದೆ ಉಳಿದಿದ್ದಾರೆ.

ಉಳಿದಂತೆ ವಿರಾಟ್ ಕೊಹ್ಲಿ 19, ಸಚಿನ್ 13 ಹಾಗೂ ಗಂಭೀರ್ 45 ರನ್ ಗಳಿಸಿ ಔಟಾದರು.

ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಆಡುವ ಮೂಲಕ 23 ವರ್ಷಗಳ ಕ್ರಿಕೆಟ್ ಜೀವನ ಮುಗಿಸಿ ದಾಖಲೆ ಬರೆದ ಸಚಿನ್ ಹೆಚ್ಚು ಹೊತ್ತು ಕ್ರೀಸ್ ನಲ್ಲಿ ನಿಲ್ಲದೆ 13 ರನ್ ಗಳಿಸಿ ಔಟಾಗಿದ್ದಾರೆ.

ಸೆಹ್ವಾಗ್ ಅವರು ಕೇವಲ 90 ಎಸೆತಗಳಲ್ಲಿ ಶತಕದ ಗಡಿ ದಾಟಿದರು. ಇದು ಸೆಹ್ವಾಗ್ ಅವರ 23ನೇ ಶತಕವಾಗಿದೆ. ಭಾರತದಲ್ಲಿ ಇದು 13 ನೇ ಶತಕವಾಗಿದೆ., ಸೆಹ್ವಾಗ್ 117 ರನ್ ಗಳಿಸಿ ಔಟ್   (117 ಎಸೆತ, 15 ಬೌಂಡರಿ, 1 ಸಿಕ್ಸರ್) .. ಸ್ಕೋರ್ ಕಾರ್ಡ್ ನೋಡಿ

ಸೆಹ್ವಾಗ್ ಅವರ ವೈಯಕ್ತಿಕ ಮೊತ್ತ 80 ರನ್ ಆಗಿದ್ದಾಗ ಮ್ಯಾಟ್ ಪಿಯರ್ ಕ್ಯಾಚ್ ಬಿಟ್ಟು ಜೀವದಾನ ನೀಡಿದರು. ಜೀವದಾನದ ಲಾಭ ಪಡೆದ ಸೆಹ್ವಾಗ್ ಉತ್ತಮವಾಗಿ ಆಡಿ ಟೀಕಾಕಾರರ ಬಾಯಿ ಮುಚ್ಚಿಸಿದ್ದಾರೆ. ಎರಡು ವಿಕೆಟ್ ಗಳನ್ನು ಸ್ವ್ಯಾನ್ ಕಬಳಿಸಿದ್ದಾರೆ

ಸೆಹ್ವಾಗ್ ಶತಕ, ಮೊದಲ ದಿನ ಭಾರತ ಮೇಲುಗೈ

ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಟೀಂ ಇಂಡಿಯಾ ಉತ್ತಮ ಆರಂಭ ಪಡೆಯಿತು. ಆದರೆ, ಸೆಹ್ವಾಗ್ ಬಿರುಸಿನ ಆಟ ಹಾಗೂ ಗೌತಮ್ 'ಗಂಭೀರ' ಆಟ ಭೋಜನ ವಿರಾಮ ನಂತರ ಅಂತ್ಯಗೊಂಡಿತು.

ಭೋಜನ ವಿರಾಮದ ವೇಳೆ ವೀರೆಂದರ್ ಸೆಹ್ವಾಗ್ 13 ಬೌಂಡರಿ, 1 ಸಿಕ್ಸರ್ ಸಿಡಿಸಿ ಅರ್ಧಶತಕ 86 ರನ್ ಸಿಡಿಸಿ ಶತಕದ ಹೊಸ್ತಿಲಲ್ಲಿದ್ದರು. ತಂಡದ ಮೊತ್ತ 136/1

ನಿಧಾನಗತಿ ಆಟವಾಡಿದ ಗಂಭೀರ್ 4 ಬೌಂಡರಿ ಇದ್ದ 45 ರನ್ ಗಳಿಸಿ ಸ್ವಾನ್ ಸ್ಪಿನ್ ಮೋಡಿಗೆ ಸಿಲುಕಿ ಬೋಲ್ಡ್ ಆಗಿ ಪೆವಿಲಿಯನ್ ತಲುಪಿದ್ದಾರೆ.

ಟಾಸ್ ವರದಿ: ಭಾರತ ಮತ್ತು ಪ್ರವಾಸಿ ಇಂಗ್ಲೆಂಡ್ ತಂಡಗಳ ನಡುವಿನ ನಾಲ್ಕು ಟೆಸ್ಟ್ ಸರಣಿಯ ಮೊದಲ ಟೆಸ್ಟ್ ಪಂದ್ಯ ಅಹ್ಮದಾಬಾದ್‌ನಲ್ಲಿ ಗುರುವಾರ ಆರಂಭಗೊಂಡಿದೆ. ಟಾಸ್ ಗೆದ್ದ ಟೀಂ ಇಂಡಿಯಾ ನಾಯಕ ಧೋನಿ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿದ್ದಾರೆ.

ವೇಗಿ ಇಶಾಂತ್ ಶರ್ಮ ಜ್ವರದಿಂದ ಬಳಲುತ್ತಿದ್ದಾರೆ. ಅವರು ಅಂತಿಮ ಹನ್ನೊಂದರ ಬಳಗದಿಂದ ಹೊರಗುಳಿದಿದ್ದಾರೆ. ಭಾರತ ಎರಡು ಸ್ಪಿನ್ನರ್ ಹಾಗೂ ಇಬ್ಬರು ವೇಗಿಗಳೊಂದಿಗೆ ಕಣಕ್ಕಿಳಿಯುತ್ತಿದೆ. ಜಹೀರ್ ಖಾನ್ ಮತ್ತು ಉಮೇಶ್ ಯಾದವ್ ಹೊಸ ಚೆಂಡಿನೊಂದಿಗೆ ದಾಳಿ ಆರಂಭಿಸಲಿದ್ದಾರೆ.

ಕಳೆದ ವರ್ಷದ ಜುಲೈ-ಆಗಸ್ಟ್‌ನಲ್ಲಿ ನಾಲ್ಕು ಟೆಸ್ಟ್‌ಗಳ ಸರಣಿಯನ್ನು 0-4 ಅಂತರದಲ್ಲಿ ಕಳೆದುಕೊಂಡಿದ್ದ ಟೀಮ್ ಇಂಡಿಯಾ ಇದೀಗ ತವರಲ್ಲಿ ಇಂಗ್ಲೆಂಡ್‌ಗೆ ಸೋಲುಣಿಸುವ ಕನಸು ಕಾಣುತ್ತಿದೆ.

ಇಂಗ್ಲೆಂಡ್ ತಂಡವನ್ನು ಸ್ಪಿನ್ನರ್‌ಗಳ ಮೂಲಕ ಕಟ್ಟಿ ಹಾಕಲು ನೋಡುತ್ತಿರುವ ಟೀಮ್ ಇಂಡಿಯಾ ಸ್ಪಿನ್ನರ್‌ಗಳಾದ ಪ್ರಗ್ಯಾನ್ ಓಜಾ , ರವಿಚಂದ್ರನ್ ಅಶ್ವಿನ್ ಕಣಕ್ಕಿಳಿಯಲಿದ್ದಾರೆ. ಅನುಭವಿ ಆಟಗಾರ ಹರ್ಭಜನ್ ಸಿಂಗ್ ವರ್ಷದ ಬಳಿಕ ಟೀಮ್ ಇಂಡಿಯಾ ಪರ ಆಡಲು ಸಜ್ಜಾದರೂ ಮೊದಲ ಪಂದ್ಯದಿಂದ ಹೊರಗುಳಿಯಬೇಕಿದೆ.

ಇಂಗ್ಲೆಂಡ್ ಇದೇ ವೇಳೆ ಟೀಮ್ ಇಂಡಿಯಾ ವಿರುದ್ಧ 28 ವರ್ಷಗಳ ಬಳಿಕ ಸರಣಿ ಗೆಲ್ಲುವ ಉದ್ದೇಶದೊಂದಿಗೆ ಭಾರತಕ್ಕೆ ಕಾಲಿರಿಸಿದೆ.

ಇಂಗ್ಲೆಂಡ್ ತಂಡಕ್ಕೆ ವೇಗದ ಬೌಲರ್ ಸ್ಟಿವನ್ ಫಿನ್ ಗಾಯಗೊಂಡಿರುವುದು ದೊಡ್ಡ ತಲೆನೋವು ತಂದಿದೆ. ನಿಕ್ ಕ್ಯಾಂಪ್ಟನ್

ಭಾರತ: ಮಹೇಂದ್ರ ಸಿಂಗ್ ಧೋನಿ(ನಾಯಕ), ಗೌತಮ್ ಗಂಭೀರ್, ವೀರೇಂದ್ರ ಸೆಹ್ವಾಗ್, ಸಚಿನ್ ತೆಂಡೂಲ್ಕರ್, ವಿರಾಟ್ ಕೊಹ್ಲಿ, ಯುವರಾಜ್ ಸಿಂಗ್, ಚೇತೇಶ್ವರ ಪೂಜಾರ, ಆರ್ ಅಶ್ವಿನ್, ಉಮೇಶ್ ಯಾದವ್, ಪ್ರಗ್ಯಾನ್ ಓಜಾ, ಜಹೀರ್ ಖಾನ್,

ಇಂಗ್ಲೆಂಡ್: ಅಲೆಸ್ಟೈರ್ ಕುಕ್ (ನಾಯಕ), ನಿಕ್ ಕಾಂಪ್ಟನ್, ಜೋನಾಥನ್ ಟ್ರಾಟ್, ಕೆವಿನ್ ಪೀಟರ್ಸನ್, ಇಯಾನ್ ಬೆಲ್, ಮ್ಯಾಟ್ ಪ್ರಿಯರ್, ಸಮಿತ್ ಪಟೇಲ್, ಸ್ಟುವರ್ಟ್ ಬ್ರಾಡ್, ಗ್ರೇಮ್ ಸ್ವಾನ್, ಜೇಮ್ಸ್ ಆಂಡರ್ಸನ್, ಟಿಮ್ ಬ್ರೆಸ್ನನ್,

ಈ ಹಿಂದೆ ಅಹ್ಮದಾಬಾದ್‌ನಲ್ಲಿ ಇಂಗ್ಲೆಂಡ್ -ಭಾರತ ತಂಡ 2001ರಲ್ಲಿ ಒಂದು ಬಾರಿ ಮುಖಾಮುಖಿಯಾಗಿತ್ತು. ಪಂದ್ಯ ಡ್ರಾನಲ್ಲಿ ಮುಕ್ತಾಯಗೊಂಡಿತ್ತು. 2006ರ ಬಳಿಕ ಇಲ್ಲಿ ನಡೆದ ಟೆಸ್ಟ್ ಪಂದ್ಯಗಳಲ್ಲಿ ವೇಗಿಗಳು 45 ಮತ್ತು ಸ್ಪಿನ್ನರ್‌ಗಳು 33 ವಿಕೆಟ್‌ಗಳನ್ನು ಉಡಾಯಿಸಿದ್ದರು.

Story first published:  Thursday, November 15, 2012, 10:30 [IST]
English summary
Virender Sehwag's aggressive half century and his century stand with Gautam Gambhir helped India dominate the opening session against England. Earlier Indian captain Mahendra Singh Dhoni won the toss and decided to bat first against touring England in Ahmedabad
ಅಭಿಪ್ರಾಯ ಬರೆಯಿರಿ