Englishहिन्दीമലയാളംதமிழ்తెలుగు

ಚಿತ್ರ ಸಂಪುಟ: ಸೆಹ್ವಾಗ್- ಪೂಜಾರಾ ಅಬ್ಬರ, ಸ್ವ್ಯಾನ್ ಸ್ಪಿನ್

Posted by:
Updated: Friday, November 16, 2012, 13:26 [IST]
 

ಅಹಮದಾಬಾದ್, ನ.15: ವೀರೆಂದರ್ ಸೆಹ್ವಾಗ್ ಅವರ ಅಮೋಘ ಶತಕದ ನೆರವಿನಿಂದ ಪ್ರವಾಸಿ ಇಂಗ್ಲೆಂಡ್ ವಿರುದ್ಧ ಉತ್ತಮ ಮೊತ್ತ ಕಲೆ ಹಾಕುವತ್ತ ದಾಪುಗಾಲಿಟ್ಟಿದೆ. ಮೊದಲ ಟೆಸ್ಟ್ ನ ಮೊದಲ ದಿನವೇ ಸೆಹ್ವಾಗ್ ಶತಕ ಬಾರಿಸಿದ್ದಾರೆ. ಪೂಜಾರಾ ಕೂಡಾ ಬಿರುಸಿನ ಅರ್ಧಶತಕ ದಾಖಲಿಸಿ ಶತಕದ ಹೊಸ್ತಿಲಲ್ಲಿದಾರೆ.

ಅಹಮದಾಬಾದಿನ ಸರ್ದಾರ್ ವಲ್ಲಭಬಾಯಿ ಪಟೇಲ್ ಕ್ರೀಡಾಂಗಣದಲ್ಲಿ ಸೆಹ್ವಾಗ್ ಹಾಗೂ ಚೇತೇಶ್ವರ ಪೂಜಾರಾ ಆಟ ಹಾಗೂ ಇಂಗ್ಲೆಂಡ್ ಆಫ್ ಸ್ಪಿನ್ನರ್ ಗ್ರಹಾಂ ಸ್ವ್ಯಾನ್ ಬೌಲಿಂಗ್ ಪ್ರೇಕ್ಷಕರ ಗಮನ ಸೆಳೆಯಿತು.

ಆದರೆ, 23 ಕ್ರಿಕೆಟ್ ಜೀವನದ ವಾರ್ಷಿಕೋತ್ಸವ ಆಚರಿಸುತ್ತಿರುವ ಸಚಿನ್ ತೆಂಡೂಲ್ಕರ್ ಅವರು ಕಳಪೆ ಮೊತ್ತಕ್ಕೆ ಔಟಾಗಿದ್ದು ಅಭಿಮಾನಿಗಳಿಗೆ ಕೊಂಚ ನಿರಾಶೆ ಉಂಟು ಮಾಡಿತು. ಸ್ಕೋರ್ ಕಾರ್ಡ್ ನೋಡಿ | ಮೊದಲ ದಿನ ವರದಿ |

ಇಂಗ್ಲೆಂಡ್ ವಿರುದ್ದದ ಮೊದಲ ಟೆಸ್ಟ್ ನ ಮೊದಲ ದಿನದ ಆಟದ ದೃಶ್ಯಗಳು ಈ ಚಿತ್ರ ಸಂಪುಟದಲ್ಲಿದೆ ನೋಡಿ ಆನಂದಿಸಿ

ಸೆಹ್ವಾಗ್ ಬಿರುಸಿನ ಹೊಡೆತದ ಭಂಗಿ

ಸೆಹ್ವಾಗ್ ಬಿರುಸಿನ ಹೊಡೆತದ ಭಂಗಿ ನೋಡಿ ಬೆರಗಾದ ಇಂಗ್ಲೆಂಡ್ ವಿಕೆಟ್‌ ಕೀಪರ್ ಮ್ಯಾಟ್ ಪಿಯರ್

23ನೇ ಶತಕದ ಸಂಭ್ರಮದಲ್ಲಿ ಸೆಹ್ವಾಗ್

ಭಾರತದ ನೆಲದಲ್ಲಿ 13ನೇ ಹಾಗೂ ಒಟ್ಟಾರೆ 23ನೇ ಶತಕ ಸಿಡಿಸಿದ ದೆಹಲಿ ಸುಲ್ತಾನ ಸೆಹ್ವಾಗ್ ತಮ್ಮ ಶತಕವನ್ನು ಎಲ್ಲಾ ಕ್ರಿಕೆಟ್ ಅಭಿಮಾನಿಗಳಿಗೆ ಅರ್ಪಿಸಿ ಟ್ವೀಟ್ ಮಾಡಿದ್ದಾರೆ. ಕೆಂಪು ತಲೆವಸ್ತ್ರ ಅವರಿಗೆ ಮತ್ತೊಮ್ಮೆ ಲಕ್ಕಿ ಎಂದು ಸಾಬೀತಾಗಿದೆ.

ಬಲು ಅಪರೂಪ ನಮ್ ಜೋಡಿ

ಎಂಥಾ ಬೌಲಿಂಗ್ ದಾಳಿ ಎದುರಿಸಲು ನಾವ್ ರೆಡಿ ಎನ್ನುತ್ತಿರುವ ದೆಹಲಿ ಮೂಲದ ಭಾರತದ ಸ್ಫೋಟಕ ಆರಂಭಿಕ ಜೋಡಿ

ಅರ್ಧಶತಕ ಹೊಡೆದಾಗ ಸೆಹ್ವಾಗ್

99ನೇ ಟೆಸ್ಟ್ ಆಡುತ್ತಿರುವ ಸೆಹ್ವಾಗ್ ಎಂದಿನ ಬಿರಿಸಿನ ಆಟ ಪ್ರದರ್ಶಿಸಿದ ಭಾರತಕ್ಕೆ ಉತ್ತಮ ಆರಂಭ ಒದಗಿಸಿದರು.

ವಿಕೆಟ್ ಬಾಚಿದ ಏಕೈಕ ಆಂಗ್ಲ ಬೌಲರ್

ಮೊದಲ ದಿನ 32 ಓವರ್ ಎಸೆದ ಆಫ್ ಸ್ಪಿನ್ನರ್ ಗ್ರಹಾಂ ಸ್ವ್ಯಾನ್ 5 ಮೇಡನ್ ಜೊತೆಗೆ 85 ರನ್ನಿತ್ತು 4 ವಿಕೆಟ್ ಕಬಳಿಸಿದರು.

ಅದರಲ್ಲಿ ಗಂಭೀರ್, ಸೆಹ್ವಾಗ್, ಕೊಹ್ಲಿ ಮೂವರು ಕ್ಲೀನ್ ಬೋಲ್ಡ್ ಆಗಿದ್ದು ವಿಶೇಷ. ಸಚಿನ್ ಮಾತ್ರ ಸಮಿತ್ ಗೆ ಕ್ಯಾಚ್ ನೀಡಿ ಸ್ವ್ಯಾನ್ ಗೆ ಬಲಿಯಾದರು.

ಪಟೌಡಿ ಕಪ್ ಅಲ್ಲ ಡಿ ಮೆಲ್ಲೊ ಕಪ್

ಪ್ರವಾಸಿ ಇಂಗ್ಲೆಂಡ್ ತಂಡ ಭಾರತದಲ್ಲಿ 4 ಟೆಸ್ಟ್ ಪಂದ್ಯಗಳನ್ನು ಆಡಲಿದೆ. ಪ್ರತಿಷ್ಠಿತ ಕಪ್ ಯಾರಿಗೆ ಒಲಿಯಲಿದೆ ಕಾದು ನೋಡಬೇಕಿದೆ.

ಶತಕದ ಹೊಸ್ತಿಲಲ್ಲಿ ಪೂಜಾರ

ಸೆಹ್ವಾಗ್ ಅಬ್ಬರದ ಬ್ಯಾಟಿಂಗ್ ನಂತರ ಭರ್ಜರಿ ಆಟ ಪ್ರದರ್ಶಿಸಿದ ಪೂಜಾರಾ ಮೊದಲ ದಿನವೇ ಶತಕ ಗಳಿಸಲು ಯತ್ನಿಸಿದರು. ಕೊನೆ ಓವರ್ ನಲ್ಲಿ ಬೌಂಡರಿ ಚೆಚ್ಚಿ 98 ರನ್ ಗಳಿಸಿ ಪೂಜಾರಾ ಶತಕಕ್ಕಾಗಿ ಅಭಿಮಾನಿಗಳು ಕಾತುರದಿಂದ ಕಾದಿದ್ದಾರೆ.

23 ವರ್ಷ ಕ್ರಿಕೆಟ್ ಆಡಿದ ದಿಗ್ಗಜ

23 ವರ್ಷಗಳ ಹಿಂದೆ ಇದೇ ದಿನ(ನ.15) ಕ್ರಿಕೆಟ್ ರಂಗಕ್ಕೆ ಕಾಲಿರಿಸಿದ್ದ ಸಚಿನ್ ಮೈದಾನಕ್ಕೂ ಇಳಿಯುವ ಮುನ್ನ ಸಂತಸ ಕ್ಷಣದಲ್ಲಿ ಮುಳುಗಿದ್ದು ಹೀಗೆ..ಆದರೆ, ಕ್ರೀಸ್ ನಲ್ಲಿ ಹೆಚ್ಚು ಹೊತ್ತು ನಿಲ್ಲದೆ 13 ರನ್ ಗಳಿಸಿ ಔಟಾದರು.

Story first published:  Thursday, November 15, 2012, 18:08 [IST]
English summary
It was a welcome return to form for India opener Virender Sehwag as he hit a century to lead India to a good position against England on the opening day of the first Test at Sardar Patel Stadium on Thursday.
ಅಭಿಪ್ರಾಯ ಬರೆಯಿರಿ