Englishहिन्दीമലയാളംதமிழ்తెలుగు

ಮಾಜಿ ಕ್ರಿಕೆಟರ್ ಮಹಮ್ಮದ್ ಅಜರುದ್ದೀನ್ ಗೆ ರಿಲೀಫ್

Posted by:
Updated: Thursday, November 8, 2012, 15:37 [IST]
 

ಮಾಜಿ ಕ್ರಿಕೆಟರ್ ಮಹಮ್ಮದ್ ಅಜರುದ್ದೀನ್ ಗೆ ರಿಲೀಫ್
 

ಹೈದರಾಬಾದ್, ನ.8: ಮ್ಯಾಚ್ ಫಿಕ್ಸಿಂಗ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಜೀವ ನಿಷೇಧ ಅನುಭವಿಸುತ್ತಿರುವ ಮಾಜಿ ಕ್ರಿಕೆಟಿಗ ಮಹಮ್ಮದ್ ಅಜರುದ್ದೀನ್ ಅವರಿಗೆ ಭಾರಿ ರಿಲೀಫ್ ಸಿಕ್ಕಿದೆ. ಅಜರುದ್ದೀನ್ ಅವರ ಮೇಲೆ ಬಿಸಿಸಿಐ ಹೇರಿರುವ ನಿಷೇಧ ಕಾನೂನುಬಾಹಿರ ಎಂದು ಆಂಧ್ರಪ್ರದೇಶ ಹೈಕೋರ್ಟ್ ಗುರುವಾರ(ನ.8) ಆದೇಶ ಹೊರಡಿಸಿದೆ.

49 ವರ್ಷ ವಯಸ್ಸಿನ ಭಾರತದ ಮಾಜಿ ನಾಯಕ ಅಜರುದ್ದೀನ್ ಅವರು ಈಗಾಗಲೇ ಎಲ್ಲಾ ಬಗೆಯ ಕ್ರಿಕೆಟ್ ನಿಂದ ನಿವೃತ್ತಿ ಹೊಂದಿದ್ದಾರೆ. ಆದರೆ, ನಿಷೇಧದ ಹಿನ್ನೆಲೆಯಲ್ಲಿ ಎಲ್ಲೆಡೆ ಅಪಮಾನ ಅನುಭವಿಸಿದ್ದರು. ಬಿಸಿಸಿಐ ಕೂಡಾ ಅಜರುದ್ದೀನ್ ಅವರಿಂದ ಸಂಪರ್ಕ ಕಡಿದುಕೊಂಡಿತ್ತು.

ಗುರುವಾರ(ನ.8) ಆಂಧ್ರಪ್ರದೇಶ ಹೈಕೋರ್ಟ್ ನೀಡಿರುವ ಆದೇಶದಿಂದ ಕಾಂಗ್ರೆಸ್ ಮುಖಂಡ ಅಜರುದ್ದೀನ್ ಗೆ ನಿರಾಳತೆ ಮೂಡಿದೆ.

ಬಿಸಿಸಿಐ ಮೂವರು ಸದಸ್ಯರ ಸಮಿತಿಗೆ ಅಜೀವ ನಿಷೇಧ ಹೇರುವ ಅಧಿಕಾರ ಇಲ್ಲ ಎಂದು ಹೈಕೋರ್ಟ್ ಸ್ಪಷ್ಟವಾಗಿ ಹೇಳಿದೆ.

99 ಟೆಸ್ಟ್ ಆಡಿದ ಅಜರುದ್ದೀನ್ ಗೆ ಇಂಡಿಯನ್ ಪ್ರಿಮಿಯರ್ ಲೀಗ್ ನ ಪ್ಲೇ ಆಫ್ ನಂತರ ನಡೆದ ಸಮಾರಂಭದಲ್ಲಿ ಸನ್ಮಾನ ಮಾಡದೆ ಬಿಸಿಸಿಐ ಅಪಮಾನ ಎಸೆಗಿತ್ತು. ಅಜರ್ ನಂತೆ ಕಪಿಲ್ ಅವರನ್ನು ಬಿಸಿಸಿಐ ನಿರ್ಲಕ್ಷಿಸಿತ್ತು.

15 ವರ್ಷಗಳ ನಂತರ ನಿದ್ದೆಯಿಂದ ಎದ್ದ ಮಾಜಿ ಕ್ರಿಕೆಟರ್ ವಿನೋದ್ ಕಾಂಬ್ಳಿ, ಅವರು ಅಜರುದ್ದೀನ್ ನಾಯಕತ್ವದ 1996ರ ವಿಶ್ವಕಪ್ ಸೆಮಿಫೈನಲ್ ಪಂದ್ಯ ಫಿಕ್ಸ್ ಆಗಿತ್ತು ಎಂದಿದ್ದರು.

ಕಾಂಬ್ಳಿ ಮಾನಸಿಕ ಒತ್ತಡದಲ್ಲಿದ್ದಂತೆ ತೋರುತ್ತಿದೆ. ತಂಡದ ಮ್ಯಾನೇಜರ್ ಅಜಿತ್ ವಾಡೇಕರ್ ಕೂಡಾ ಪಂದ್ಯದ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ಕಾಂಬ್ಳಿಗೆ ಅವಕಾಶ ನೀಡಿದ್ದಕ್ಕೆ ಕೃತಜ್ಞನಾಗಿರಬೇಕು ಎಂದು ಕಾಂಗ್ರೆಸ್ ಸಂಸದ ಅಜರ್ ಹೇಳಿದ್ದರು.

ಈಗ ನೀವು ಮತ್ತೆ ಕ್ರಿಕೆಟ್ ಆಡುತ್ತೀರಾ ಎಂದು ಪತ್ರಕರ್ತರು ಎಸೆದ ಪ್ರಶ್ನೆಗೆ ಉತ್ತರಿಸಿದ ಅಜರುದ್ದೀನ್ " ನಾನು ಕ್ರಿಕೆಟ್ ಆಡುವುದಂತೂ ಈಗ ಸಾಧ್ಯವಿಲ್ಲ. ನಾನು ಈಗ ಕ್ರಿಕೆಟ್ ಆಡಬಹುದು ಎಂದು ನಿಮಗೆ ಅನ್ನಿಸುತ್ತದೆಯೇ? ಎಂದು ಮರು ಪ್ರಶ್ನೆ ಹಾಕಿದರು. "

ನಾನು ತುಂಬಾ ತಾಳ್ಮೆಯಿಂದ ಈ ಸುದ್ದಿಗಾಗಿ ಕಾಯುತ್ತಿದೆ. ಹಿಂದೆ ನಡೆದಿದ್ದರ ಬಗ್ಗೆ ಹೆಚ್ಚಿನ ಪ್ರತಿಕ್ರಿಯೆ ನೀಡಲಾರೆ. ಕೋರ್ಟ್ ಆದೇಶದಿಂದ ಖುಷಿಯಾಗಿದೆ. ನನ್ನ ಪರ ನಿಂತ ನನ್ನ ಅಭಿಮಾನಿಗಳು, ಹಿತೈಷಿಗಳಿಗೆ ನಾನು ಋಣಿಯಾಗಿದ್ದೇನೆ ಎಂದು ಅಜರ್ ಹೇಳಿದರು.

ಕ್ರಿಕೆಟ್ ಜೊತೆ ನನ್ನ ನಂಟು ಕಳೆದುಕೊಳ್ಳಲಾರೆ. ಬಿಡುವ ಸಿಕ್ಕಾಗ ಕಾಮೆಂಟೇಟರ್ ಆಗಿ ಕಾಣಿಸಿಕೊಳ್ಳಬಹುದು. ಇನ್ನೂ ಈ ಬಗ್ಗೆ ನಿರ್ಧರಿಸಿಲ್ಲ ಎಂದಿದ್ದಾರೆ.

Story first published:  Thursday, November 8, 2012, 15:17 [IST]
English summary
Former India cricketer Mohammad Azharuddin heaved a sigh of relief, as Andhra High Court said that the ban imposed on the cricketer was illegal, on Thursday.
ಅಭಿಪ್ರಾಯ ಬರೆಯಿರಿ