Englishहिन्दीമലയാളംதமிழ்తెలుగు

ಭಾರತ ಹಾಗೂ ಪಾಕಿಸ್ತಾನ ಸಮರ ವೇಳಾಪಟ್ಟಿ

Posted by:
Published: Thursday, November 1, 2012, 19:43 [IST]
 

ಭಾರತ ಹಾಗೂ ಪಾಕಿಸ್ತಾನ ಸಮರ ವೇಳಾಪಟ್ಟಿ
 

ಬೆಂಗಳೂರು, ನ.1 : ಬಹು ನಿರೀಕ್ಷಿತ ಭಾರತ ಹಾಗೂ ಪಾಕಿಸ್ತಾನ ಸರಣಿ ವೇಳಾಪಟ್ಟಿ ಹೊರ ಬಿದ್ದಿದೆ. ಉಭಯ ದೇಶಗಳ ನಡುವಿನ ಕ್ರಿಕೆಟ್ ಸರಣಿಗೆ ಭಾರತದ ಗೃಹ ಸಚಿವಾಲಯ ಒಪ್ಪಿಗೆ ಸೂಚಿಸಿದೆ. ಹೀಗಾಗಿ ಡಿಸೆಂಬರ್ ನಲ್ಲಿ ಪಾಕಿಸ್ತಾನ ತಂಡ ಭಾರತ ಪ್ರವಾಸ ಕೈಗೊಳ್ಳುವುದು ಅಧಿಕೃತವಾಗಿದೆ. ನಮ್ಮ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಟಿ20 ಮೊದಲ ಪಂದ್ಯ ನಡೆಯಲಿದೆ.

ಪ್ರವಾಸಿ ಪಾಕಿಸ್ತಾನ ತಂಡ 3 ಏಕದಿನ ಪಂದ್ಯ ಹಾಗೂ 2 ಟಿ20 ಪಂದ್ಯಗಳನ್ನು ಆಡಲಿದೆ. ಪಾಕಿಸ್ತಾನ ತಂಡ ಡಿ.22 ರಂದು ಭಾರತಕ್ಕೆ ಆಗಮಿಸಲಿದ್ದು, ಡಿ.25 ರಂದು ಮೊದಲ ಪಂದ್ಯವಾಡಲಿದೆ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮೊದಲ ಟಿ20 ಆಯೋಜಿಸಲಾಗಿದೆ. ಡಿ.27 ರಂದು ಅಹಮದಾಬಾದಿನಲ್ಲಿ ಎರಡನೇ ಟಿ20 ಪಂದ್ಯ ನಡೆಯಲಿದೆ.

ಮೂರು ಏಕದಿನ ಪಂದ್ಯಗಳು ಚೆನ್ನೈ, ಕೋಲ್ಕತ್ತಾ ಹಾಗೂ ದೆಹಲಿಯಲ್ಲಿ ನಡೆಯಲಿದ್ದು, ಜನವರಿ 7ಕ್ಕೆ ಪಾಕಿಸ್ತಾನ ತಂಡ ಭಾರತ ತೊರೆಯಲಿದೆ.

2008ರ ಮುಂಬೈ ಮೇಲೆ ಉಗ್ರರ ದಾಳಿ ನಂತರ ಭಾರತ ಹಾಗೂ ಪಾಕಿಸ್ತಾನ ನಡುವೆ ಕ್ರಿಕೆಟ್ ಸರಣಿ ನಡೆಯುವುದು ಅಸಾಧ್ಯ ಎಂಬ ಹಂತ ತಲುಪಿತ್ತು. ಆದರೆ, ಈಗ ಮತ್ತೊಮ್ಮೆ ಸರಣಿ ನಡೆಸುವ ಬಗ್ಗೆ ಬಿಸಿಸಿಐ ಕೂಡಾ ಧನಾತ್ಮಕ ಚಿಂತನೆ ನಡೆಸಿ, ಪಾಕಿಸ್ತಾನ ತಂಡಕ್ಕೆ ಆಹ್ವಾನ ನೀಡಲಾಗಿದೆ ಎಂದು ಬಿಸಿಸಿಐ ವಕ್ತಾರರು ಹೇಳಿದ್ದಾರೆ.

2007ರಲ್ಲಿ ದ್ವಿಪಕ್ಷೀಯ ಸರಣಿ ನಂತರ 2011ರ ವಿಶ್ವಕಪ್ ಸೆಮಿಫೈನಲ್ಸ್ ನಲ್ಲಿ ಪಾಕಿಸ್ತಾನ ಹಾಗೂ ಭಾರತ ನಡುವೆ ಪಂದ್ಯ ನಡೆದ ನಂತರ ಯಾವುದೇ ಪಂದ್ಯಗಳನ್ನಾಡಿಲ್ಲ.

ಪಾಕಿಸ್ತಾನ ತಂಡದ ಭಾರತ ಪ್ರವಾಸದ ವೇಳಾಪಟ್ಟಿ
* ಡಿಸೆಂಬರ್ 22 : ಭಾರತಕ್ಕೆ ಆಗಮನ
* ಡಿಸೆಂಬರ್ 25 : ಮೊದಲ ಟ್ವೆಂಟಿ20 ಪಂದ್ಯ, ಬೆಂಗಳೂರು
* ಡಿಸೆಂಬರ್ 27 : ಎರಡನೇ ಟ್ವೆಂಟಿ20 ಪಂದ್ಯ, ಅಹಮದಾಬಾದ್

* ಡಿಸೆಂಬರ್ 30: ಮೊದಲ ಏಕದಿನ ಪಂದ್ಯ, ಚೆನ್ನೈ
* ಜನವರಿ 3: ಎರಡನೇ ಏಕದಿನ ಪಂದ್ಯ, ಕೋಲ್ಕತ್ತಾ
* ಜನವರಿ 6: ಮೂರನೇ ಏಕದಿನ ಪಂದ್ಯ, ದೆಹಲಿ
* ಜನವರಿ 7 : ಭಾರತದಿಂದ ನಿರ್ಗಮನ.

ಈ ನಡುವೆ ಪ್ರವಾಸಿ ಇಂಗ್ಲೆಂಡ್ ತಂಡ ಭಾರತದಲ್ಲಿ 4 ಟೆಸ್ಟ್ ಪಂದ್ಯಗಳನ್ನು ಆಡಲಿದೆ. ಅಹಮದಾಬಾದ್ (ನ.15-19), ಮುಂಬೈ(ನ. 23-27), ಕೋಲ್ಕತಾ(ಡಿ.5-9) ಹಾಗೂ ನಾಗಪುರ (ಡಿ 13-17) ಹಾಗೂ ಎರಡು ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳು ಡಿ.20 ಹಾಗೂ ಡಿ.22 ರಂದು ನಡೆಯಲಿದೆ.

5 ಪಂದ್ಯಗಳ ಏಕದಿನ ಸರಣಿ ಜ.11, 2013 ರಿಂದ ಆರಂಭಗೊಳ್ಳಲಿದೆ. ಡಿ.22 ರಂದು ಇಂಗ್ಲೆಂಡ್ ತಂಡ ಸ್ವದೇಶಕ್ಕೆ ಮರಳಿದೆ. ಮತ್ತೆ ಜನವರಿ 3 ಕ್ಕೆ ಭಾರತಕ್ಕೆ ಆಗಮಿಸಿ ಸರಣಿ ಮುಂದುವರೆಸಲಿದೆ.

ದಟ್ಸ್ ಕ್ರಿಕೆಟ್

English summary
Pakistan will start their tour of India here in Bangalore on December 25 when they play India in the first of the two Twenty20 Internationals, it was confirmed by Board of Control for Cricket in India (BCCI) on Thursday.(Nov.1)
ಅಭಿಪ್ರಾಯ ಬರೆಯಿರಿ