Englishहिन्दीമലയാളംதமிழ்తెలుగు

ಕರ್ನಾಟಕ ರಣಜಿ ತಂಡಕ್ಕೆ ವಿನಯ್ ಸಾರಥ್ಯ

Posted by:
Updated: Tuesday, October 30, 2012, 12:39 [IST]
 

ಕರ್ನಾಟಕ ರಣಜಿ ತಂಡಕ್ಕೆ ವಿನಯ್ ಸಾರಥ್ಯ
 

ಬೆಂಗಳೂರು, ಅ.25: ಪ್ರವಾಸಿ ಇಂಗ್ಲೆಂಡ್ ವಿರುದ್ಧದ ಅಭ್ಯಾಸ ಪಂದ್ಯಕ್ಕೆ ಆಡಲು ಭಾರತ 'ಎ' ತಂಡಕ್ಕೆ ಕರ್ನಾಟಕದ ವೇಗಿ ವಿನಯ್ ಕುಮಾರ್ ಆಯ್ಕೆಯಾಗಿದ್ದಾರೆ. ಇದೇ ಸಮಯಕ್ಕೆ ಕರ್ನಾಟಕ ರಣಜಿ ತಂಡದ ಸಾರಥ್ಯ ವಹಿಸುವ ಜವಾಬ್ದಾರಿಯನ್ನು ಹೊತ್ತಿದ್ದಾರೆ.

ಇಂಗ್ಲೆಂಡ್ ವಿರುದ್ಧದ ಮೂರು ದಿನಗಳ ಪಂದ್ಯ ಅ.30 ರಿಂದ ಆರಂಭವಾಗಲಿದೆ. ಕರ್ನಾಟಕ ತನ್ನ ರಣಜಿ ಋತುವನ್ನು ಬರೋಡಾ ವಿರುದ್ಧ ನ.2 ರಿಂದ ಆರಂಭಿಸಲಿದೆ. ವಿನಯ್ ರಣಜಿ ತಂಡ ಸೇರುವ ವಿಶ್ವಾಸವಿದೆ ಎಂದು ಬೌಲಿಂಗ್ ಕೋಚ್ ಮನ್ಸೂರ್ ಅಲಿ ಖಾನ್ ಅವರು ದಟ್ಸ್ ಕ್ರಿಕೆಟ್ ಗೆ ಹೇಳಿದ್ದಾರೆ.

ಕರ್ನಾಟಕ 'ಬಿ' ಗುಂಪಿನಲ್ಲಿದ್ದು ತಮಿಳುನಾಡು, ಹರ್ಯಾಣ, ಮಹಾರಾಷ್ಟ್ರ, ಉತ್ತರ ಪ್ರದೇಶ, ವಿದರ್ಭ, ದೆಹಲಿ, ಬರೋಡಾ ಹಾಗೂ ಒಡಿಸ್ಸಾ ಇತರೆ ತಂಡಗಳಾಗಿದೆ.

ರಣಜಿ ಟ್ರೋಫಿಗೆ 15 ಸದಸ್ಯರ ತಂಡ ಪ್ರಕಟಿಸಿರುವ ಕೆಎಸ್ ಸಿಎ ರಾಹುಲ್ ಕೆಎಲ್ ಹಾಗೂ ಕುನಾಲ್ ಕಪೂರ್ ಅವರಿಗೆ ಸ್ಥಾನ ಕಲ್ಪಿಸಿದ್ದಾರೆ.

ಸಿಕೆ ನಾಯ್ಡು ಕ್ರಿಕೆಟ್ ಟೂರ್ನಿ(22 ವರ್ಷ ವಯೋಮಿತಿ)ಯಲ್ಲಿ ರಾಹುಲ್ ದ್ವಿಶತಕ ಬಾರಿಸಿ ಆಯ್ಕೆದಾರರ ಗಮನ ಸೆಳೆದಿದ್ದರು.

ಕರ್ನಾಟಕ ತಂಡಕ್ಕೆ ಬ್ಯಾಟಿಂಗ್ ಕೋಚ್ ಆಗಿ ಜೆ ಅರುಣ್ ಕುಮಾರ್, ಬೌಲಿಂಗ್ ಕೋಚ್ ಆಗಿ ಕೆ ಜೆಸ್ವಂತ್ ಆಯ್ಕೆಯಾಗಿದ್ದರೆ, ಮುಖ್ಯ ಕೋಚ್ ಆಗಿ ಯಾರನ್ನು ಕೆಎಸ್ ಸಿಎ ನೇಮಕ ಮಾಡಿಲ್ಲ.

ತಂಡ ಇಂತಿದೆ: ವಿನಯ್ ಕುಮಾರ್ (ನಾಯಕ), ರಾಬಿನ್ ಉತ್ತಪ್ಪ, ಕೆಬಿ ಪವನ್, ಗಣೇಶ್ ಸತೀಶ್, ಮನೀಶ್ ಪಾಂಡೆ, ಅಮಿತ್ ಎ ವರ್ಮ, ಸ್ಟುವರ್ಟ್ ಬಿನ್ನಿ, ಗೌತಮ್ ಸಿಎಂ(ವಿಕೆಟ್ ಕೀಪರ್), ಸುನಿಲ್ ಎನ್ ರಾಜು, ಅಭಿಮನ್ಯು ಮಿಥುನ್, ಕೆಪಿ ಅಪ್ಪಣ್ಣ, ಕುನಾಲ್ ಕಪೂರ್, ಕೆಎಲ್ ರಾಹುಲ್, ರೋನಿತ್ ಮೋರೆ, ಎಸ್ ಕೆ ಮೋಯಿನುದ್ದೀನ್

ಬ್ಯಾಟಿಂಗ್ ಕೋಚ್: ಜೆ ಅರುಣ್ ಕುಮಾರ್
ಬೌಲಿಂಗ್ ಕೋಚ್ : ಮನ್ಸೂರು ಅಲಿ ಖಾನ್
ಮ್ಯಾನೇಜರ್: ಫಜಲ್ ಖಲೀಲ್
ತರಬೇತುದಾರ : ಶರವಣ್
ವಿಡಿಯೋ ಅನಾಲಿಸ್ಟ್ : ಸಂತೋಷ್

ಕರ್ನಾಟಕ ತಂಡ ನ.2 ರಂದು ಬರೋಡಾದಲ್ಲಿ ಬರೋಡಾ ವಿರುದ್ಧ ಮೊದಲ ಪಂದ್ಯ ಆಡಲಿದೆ. ಬೆಂಗಳೂರಿನಲ್ಲಿ ನ.24 ರಿಂದ 28 ರವರೆಗೂ ಒಡಿಸ್ಸಾ ವಿರುದ್ಧ, ಡಿ.8 ರಿಂದ 11 ದೆಹಲಿ ವಿರುದ್ಧ ಮೈಸೂರಿನಲ್ಲಿ ಡಿ.15 ರಿಂದ 18 ರವರೆಗೆ ವಿದರ್ಭ ವಿರುದ್ಧ, ಹುಬ್ಬಳ್ಳಿಯಲ್ಲಿ ಡಿ.22 ರಿಂದ 25 ರವರೆಗೆ ಹರ್ಯಾಣ ವಿರುದ್ಧ ಪಂದ್ಯವಾಡಲಿದೆ.

Story first published:  Thursday, October 25, 2012, 14:29 [IST]
English summary
India fast bowler R Vinay Kumar has been retained as Karnataka captain for their Ranji Trophy 2012-13 season opening game against Baroda from November 2 in Baroda.
ಅಭಿಪ್ರಾಯ ಬರೆಯಿರಿ