Englishहिन्दीമലയാളംதமிழ்తెలుగు

ಸನ್ ಟಿವಿ ತೆಕ್ಕೆಗೆ ಹೈದರಾಬಾದ್ ಐಪಿಎಲ್ ತಂಡ

Posted by:
Updated: Wednesday, October 31, 2012, 15:40 [IST]
 

ಸನ್ ಟಿವಿ ತೆಕ್ಕೆಗೆ ಹೈದರಾಬಾದ್ ಐಪಿಎಲ್ ತಂಡ
 

ಚೆನ್ನೈ, ಅ.25: ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿರುವ ಡೆಕ್ಕನ್ ಚಾರ್ಜರ್ಸ್ ತಂಡ ಕೊನೆಗೂ ಚೆನ್ನೈ ಮೂಲದ ಸನ್ ಟಿವಿ ಸಮೂಹಕ್ಕೆ ಮಾರಾಟವಾಗಿದೆ. ಡೆಕ್ಕನ್ ಚಾರ್ಜರ್ಸ್ ತಂಡವನ್ನು ವಾರ್ಷಿಕ 85.05 ಕೋಟಿ ರು ನಂತೆ ನೀಡಿ ಸನ್ ಟಿವಿ ಖರೀದಿಸಿದೆ ಎಂದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಗುರುವಾರ(ಅ.25) ಪ್ರಕಟಿಸಿದೆ.

ಡೆಕ್ಕನ್ ಚಾರ್ಜರ್ಸ್ ತಂಡ ಕೊನೆಗೂ ಮುಂಬೈ ಮೂಲದ ರಿಯಲ್ ಎಸ್ಟೇಟ್ ಕಂಪನಿ ಕಮ್ಲಾ ಲ್ಯಾಂಡ್ ಮಾರ್ಕ್ ಗೆ ಮಾರಾಟವಾಗುವ ಹಂತದಲ್ಲಿ ಮಾರಾಟ ಪ್ರಕ್ರಿಯೆ ಮುರಿದು ಬಿದ್ದಿತ್ತು. ಐಪಿಎಲ್ ತಂಡಗಳು ನೀಡಬೇಕಾದ ಕನಿಷ್ಠ ಬ್ಯಾಂಕ್ ಗ್ಯಾರಂಟಿ ಮೊತ್ತ ಪಾವತಿಸಲು ವಿಫಲವಾದ ಡೆಕ್ಕನ್ ಚಾರ್ಜರ್ಸ್ ತಂಡವನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಹೊರಹಾಕಿತ್ತು.

"The SUN TV Network bid was substantially higher than the second bid of PVP Ventures, which was 69.03 crores," ಐಪಿಎಲ್ ನ ಟ್ವೀಟ್ ಪುಟದಲ್ಲಿ ಕಂಡು ಬಂದಿದೆ (@ipl)

ಮುಂಬೈ ಮೂಲದ ರಿಯಲ್ ಎಸ್ಟೇಟ್ ಕಂಪನಿ ಕಮ್ಲಾ ಲ್ಯಾಂಡ್ ಮಾರ್ಕ್ ಸಂಸ್ಥೆ ಸುಮಾರು 1000 ಕೋಟಿ ರು ನೀಡಿ ಡೆಕ್ಕನ್ ಚಾರ್ಜರ್ಸ್ ತಂಡವನ್ನು ಖರೀದಿಸಲಿದೆ ಎಂದು ಬಿಎಸ್ಇ, ಎನ್ ಎಸ್ ಇಗೆ ಡೆಕ್ಕನ್ ಕ್ರೋನಿಕಲ್ ಹೋಲ್ಡಿಂಗ್ ಲಿಮಿಟೆಡ್(DHCL) ಹೇಳಿಕೆ ನೀಡಿತ್ತು. ಇದೇ ಪ್ರತಿ ಬಿಸಿಸಿಐ ಕಚೇರಿಯನ್ನು ತಲುಪಿತ್ತು. ಆದರೆ, ನಂತರ ಡೆಕ್ಕನ್ ಚಾರ್ಜರ್ಸ್ ತಂಡದ ಕನಸಿಗೆ ಬಿಸಿಸಿಐ ಕೊಡಲಿ ಪೆಟ್ಟು ನೀಡಿತ್ತು.

ಇದಕ್ಕೂ ಮುನ್ನ ಡೆಕ್ಕನ್ ಚಾರ್ಜರ್ಸ್ ಹಾರಾಜು ಪ್ರಕ್ರಿಯೆ ನಡೆದಿದ್ದರೂ ಯಾವುದೇ ಸಂಸ್ಥೆ ಮಾರಾಟವಾಗಿರಲಿಲ್ಲ. ಕೇವಲ ಪಿವಿಪಿ ವೆಂಚರ್ಸ್ ಕಂಪನಿ ಮಾತ್ರ ಬಿಡ್ಡಿಂಗ್ ನಲ್ಲಿ ಉಳಿದಿತ್ತು.

900 ಕೋಟಿ ಕೊಡುತ್ತೀನಿ ಎಂದರೂ ಡೆಕ್ಕನ್ ತಂಡ ಮಾರಾಟವಾಗಿರಲಿಲ್ಲ.ಸುಮಾರು 4,000 ಕೋಟಿ ಮೊತ್ತದ ಸಾಲ ಹೊತ್ತಿರುವ ಡೆಕ್ಕನ್ ಕ್ರೋನಿಕಲ್ ಹೋಲ್ಡಿಂಗ್ ಲಿಮಿಟೆಡ್(DHCL) ಸಂಸ್ಥೆ ತನ್ನ ಒಂದೊಂದೇ ಆಸ್ತಿಯನ್ನು ಮಾರಾಟ ಮಾಡುವ ಮೂಲಕ ಸಾಲ ತೀರಿಸಲು ಯೋಜಿಸಿತ್ತು.

ಡೆಕ್ಕನ್ ಚಾರ್ಜರ್ಸ್ ಐಪಿಎಲ್ ತಂಡ, ತೆಲುಗು ದೈನಿಕ ಆಂಧ್ರಭೂಮಿ, ಆಂಗ್ಲ ಪತ್ರಿಕೆ ಡೆಕ್ಕನ್ ಕ್ರೋನಿಕಲ್, ರೀಟೈಲ್ ಮಳಿಗೆ ಒಡಿಸ್ಸಿ ಅಲ್ಲದೆ ವಿಮಾನಯಾನ ಮತ್ತಿ ಕೊರಿಯರ್ ಸೇವೆಯನ್ನು DHCL ಸಂಸ್ಥೆ ಒದಗಿಸುತ್ತಿದೆ.

Story first published:  Thursday, October 25, 2012, 13:17 [IST]
English summary
Sun TV Network has bought Deccan Chargers IPL team for Rs 85.05 crores per year, the Board of Control for Cricket in India (BCCI) announced on Thursday.
ಅಭಿಪ್ರಾಯ ಬರೆಯಿರಿ