Englishहिन्दीമലയാളംதமிழ்తెలుగు

ಸಿಡಿದ ಸೆಹ್ವಾಗ್, ಡೆಲ್ಲಿ ಸೆಮಿಸ್ ಆಸೆ ಜೀವಂತ

Posted by:
Published: Monday, October 22, 2012, 10:25 [IST]
 

ಕೇಪ್‌ಟೌನ್, ಅ.22: ವೀರೇಂದ್ರ ಸೆಹ್ವಾಗ್ ಹಾಗೂ ಅಜಿತ್ ಅಗರ್ಕರ್ ಅವರ ಆಲ್ ರೌಂಡ್ ಆಟದಿಂದ ಡೆಲ್ಲಿ ಡೇರ್ ಡೆವಿಲ್ಸ್ ತಂಡದ ಸೆಮಿ ಫೈನಲ್ ಆಸೆ ಜೀವಂತವಾಗಿದೆ. ಚಾಂಪಿಯನ್ಸ್ ಲೀಗ್ ಟ್ವೆಂಟಿ-20 ಟೂರ್ನಿಯ ಪಂದ್ಯದಲ್ಲಿ ಡೆಲ್ಲಿ ತಂಡ ಭಾನುವಾರ ರಾತ್ರಿ ಪರ್ತ್ ಸ್ಕಾರ್ಚರ್ಸ್ ವಿರುದ್ಧ 3 ವಿಕೆಟ್‌ಗಳ ಜಯ ಗಳಿಸಿದೆ.

ಸ್ಕೋರ್ ಕಾರ್ಡ್ ನೋಡಿ

ಸಿಡಿದ ಸೆಹ್ವಾಗ್, ಡೆಲ್ಲಿ ಸೆಮಿಸ್ ಆಸೆ ಜೀವಂತ

ವೀರೇಂದ್ರ ಸೆಹ್ವಾಗ್ ಆಕರ್ಷಕ ಅರ್ಧಶತಕ (52 ರನ್) ಸಿಡಿಸಿ ಪರ್ತ್ ಸ್ಕಾರ್ಚರ್ಸ್ ಆಸೆ ಭಗ್ನಗೊಳಿಸಿದರು. ‘ಎ' ಗುಂಪಿನಲ್ಲಿ ಡೆಲ್ಲಿ ತಂಡ ಒಟ್ಟು 10 ಅಂಕಗಳೊಂದಿಗೆಅಗ್ರಸ್ಥಾನ ಪಡೆದಿದೆ. ಮಹೇಲ ಜಯವರ್ಧನೆ ತಂಡ ಅ.23ರಂದು ಟೈಟಾನ್ಸ್ ವಿರುದ್ಧ ಅಂತಿಮ ಪಂದ್ಯವನ್ನು ಆಡಲಿದೆ.

ಗೆಲ್ಲಲು 122 ರನ್‌ಗಳ ಸವಾಲನ್ನು ಸ್ವೀಕರಿಸಿದ ಡೆಲ್ಲಿ ತಂಡ ಬಲಿಷ್ಠ ಬ್ಯಾಟಿಂಗ್ ಪಡೆ ಹೊಂದಿದ್ದರೂ ಮುಗ್ಗರಿಸಿತು. ಅದರೆ, ಕೊನೆಗೆ ಇನ್ನೂ 3 ಎಸೆತಗಳು ಬಾಕಿ ಉಳಿದಿರುವಂತೆ 7 ವಿಕೆಟ್ ನಷ್ಟದಲ್ಲಿ 123 ರನ್ ಗಳಿಸಿ ಜಯಭೇರಿ ಬಾರಿಸಿದರು.

ಕೊನೆಯ ಓವರ್‌ನಲ್ಲಿ ಅಜಿತ್ ಅಗರ್ಕರ್ 5 ರನ್ ಮತ್ತು ನೇಗಿ ಬೌಂಡರಿ ಬಾರಿಸಿ ತಂಡವನ್ನು ಗೆಲುವಿಗೆ ಬೇಕಿದ್ದ 8 ರನ್ ಗಡಿ ದಾಟಿ ಜಯ ದಾಖಲಿಸಿದರು. ಆಲ್‌ರೌಂಡ್ ಪ್ರದರ್ಶನ ನೀಡಿದ ಅಗರ್ಕರ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ವೀರೇಂದ್ರ ಸೆಹ್ವಾಗ್ 52ರನ್ (44ಎಸೆತ, 4 ಬೌಂಡರಿ, 1 ಸಿಕ್ಸರ್), ಇರ್ಫಾನ್ ಪಠಾಣ್ 14 ರನ್, ಅಗರ್ಕರ್ ಔಟಾಗದೆ 11 ರನ್ (7 ಎಸೆತ, 2 ಬೌಂಡರಿ), ಪವನ್ ನೇಗಿ ಔಟಾಗದೆ 7 ರನ್ ಗಳಿಸಿ ತಂಡದ ಗೆಲುವಿಗೆ ನೆರವಾದರು.

ನಾಯಕ ಜಯವರ್ಧನೆ 4, ಉನ್ಮುಕ್ತ ಚಂದ್ 3, ಪೀಟರ್ಸನ್ 9, ಟೇಲರ್ 5, ನಮನ್ ಓಜಾ 6 ರನ್ ಗಳಿಸಿ ನಿರಾಸೆ ಮೂಡಿಸಿದರು,.

ಇದಕ್ಕೆ ಮೊದಲು ಪರ್ತ್ ಸ್ಕಾರ್ಚರ್ಸ್ ತಂಡ 20 ಓವರ್‌ಗಳಲ್ಲಿ 5 ವಿಕೆಟ್ ನಷ್ಟದಲ್ಲಿ 121 ರನ್ ಮಾತ್ರ ಗಳಿಸಿತ್ತು. ತಂಡದ ಪರ ಶೇನ್ ಮಾರ್ಶ್ 39 ರನ್, ಕಟಿಚ್ 34 ರನ್, ಮಿಚೆಲ್ ಮಾರ್ಶ್ 20 ರನ್‌ ಗಳಿಸಿರು. ಡೆಲ್ಲಿ ಪರ ಮೊರ್ನೆ ಮೊರ್ಕೆಲ್ (19 ರನ್ನಿತ್ತು 3 ವಿಕೆಟ್ ), ಅಗರ್ಕರ್ (14 ರನ್ನಿತ್ತು 2 ವಿಕೆಟ್ ) ಉತ್ತಮ ಬೌಲಿಂಗ್ ಪ್ರದರ್ಶನ ನೀಡಿ ಸ್ಕಾರ್ಚರ್ಸ್ ತಂಡಕ್ಕೆ ಕಡಿವಾಣ ಹಾಕಿದರು.

English summary
Ajit Agarkar's all-round display backed by a composed half century from Virender Sehwag helped Delhi Daredevils beat Perth Scorchers by three wickets and move a step closer to a semifinal berth in the Champions League Twenty20 on Sunday.
ಅಭಿಪ್ರಾಯ ಬರೆಯಿರಿ