Englishहिन्दीമലയാളംதமிழ்తెలుగు

ಕಾಮೆಂಟೇಟರ್ ಟೋನಿ ಗ್ರೇಗ್ ಗೆ ಕ್ಯಾನ್ಸರ್

Posted by:
Updated: Sunday, October 21, 2012, 11:31 [IST]
 

ಕಾಮೆಂಟೇಟರ್ ಟೋನಿ ಗ್ರೇಗ್ ಗೆ ಕ್ಯಾನ್ಸರ್
 

ಬೆಂಗಳೂರು, ಅ.21: ಇಂಗ್ಲೆಂಡಿನ ಮಾಜಿ ನಾಯಕ ಹಾಲಿ ಜನಪ್ರಿಯ ವೀಕ್ಷಕ ವಿವರಣೆಕಾರ ಟೋನಿ ಗ್ರೆಗ್ ಅವರಿಗೆ ಶ್ವಾಸಕೋಶದ ಕ್ಯಾನ್ಸರ್ ತಗುಲಿದೆ ಎಂದು ಆಸ್ಟ್ರೇಲಿಯಾದ ದಿನಪತ್ರಿಕೆ ಸಿಡ್ನಿ ಮಾರ್ನಿಂಗ್ ಹೆರಾಲ್ಡ್ ವರದಿ ಮಾಡಿದೆ.

66ರ ಹರೆಯದ ಗ್ರೆಗ್ ಶ್ರೇಷ್ಠ ವೀಕ್ಷಕ ವಿವರಣೆಕಾರರಾಗಿದ್ದು, ಶ್ರೀಲಂಕಾದಲ್ಲಿ ಇತ್ತೀಚೆಗೆ ನಡೆದ ಟ್ವೆಂಟಿ ವಿಶ್ವಕಪ್ ನಲ್ಲಿ ವೀಕ್ಷಕ ವಿವರಣೆ ನೀಡಿದ್ದರು.

ಪರಿವರ್ತಿತರಾಗಿರುವ ಟೋನಿ ಗ್ರೆಗ್ ಶ್ವಾಸಕೋಶ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದಾರೆ ಎಂದು ಆಸ್ಟ್ರೇಲಿಯದ ದಿನಪತ್ರಿಕೆ ಸಿಡ್ನಿ ಮೊರ್ನಿಂಗ್ ಹೆರಾಲ್ಡ್ ವರದಿ ಮಾಡಿದೆ. 66ರ ಹರೆಯದ ಗ್ರೆಗ್ ಶ್ರೇಷ್ಠ ವೀಕ್ಷಕ ವಿವರಣೆಗಾರರಾಗಿದ್ದು, ಇತ್ತೀಚೆಗೆ ಟ್ವೆಂಟಿ-20 ವಿಶ್ವಕಪ್‌ನಲ್ಲಿ ವೀಕ್ಷಕ ವಿವರಣೆಗಾರರಾಗಿ ಕಾರ್ಯನಿರ್ವಹಿಸಿದ್ದರು.

ಆಸ್ಟ್ರೇಲಿಯ ಹಾಗೂ ಪಾಕಿಸ್ತಾನ ನಡುವೆ ದುಬೈನಲ್ಲಿ ನಡೆದ ಏಕದಿನ ಸರಣಿ ವೇಳೆ ವೀಕ್ಷಕ ವಿವರಣೆ ನೀಡುವಾಗ ಶ್ವಾಸಕೋಶದಲ್ಲಿ ತೊಂದರೆ ಕಾಣಿಸಿಕೊಂಡಿತ್ತು. ನಂತರ ಬಯಾಪ್ಸಿ ಮಾಡಿಸಲು ನಿರ್ಧರಿಸಿದ್ದಾರೆ. ವರದಿ ಬಂದ ಮೇಲೆ ಮುಂದಿನ ಚಿಕಿತ್ಸೆ ಬಗ್ಗೆ ಚಿಂತಿಸಲಿದ್ದಾರೆ ಎಂದು ಹೆರಾಲ್ಡ್ ಪತ್ರಿಕೆ ಹೇಳಿದೆ.

ಕ್ಯಾನ್ಸರ್ ಬಗ್ಗೆ ಪ್ರತಿಕ್ರಿಯಿಸಿರುವ ಟೋನಿ: "I have had a few scrapes in my life and this is another one. Vivian (Greig's wife) and I are going to put the boxing gloves on and fight this like we've never fought anything before."ಎಂದು ಹೇಳಿದ್ದಾರೆ.

ಮೊದಲಿಗೆ ಇದು ಜ್ವರ ಅಥವಾ ವಿಷಮಶೀತ ಜ್ವರದ ಬಾಧೆ ಎಂದು ತಿಳಿಯಲಾಗಿತ್ತು. ಶ್ರೀಲಂಕಾದಿಂದ ಬಂದು ಪರೀಕ್ಷೆ ಮಾಡಿಸಿಕೊಂಡ ಬಗ್ಗೆ ತಿಳಿಯಿತು ಆದರೆ, ಹೆಚ್ಚಿನ ವಿವರ ಸಿಕ್ಕಿರಲಿಲ್ಲ ಎಂದು ಆಸ್ಟ್ರೇಲಿಯಾದ ಮಾಜಿ ವಿಕೆಟ್ ಕೀಪರ್ ಇಯಾನ್ ಹೀಲಿ ಪ್ರತಿಕ್ರಿಯಿಸಿದ್ದಾರೆ.

ದಕ್ಷಿಣ ಆಫ್ರಿಕಾದಲ್ಲಿ ಜನಿಸಿದ ಟೋನಿ ಗ್ರೆಗ್ ಅವರು ಇಂಗ್ಲೆಂಡ್ ಪರ 1972 ಹಾಗೂ 1977ರ ನಡುವೆ 58 ಟೆಸ್ಟ್, 22 ಏಕದಿನ ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದರು. ಟೋನಿ ಅವರು ಸದ್ಯ ಆಸ್ಟ್ರೇಲಿಯಾ ನಿವಾಸಿಯಾಗಿದ್ದು, ಆಸ್ಟ್ರೇಲಿಯಾದ ಜನಪ್ರಿಯ ಚಾನೆಲ್ 9 ನ ಕಾಮೆಂಟರಿ ತಂಡದ ಪ್ರಮುಖ ಸದಸ್ಯರಾಗಿದ್ದಾರೆ.

ಇಂಗ್ಲೆಂಡಿನ ಮಾಜಿ ಆಟಗಾರ ಜೆಫ್ರಿ ಬಾಯ್ಕಾಟ್, ಭಾರತದ ಆಲ್ ರೌಂಡರ್ ಯುವರಾಜ್ ಸಿಂಗ್ ನಂತರ ಇತ್ತೀಚೆಗೆ ನ್ಯೂಜಿಲೆಂಡ್ ನ ಮಾಜಿ ಕ್ರಿಕೆಟರ್ ಮಾರ್ಟಿನ್ ಕ್ರೋವ್ ಅವರು ಕ್ಯಾನ್ಸರ್ ಪೀಡಿತರಾಗಿರುವ ಸುದ್ದಿ ಹೊರಬಿದ್ದಿತ್ತು. ಈಗ ಟೋನಿ ಗ್ರೆಗ್ ಅವರಿಗೆ ಕ್ಯಾನ್ಸರ್ ಇರುವುದು ದೃಢಪಟ್ಟಿದೆ.

ತಮ್ಮದೇ ಆದ ವಿಶಿಷ್ಟ ಶೈಲಿಯಲ್ಲಿ ವೀಕ್ಷಕ ವಿವರಣೆ ನೀಡುತ್ತಾ ಪ್ರೇಕ್ಷಕರು ಹುಚ್ಚೆದ್ದು ಕುಣಿವಂತೆ ಮಾಡುತ್ತಿದ್ದ ಟೋನಿ ಅವರ ಆರೋಗ್ಯ ಆದಷ್ಟು ಬೇಗ ಸುಧಾರಿಸಲಿ ಎಂದು ಅಭಿಮಾನಿಗಳು ಶುಭ ಹಾರೈಸಿದ್ದಾರೆ.

Story first published:  Sunday, October 21, 2012, 11:19 [IST]
English summary
Former England captain turned commentator Tony Greig has been diagnosed with cancer, a report in an Australian newspaper said on Saturday.
ಅಭಿಪ್ರಾಯ ಬರೆಯಿರಿ