Englishहिन्दीമലയാളംதமிழ்తెలుగు

ಸಚಿನ್ ರನ್ನು ಆಸ್ಟ್ರೇಲಿಯಾ ಪ್ರಧಾನಿ ಮಾಡಿಬಿಡಿ : ಹೇಡನ್

Posted by:
Updated: Friday, October 19, 2012, 17:53 [IST]
 

ಸಚಿನ್ ರನ್ನು ಆಸ್ಟ್ರೇಲಿಯಾ ಪ್ರಧಾನಿ ಮಾಡಿಬಿಡಿ : ಹೇಡನ್
 

ಮೆಲ್ಬೋರ್ನ್, ಅ.19 : ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರಿಗೆ ಆಸ್ಟ್ರೇಲಿಯಾದ ಅತ್ಯುನ್ನತ ಗೌರವ ಪಾತ್ರವಾಗುತ್ತಿರುವುದಕ್ಕೆ ಅವರ ಅಭಿಮಾನಿಗಳು ಹರ್ಷ ವ್ಯಕ್ತಪಡಿಸಿದ್ದರೆ, ಆಸ್ಟ್ರೇಲಿಯಾದಲ್ಲಿ ಈ ಬಗ್ಗೆ ಅಪಸ್ವರ ಕೇಳಿ ಬಂದಿದೆ.

ಸಚಿನ್ ಗೆ ಈ ಗೌರವ ನೀಡುವುದಕ್ಕೆ ಆಸ್ಟ್ರೇಲಿಯಾದ ಸಂಸದರೊಬ್ಬರು ವಿರೋಧ ವ್ಯಕ್ತಪಡಿಸಿದ ನಂತರ ಮಾಜಿ ಕ್ರಿಕೆಟರ್ ಮ್ಯಾಥ್ಯೂ ಹೇಡನ್ ಕಿಡಿ ಕಾರಿದ್ದಾರೆ.

ಆರ್ಡರ್ ಆಫ್ ಆಸ್ಟ್ರೇಲಿಯಾ ಗೌರವ ಪಡೆಯಲು ಭಾರತದ ಕ್ರಿಕೆಟ್ ತಾರೆ ಸಚಿನ್ ತೆಂಡೂಲ್ಕರ್ ಅರ್ಹರಲ್ಲ ಎಂದು ಮ್ಯಾಥ್ಯೂ ಹೇಡನ್ ಅಭಿಪ್ರಾಯಪಟ್ಟಿದ್ದಾರೆ.

ಸ್ಥಳೀಯ ರೇಡಿಯೋವೊಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ಸಚಿನ್ ಅವರಿಗೆ ಆಸ್ಟ್ರೇಲಿಯಾದ ಪ್ರತಿಷ್ಠಿತ ಗೌರವ ಸಿಗುತ್ತಿರುವುದರ ಬಗ್ಗೆ ಪ್ರಶ್ನಿಸಲಾಯಿತು. ಇದಕ್ಕೆ ಉತ್ತರಿಸಿದ ಹೇಡನ್, 'ಸಚಿನ್ ಅವರನ್ನು ಆಸ್ಟ್ರೇಲಿಯಾದ ಪ್ರಧಾನಿ ಮಾಡಿಬಿಡಿ ಆಗ ಸಮಸ್ಯೆ, ವಿರೋಧ ಇರುವುದಿಲ್ಲ. ಆಸ್ಟ್ರೇಲಿಯಾ ಪ್ರಜೆಗಳಿಗೆ ಸಲ್ಲಬೇಕಾಗಿರುವ ಗೌರವ ಇದಾಗಿದೆ' ಎಂದು ಹೇಳಿದರು.

ಆಸ್ಟ್ರೇಲಿಯಾದವರಿಗೆ ಮಾತ್ರ ಈ ಗೌರವ ಸಲ್ಲಬೇಕು. ಕ್ರಿಕೆಟ್ ಕ್ಷೇತ್ರದಲ್ಲಿ ಸಚಿನ್ ಮಹಾನ್ ಆಟಗಾರರೇ ಇರಬಹುದು.

ಅದರೆ, ಎರಡು ದೇಶಗಳ ನಡುವೆ ಉತ್ತಮ ಬಾಂಧವ್ಯ ಮೂಡಿಸುವಲ್ಲಿ ಅವರ ಕೊಡುಗೆ ಶೂನ್ಯವಾಗಿದೆ. ಇದು ನನ್ನೊಬ್ಬನ ಅಭಿಪ್ರಾಯವಲ್ಲ. ಹರ್ಭಜನ್ ಸಿಂಗ್ ಹಾಗೂ ಆಂಡ್ರ್ಯೂ ಸೈಮಂಡ್ 'ಮಂಕಿಗೇಟ್' ಪ್ರಕರಣದಲ್ಲಿ ಸಚಿನ್ ಯಾವ ರೀತಿ ಸಾಕ್ಷಿ ಹೇಳಿ ತಪ್ಪಿಸಿಕೊಂಡಿದ್ದರು ಎಂಬುದು ಎಲ್ಲರಿಗೂ ತಿಳಿದ ವಿಷಯ ಎಂದು ಹೇಡನ್ ಹೇಳಿದ್ದಾರೆ.

ಆಸ್ಟ್ರೇಲಿಯಾದ ಪ್ರಧಾನಿ ಜೂಲಿಯಾ ಗಿಲ್ಲಾರ್ಡ್ ಅವರು ಮಂಗಳವಾರ (ಅ.16) ಆರ್ಡರ್ ಆಫ್ ಆಸ್ಟ್ರೇಲಿಯಾ ಸದಸ್ಯತ್ವವನ್ನು ಸಚಿನ್ ತೆಂಡೂಲ್ಕರ್ ಅವರಿಗೆ ನೀಡಿ ಗೌರವಿಸಲಾಗುವುದು ಎಂದು ಘೋಷಿಸಿದ್ದರು.

ಭಾರತ ಹಾಗೂ ಆಸ್ಟ್ರೇಲಿಯಾ ಉಭಯ ದೇಶಗಳ ಕಾನೂನು ಸಂಬಂಧ ಸುಧಾರಣೆಗೆ ಸೊರಾಬ್ಜಿ ಅವರು ನೀಡಿದ ಕೊಡುಗೆ ಪರಿಗಣಿಸಿ 2006ರಲ್ಲಿ ಆರ್ಡರ್ ಆಫ್ ಆಸ್ಟ್ರೇಲಿಯಾ ಗೌರವ ನೀಡಲಾಗಿತ್ತು.

ಆಸ್ಟ್ರೇಲಿಯಾದ ಪ್ರಜೆ ಹಾಗೂ ಮಿಲಿಟರಿ ವಲಯದ ಸಾಧಕರಿಗೆ ಸಿಗುವ ಆರ್ಡರ್ ಆಫ್ ಆಸ್ಟ್ರೇಲಿಯಾ ಗೌರವ ಪ್ರಪ್ರಥಮ ಬಾರಿಗೆ ಭಾರತದ ಕ್ರಿಕೆಟರ್ ಗೆ ಸಲ್ಲುತ್ತಿದೆ. ಆಸ್ಟ್ರೇಲಿಯಾದ ಕ್ಯಾಬಿನೆಟ್ ಸಚಿವ ಸೈಮನ್ ಕ್ರೆಯನ್ ಅವರು ಭಾರತಕ್ಕೆ ಭೇಟಿ ನೀಡುವ ಸಂದರ್ಭದಲ್ಲಿ ಸಚಿನ್ ಅವರಿಗೆ ಈ ಗೌರವ ನೀಡಿ ಸನ್ಮಾನಿಸುವ ಸಾಧ್ಯತೆಯಿದೆ.

ಸಚಿನ್ ಗೂ ಮೊದಲು ಕ್ರಿಕೆಟ್ ಜಗತ್ತಿನ ದಿಗ್ಗಜ ವೆಸ್ಟ್ ಇಂಡೀಸ್ ನ ಮಾಜಿ ನಾಯಕ ಕ್ಲೈವ್ ಲಾಯ್ಡ್ ಅವರಿಗೆ 1985ರಲ್ಲಿ ಈ ಗೌರವ ಸಿಕ್ಕಿದೆ. ಹಾಗೂ ಅದ್ಭುತ ಆಟಗಾರ ಬ್ರಿಯಾನ್ ಲಾರಾ ಅವರಿಗೆ 2009ರಲ್ಲಿ ಈ ಗೌರವ ನೀಡಲಾಗಿದೆ.

ಸಚಿನ್ ತೆಂಡೂಲ್ಕರ್ ಅವರು ಕ್ರಿಕೆಟ್ ಜಗತ್ತಿನಲ್ಲಿ ದೇವರಂತೆ ಕಾಣಲಾಗುತ್ತದೆ. 190 ಟೆಸ್ಟ್ ಗಳಲ್ಲಿ ಸುಮಾರು 15,533 ರನ್ ಹಾಗೂ 463 ಏಕದಿನ ಪಂದ್ಯಗಳಲ್ಲಿ 18,426 ರನ್ ಗಳಿಸಿದ್ದಾರೆ.

2008ರಲ್ಲಿ ಭಾರತದ ಎರಡನೇ ಅತ್ಯುನ್ನತ ನಾಗರೀಕ ಗೌರವವಾದ ಪದ್ಮವಿಭೂಷಣ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ. ಅತ್ಯುನ್ನತ ಕ್ರೀಡಾ ಪ್ರಶಸ್ತಿಯಾದ ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿ ಕೂಡಾ ಸಚಿನ್ ಅವರಿಗೆ ಲಭಿಸಿದೆ

Story first published:  Friday, October 19, 2012, 16:21 [IST]
English summary
Former Australian cricketer Matthew Hayden, feels India's cricketing legend, Sachin Tendulkar doesn't deserve the honour after the Indian legend was being conferred with the prestigious 'Order of Australia'.
ಅಭಿಪ್ರಾಯ ಬರೆಯಿರಿ