Englishहिन्दीമലയാളംதமிழ்తెలుగు

ಸಿಎಲ್ಟಿ20 : ಲಕ್ಕಿ ಧೋನಿಗೆ ಕೈಗೆಟುಕದ ಗೆಲುವು

Posted by:
Updated: Monday, October 15, 2012, 17:03 [IST]
 

ಜೋಹಾನ್ಸ್‌ಬರ್ಗ್, ಅ.14: ಚಾಂಪಿಯನ್ಸ್ ಲೀಗ್ ಟ್ವೆಂಟಿ -20 ಪಂದ್ಯದಲ್ಲಿ ಸಿಡ್ನಿ ಸಿಕ್ಸರ್ ತಂಡ ಆಲ್‌ರೌಂಡರ್ ಮೊಸೆಸ್ ಹೆನ್ರಿಕ್ಯೂಸ್ ಆಟದ ನೆರವಿನಿಂದ ಬಲಿಷ್ಠ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ 14 ರನ್‌ಗಳ ಜಯ ಗಳಿಸಿದೆ.

ಸುರೇಶ್ ರೈನಾ, ಡುಫ್ಲೆಸಿಸ್ ಹೋರಾಟದ ನಡುವೆಯೂ ಗೆಲುವಿಗೆ 186 ರನ್‌ಗಳ ಕಠಿಣ ಗುರಿಯನ್ನು ದಾಟಲು ಚೆನ್ನೈ ಸೂಪರ್ ಕಿಂಗ್ಸ್ ತಂಡ ವಿಫಲವಾಯಿತು. ಚೆನ್ನೈ ತಂಡ ನಿಗದಿತ 20 ಓವರ್‌ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 171 ರನ್ ಮಾತ್ರ ಗಳಿಸಿ ಸೊಲೊಪ್ಪಿಕೊಂಡಿದೆ. ಆಲ್‌ರೌಂಡರ್ ಮೊಸೆಸ್ ಹೆನ್ರಿಕ್ಯೂಸ್ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.

ಸ್ಕೋರ್ ಕಾರ್ಡ್ ನೋಡಿ

ಸಿಎಲ್ಟಿ20 : ಲಕ್ಕಿ ಧೋನಿಗೆ ಕೈಗೆಟುಕದ ಗೆಲುವು

ಚೆನ್ನೈ ತಂಡದ ಸುರೇಶ್ ರೈನಾ 57ರನ್ (33ಎಸೆತ, 8ಬೌಂಡರಿ, 2ಸಿಕ್ಸರ್), ಎಫ್‌ಡು ಪ್ಲೆಸ್ಸಿಸ್ 43ರನ್ (25ಎಸೆತ, 5 ಬೌಂಡರಿ, 2 ಸಿಕ್ಸರ್), ಆರ್ .ಅಶ್ವಿನ್ 18ರನ್ (9 ಎಸೆತ, 3 ಬೌಂಡರಿ) ಹಾಗೂ ಮೈಕ್ ಹಸ್ಸಿ 16 ರನ್ (19 ಎಸೆತ, 2 ಬೌಂಡರೊ) ರನ್ ಗಳಿಸಿ ಸಾಂಘಿಕ ಹೋರಾಟ ನಡೆಸಿದರೂ ಗೆಲುವು ಸಾಧಿಸಲು ಆಗಲಿಲ್ಲ.

ಎರಡನೆ ವಿಕೆಟ್‌ಗೆ ಎಫ್‌ಡು ಪ್ಲೆಸ್ಸಿಸ್ ಮತ್ತು ಮೈಕ್ ಹಸ್ಸಿ 6.3 ಓವರ್‌ಗಳಲ್ಲಿ 9.38 ಸರಾಸರಿಯಂತೆ 61 ರನ್ ಕಲೆ ಹಾಕಿ ಆಸೆ ಮೂಡಿಸಿದ್ದರು. ಆದರೆ 16.3ನೇ ಓವರ್‌ನಲ್ಲಿ ಹೆನ್ರಿಕ್ಯೂಸ್‌ಗೆ ರೈನಾ ವಿಕೆಟ್ ಒಪ್ಪಿಸಿದ ನಂತರ ಚೆನ್ನೈ ತಂಡದ ಪತನ ಆರಂಭವಾಯಿತು.

ಹೆನ್ರಿಕ್ಯೂಸ್ 23ಕ್ಕೆ 3 ಮತ್ತು ಸ್ಟಾರ್ಕ್ 31ಕ್ಕೆ 3 ವಿಕೆಟ್ ಕಬಳಿಸಿ ಸಿಡ್ನಿ ಸಿಕ್ಸರ್ ತಂಡಕ್ಕೆ ಜಯ ತಂದಿತ್ತರು. ಐದನೆ ವಿಕೆಟ್‌ಗೆ ಸ್ಟಿವನ್ ಸ್ಮಿತ್ ಮತ್ತು ಮೊಸೆಸ್ ಹೆನ್ರಿಕ್ಯೂಸ್ 75 ರನ್‌ಗಳ ಜೊತೆಯಾಟ ಪಂದ್ಯದಲ್ಲಿ ನಿರ್ಣಾಯಕವಾಯಿತು. ಸಿಡ್ನಿ ಸಿಕ್ಸರ್ ತಂಡ ನಿಗದಿತ 20 ಓವರ್‌ಗಳಲ್ಲಿ 185 ರನ್‌ಗಳನ್ನು ಕಲೆ ಹಾಕಿತ್ತು.

ಸಿಡ್ನಿ ಸಿಕ್ಸರ್ ತಂಡ 13.3 ಓವರ್‌ಗಳಲ್ಲಿ 4 ವಿಕೆಟ್ ನಷ್ಟದಲ್ಲಿ 110 ರನ್ ಗಳಿಸಿತ್ತು. ಹೆನ್ರಿಕ್ಯೂಸ್ ಬ್ಯಾಟಿಂಗ್ ನಿಂದ ತಂಡದ ಮೊತ್ತ 185/5ಕ್ಕೇರಿತು.

ಸ್ಮಿತ್ 26 ರನ್ (17 ಎಸೆತ, 3 ಬೌಂಡರಿ) ಗಳಿಸಿ ಔಟಾದರು. ಹೆನ್ರಿಕ್ಯೂಸ್ ಔಟಾಗದೆ 49 ರನ್ (23 ಎಸೆತ, 5 ಬೌಂಡರಿ, 3 ಸಿಕ್ಸರ್) ಸೇರಿಸಿ ಔಟಾಗದೆ ಉಳಿದರು.

ಇನಿಂಗ್ಸ್ ಆರಂಭಿಸಿದ ಮೈಕಲ್ ಲುಂಬ್ ಮತ್ತು ಶೇನ್ ವ್ಯಾಟ್ಸನ್ ಮೊದಲ ವಿಕೆಟ್‌ಗೆ 50 ರನ್‌ಗಳ ಜೊತೆಯಾಟ ತಂಡಕ್ಕೆ ಉತ್ತಮ ಆರಂಭ ಒದಗಿಸಿತು. ವ್ಯಾಟ್ಸನ್ 39 ನಿಮಿಷಗಳ ಬ್ಯಾಟಿಂಗ್‌ನಲ್ಲಿ 30 ಎಸೆತಗಳನ್ನು ಉತ್ತರಿಸಿ 5 ಬೌಂಡರಿ 2 ಸಿಕ್ಸರ್ ಇರುವ 46 ರನ್ ಚೆಚ್ಚಿದರು.

ಮೈಕಲ್ ಲುಂಬ್ (18 ರನ್), ಮ್ಯಾಡಿನ್ಸನ್ (12 ರನ್), ಹಡಿನ್ (20 ರನ್) ರನ್ ಕಲೆ ಹಾಕಿದರು.

ಚೆನ್ನೈ ತಂಡದ ಆರ್ ಅಶ್ವಿನ್ 32ಕ್ಕೆ 2, ಹಿಲ್ಫೆನ್ನಾಸ್ ಮತ್ತು ರವೀಂದ್ರ ಜಡೇಜ ತಲಾ 1 ವಿಕೆಟ್ ಗಳಿಸಿದರು.

ಸಂಕ್ಷಿಪ್ತ ಸ್ಕೋರ್: ಸಿಡ್ನಿ ಸಿಕ್ಸರ್ಸ್‌ 20 ಓವರ್‌ಗಳಲ್ಲಿ 185/5 (ಹೆನ್ರಿಕ್ಯೂಸ್ ಔಟಾಗದೆ 49,ವ್ಯಾಟ್ಸನ್ 46; ಅಶ್ವಿನ್ 32ಕ್ಕೆ 2).

ಚೆನ್ನೈ ಸೂಪರ್ ಕಿಂಗ್ಸ್ 20 ಓವರ್‌ಗಳಲ್ಲಿ 171/9 (ರೈನಾ 57, ಪ್ಲೆಸ್ಸಿಸ್ 43; ಹೆನ್ರಿಕ್ಯೂಸ್ 23ಕ್ಕೆ 3, ಸ್ಟಾರ್ಕ್ 31ಕ್ಕೆ 3).

Story first published:  Monday, October 15, 2012, 12:54 [IST]
English summary
Suresh Raina, Faf du Plessis' gritty knock couldn't guide Chennai Super Kings to a win off their first Group B clash as they lost to Sydney Sixers by 14 runs on Sunday.
ಅಭಿಪ್ರಾಯ ಬರೆಯಿರಿ