Englishहिन्दीമലയാളംதமிழ்తెలుగు

ಮುಂಬೈ ಪಾಲಾದ ಡೆಕ್ಕನ್ ಚಾರ್ಜರ್ಸ್?

Posted by:
Updated: Friday, October 12, 2012, 17:26 [IST]
 

ಮುಂಬೈ ಪಾಲಾದ ಡೆಕ್ಕನ್ ಚಾರ್ಜರ್ಸ್?
 

ಮುಂಬೈ, ಅ.12: ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿರುವ ಡೆಕ್ಕನ್ ಚಾರ್ಜರ್ಸ್ ತಂಡ ಕೊನೆಗೂ ಮುಂಬೈ ಮೂಲದ ರಿಯಲ್ ಎಸ್ಟೇಟ್ ಕಂಪನಿ ಕಮ್ಲಾ ಲ್ಯಾಂಡ್ ಮಾರ್ಕ್ ಗೆ ಮಾರಾಟವಾದ ಸುದ್ದಿ ಬಂದಿದೆ. ಆದರೆ, ಬಿಸಿಸಿಐಯಾಗಲಿ, ಡೆಕ್ಕನ್ ಚಾರ್ಜರ್ಸ್ ತಂಡವಾಗಲಿ ಅಧಿಕೃತ ಹೇಳಿಕೆ ನೀಡಿಲ್ಲ.

ಡೆಕ್ಕನ್ ಕ್ರೋನಿಕಲ್ ಹೋಲ್ಡಿಂಗ್ ಲಿಮಿಟೆಡ್ ಬಿಎಸ್ ಇಗೆ ನೀಡಿರುವ ಹೇಳಿಕೆಯಂತೆ ಕಮ್ಲಾ ಲ್ಯಾಂಡ್ ಮಾರ್ಕ್ ಸಂಸ್ಥೆಗೆ ಡೆಕ್ಕನ್ ಚಾರ್ಜರ್ಸ್ ಐಪಿಎಲ್ ತಂಡ ಮಾರಾಟ ಮಾಡಲಾಗಿದೆ. ಕಂಪನಿಯ ಷೇರುದಾರರು ಈ ಮಾರಾಟಕ್ಕೆ ಒಪ್ಪಿಗೆ ಸೂಚಿಸಿದ್ದಾರೆ ಎನ್ನಲಾಗಿದೆ. ಆದರೆ, ಮಾರಾಟದ ಮೊತ್ತ ಮಾತ್ರ ಬಹಿರಂಗಗೊಂಡಿಲ್ಲ.  ಸುಮಾರು 1000 ಕೋಟಿ ರು ಗಳಿಗೆ ಡೀಲ್ ಕುದುರಿಸಲಾಗಿದೆ ಎಂಬ ಸುದ್ದಿ ಇದೆ

ಇದಕ್ಕೂ ಮುನ್ನ ಡೆಕ್ಕನ್ ಚಾರ್ಜರ್ಸ್ ಹಾರಾಜು ಪ್ರಕ್ರಿಯೆ ನಡೆದಿದ್ದರೂ ಯಾವುದೇ ಸಂಸ್ಥೆ ಮಾರಾಟವಾಗಿರಲಿಲ್ಲ. ಕೇವಲ ಪಿವಿಪಿ ವೆಂಚರ್ಸ್ ಕಂಪನಿ ಮಾತ್ರ ಬಿಡ್ಡಿಂಗ್ ನಲ್ಲಿ ಉಳಿದಿತ್ತು. 900 ಕೋಟಿ ಕೊಡುತ್ತೀನಿ ಎಂದರೂ ಡೆಕ್ಕನ್ ತಂಡ ಮಾರಾಟವಾಗಿರಲಿಲ್ಲ.

ಸುಮಾರು 4,000 ಕೋಟಿ ಮೊತ್ತದ ಸಾಲ ಹೊತ್ತಿರುವ ಡೆಕ್ಕನ್ ಕ್ರೋನಿಕಲ್ ಹೋಲ್ಡಿಂಗ್ ಲಿಮಿಟೆಡ್(DHCL) ಸಂಸ್ಥೆ ತನ್ನ ಒಂದೊಂದೇ ಆಸ್ತಿಯನ್ನು ಮಾರಾಟ ಮಾಡುವ ಮೂಲಕ ಸಾಲ ತೀರಿಸಲು ಯೋಜಿಸಿದೆ.

ಡೆಕ್ಕನ್ ಚಾರ್ಜರ್ಸ್ ಐಪಿಎಲ್ ತಂಡ, ತೆಲುಗು ದೈನಿಕ ಆಂಧ್ರಭೂಮಿ, ಆಂಗ್ಲ ಪತ್ರಿಕೆ ಡೆಕ್ಕನ್ ಕ್ರೋನಿಕಲ್, ರೀಟೈಲ್ ಮಳಿಗೆ ಒಡಿಸ್ಸಿ ಅಲ್ಲದೆ ವಿಮಾನಯಾನ ಮತ್ತಿ ಕೊರಿಯರ್ ಸೇವೆಯನ್ನು DHCL ಸಂಸ್ಥೆ ಒದಗಿಸುತ್ತಿದೆ.

ಇದು ರಾಜಕೀಯ ಆಟವೇ?: ಬಿಸಿಸಿಐ ನಿಯಮಗಳ ಪ್ರಕಾರ ಡೆಕ್ಕನ್ ಚಾರ್ಜರ್ಸ್ ತಂಡವನ್ನು ಖರೀದಿಸುವ ಹೊಸ ಮಾಲೀಕರಿಗೆ ಈಗ ತಂಡ ಹೇಗಿದೆಯೋ ಅದೇ ಸ್ಥಿತಿಯಲ್ಲಿ ಕೈಗೆ ಸಿಕ್ಕರೂ ತಂಡವನ್ನು ಹೈದರಾಬಾದಿನಿಂದ ಬೇರೆಡೆ ಕೊಂಡೊಯ್ಯುವಂತಿಲ್ಲ. ಒಂದು ವೇಳೆ ಟೆಂಡರ್ ನಿಯಮ ಮೀರಿದರೂ, ಈ ರೀತಿ ವರ್ಗಾವಣೆಗೆ ಬಿಸಿಸಿಐ ಅನುಮತಿ ನೀಡಬೇಕಾಗುತ್ತದೆ.

ಅದರೆ, ನರೇಂದ್ರ ಮೋದಿ ನಾಡಿಗೆ ಹೋಗಲು ಡೆಕ್ಕನ್ ತಂಡಕ್ಕೆ ಅಡ್ಡಿಯಾದ ನಿಯಮಾವಳಿ ಈಗ ಮುಂಬೈ ಸಂಸ್ಥೆ ಪಾಲಾಗಿದ್ದು ಹೇಗೆ? ಕಮ್ಲಾ ಲ್ಯಾಂಡ್ ಮಾರ್ಕ್ ಸಂಸ್ಥೆಯ ಅಧ್ಯಕ್ಷ ಮಂಡಳಿಯಲ್ಲಿರುವ ಎನ್ ಸಿಪಿ ಶಾಸಕ ಶಿವರಾಮ್ ದಾಲ್ವಿಯ ಪ್ರಭಾವ ಇದರಲ್ಲಿ ಇದೆಯೇ? ಇನ್ನೂ ಸ್ಪಷ್ಟಣೆ ಸಿಕ್ಕಿಲ್ಲ. ಮಾರಾಟದ ಬಗ್ಗೆ ಬಿಸಿಸಿಐ ಇನ್ನೂ ತುಟಿ ಪಿಟಕ್ ಎಂದಿಲ್ಲ .

Story first published:  Friday, October 12, 2012, 16:27 [IST]
English summary
Deccan Chronicle Holdings Limited has sold its IPL team Deccan Chargers to Kamla Landmarc, a Mumbai-based real estate company.
ಅಭಿಪ್ರಾಯ ಬರೆಯಿರಿ