Englishहिन्दीമലയാളംதமிழ்తెలుగు

ಐಪಿಎಲ್ ನಿಂದ ಡೆಕ್ಕನ್ ಚಾರ್ಜರ್ಸ್ ಕಿಕ್ಡ್ ಔಟ್

Posted by:
Updated: Friday, October 12, 2012, 17:40 [IST]
 

ಐಪಿಎಲ್ ನಿಂದ ಡೆಕ್ಕನ್ ಚಾರ್ಜರ್ಸ್ ಕಿಕ್ಡ್ ಔಟ್
 

ಹೈದರಾಬಾದ್, ಅ.12: ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿರುವ ಹೈದರಾಬಾದ್ ಡೆಕ್ಕನ್ ಚಾರ್ಜರ್ಸ್ ತಂಡ ಮುಂಬೈ ಮೂಲದ ರಿಯಲ್ ಎಸ್ಟೇಟ್ ಕಂಪನಿ ಕಮ್ಲಾ ಲ್ಯಾಂಡ್ ಮಾರ್ಕ್ ಗೆ ಮಾರಾಟವಾದ ಸುದ್ದಿ ಹೊರಬಿದ್ದ ಬೆನ್ನಲ್ಲೇ ಬಿಸಿಸಿಐನಿಂದ ಗುದ್ದಿಸಿಕೊಂಡಿದೆ. ಐಪಿಎಲ್ ತಂಡಗಳು ನೀಡಬೇಕಾದ ಕನಿಷ್ಠ ಬ್ಯಾಂಕ್ ಗ್ಯಾರಂಟಿ ಮೊತ್ತ ಪಾವತಿಸಲು ವಿಫಲವಾದ ಡೆಕ್ಕನ್ ಚಾರ್ಜರ್ಸ್ ತಂಡವನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಹೊರಹಾಕಿದೆ.

ಮುಂಬೈ ಮೂಲದ ರಿಯಲ್ ಎಸ್ಟೇಟ್ ಕಂಪನಿ ಕಮ್ಲಾ ಲ್ಯಾಂಡ್ ಮಾರ್ಕ್ ಸಂಸ್ಥೆ ಸುಮಾರು 1000 ಕೋಟಿ ರು ನೀಡಿ ಡೆಕ್ಕನ್ ಚಾರ್ಜರ್ಸ್ ತಂಡವನ್ನು ಖರೀದಿಸಲಿದೆ ಎಂದು ಬಿಎಸ್ಇ, ಎನ್ ಎಸ್ ಇಗೆ ಡೆಕ್ಕನ್ ಕ್ರೋನಿಕಲ್ ಹೋಲ್ಡಿಂಗ್ ಲಿಮಿಟೆಡ್(DHCL) ಹೇಳಿಕೆ ನೀಡಿತ್ತು. ಇದೇ ಪ್ರತಿ ಬಿಸಿಸಿಐ ಕಚೇರಿಯನ್ನು ತಲುಪಿತ್ತು.

ಆದರೆ, ಶುಕ್ರವಾರ ಆಗಿದೆಲ್ಲ ಡೆಕ್ಕನ್ ಚಾರ್ಜರ್ಸ್ ಗೆ ಮುಳುವಾಗಿದೆ. ಬ್ಯಾಂಕ್ ಗ್ಯಾರಂಟಿ ನೀಡಲು ಡೆಕ್ಕನ್ ಗೆ ನೀಡಿದ ಗಡುವು ವಿಸ್ತರಿಸಲು ಬಾಂಬೆ ಹೈಕೋರ್ಟ್ ನಿರಾಕರಿಸಿದೆ. 100 ಕೋಟಿಗಳ ಬ್ಯಾಂಕ್ ಗ್ಯಾರಂಟಿ ಮೊತ್ತ ನೀಡಲು ಅ.12 ಕೊನೆ ದಿನಾಂಕವಾಗಿತ್ತು.

ಡೆಕ್ಕನ್ ಮುಂದಿನ ಹಾದಿ: ಈಗ ಹೊಸದಾಗಿ ಅರ್ಜಿ ಸಲ್ಲಿಸಿ ಖಾಸಗಿ ಮೂಲಗಳಿಂದ ಹೂಡಿಕೆಗೆ ಅನುಮತಿ ಕೋರಬೇಕಾಗುತ್ತದೆ. ಹಾಗೂ ರಾಷ್ಟ್ರೀಕೃತ ಬ್ಯಾಂಕ್ ನಿಂದ ಗ್ಯಾರಂಟಿ ಹಣ ನೀಡುವ ಭರವಸೆ ನೀಡಬೇಕಾಗುತ್ತದೆ. ಬಿಸಿಸಿಐ ಈಗ ಹೊಸ ಫ್ರಾಂಚೈಸಿಗಾಗಿ ಬಿಡ್ಡಿಂಗ್ ಕರೆಯಬಹುದು.

ಸೆ.24, 2012ರಂದು ಡೆಕ್ಕನ್ ಚಾರ್ಜರ್ಸ್ ಸಂಸ್ಥೆ ವಜಾಗೊಳಿಸುವುದಕ್ಕೆ ತಡೆ ನೀಡಿದ್ದ ಬಾಂಬೆ ಹೈಕೋರ್ಟ್ 10 ದಿನಗಳ ಕಾಲಾವಕಾಶ ನೀಡಿ 100 ಕೋಟಿ ಗ್ಯಾರಂಟಿ ಮೊತ್ತ ಒದಗಿಸುವಂತೆ ಸೂಚಿಸಿತ್ತು.

ಇದಕ್ಕೂ ಮುನ್ನ ಡೆಕ್ಕನ್ ಚಾರ್ಜರ್ಸ್ ಹಾರಾಜು ಪ್ರಕ್ರಿಯೆ ನಡೆದಿದ್ದರೂ ಯಾವುದೇ ಸಂಸ್ಥೆ ಮಾರಾಟವಾಗಿರಲಿಲ್ಲ. ಕೇವಲ ಪಿವಿಪಿ ವೆಂಚರ್ಸ್ ಕಂಪನಿ ಮಾತ್ರ ಬಿಡ್ಡಿಂಗ್ ನಲ್ಲಿ ಉಳಿದಿತ್ತು.

900 ಕೋಟಿ ಕೊಡುತ್ತೀನಿ ಎಂದರೂ ಡೆಕ್ಕನ್ ತಂಡ ಮಾರಾಟವಾಗಿರಲಿಲ್ಲ.ಸುಮಾರು 4,000 ಕೋಟಿ ಮೊತ್ತದ ಸಾಲ ಹೊತ್ತಿರುವ ಡೆಕ್ಕನ್ ಕ್ರೋನಿಕಲ್ ಹೋಲ್ಡಿಂಗ್ ಲಿಮಿಟೆಡ್(DHCL) ಸಂಸ್ಥೆ ತನ್ನ ಒಂದೊಂದೇ ಆಸ್ತಿಯನ್ನು ಮಾರಾಟ ಮಾಡುವ ಮೂಲಕ ಸಾಲ ತೀರಿಸಲು ಯೋಜಿಸಿತ್ತು.

ಡೆಕ್ಕನ್ ಚಾರ್ಜರ್ಸ್ ಐಪಿಎಲ್ ತಂಡ, ತೆಲುಗು ದೈನಿಕ ಆಂಧ್ರಭೂಮಿ, ಆಂಗ್ಲ ಪತ್ರಿಕೆ ಡೆಕ್ಕನ್ ಕ್ರೋನಿಕಲ್, ರೀಟೈಲ್ ಮಳಿಗೆ ಒಡಿಸ್ಸಿ ಅಲ್ಲದೆ ವಿಮಾನಯಾನ ಮತ್ತಿ ಕೊರಿಯರ್ ಸೇವೆಯನ್ನು DHCL ಸಂಸ್ಥೆ ಒದಗಿಸುತ್ತಿದೆ.

Story first published:  Friday, October 12, 2012, 17:38 [IST]
English summary
Deccan Chargers terminated from IPL, after failing to pay a bank guarantee of Rs 100 Crore to BCCI on Friday. According to Bombay High Court, Deccan Chargers had to furnish a bank guarantee of Rs 100 crore as they faced a deadline and failed to pay the amount to BCCI.
ಅಭಿಪ್ರಾಯ ಬರೆಯಿರಿ