Englishहिन्दीമലയാളംதமிழ்తెలుగు

ಮ್ಯಾಚ್ ಫಿಕ್ಸಿಂಗ್: 6 ಅಂಪೈರುಗಳು ಸಸ್ಪೆಂಡ್

Posted by:
Updated: Wednesday, October 10, 2012, 13:13 [IST]
 

ಮ್ಯಾಚ್ ಫಿಕ್ಸಿಂಗ್: 6 ಅಂಪೈರುಗಳು ಸಸ್ಪೆಂಡ್
 

ಬೆಂಗಳೂರು, ಅ.10: ವಿಶ್ವ ಟಿ20 ಟೂರ್ನಿಯಲ್ಲಿ ಆರು ಅಂಪೈರ್ ಗಳು ಮ್ಯಾಚ್ ಫಿಕ್ಸಿಂಗ್ ನಲ್ಲಿ ಭಾಗಿಯಾಗಿರುವ ಆರೋಪ ಹೊತ್ತಿರುವ 6 ಅಂಪೈರುಗಳನ್ನು ತಕ್ಷಣವೇ ಜಾರಿಗೆ ಬರುವಂತೆ ಅಮಾನತುಗೊಳಿಸಲಾಗಿದೆ ಎಂದು ಐಸಿಸಿ ಹೇಳಿದೆ.

ಪಾಕಿಸ್ತಾನ, ಶ್ರೀಲಂಕಾ ಮತ್ತು ಬಾಂಗ್ಲಾದೇಶ ಬೋರ್ಡ್ ಗಳು ಆಂತರಿಕ ತನಿಖೆ ನಡೆಸಿ ವರದಿ ಸಲ್ಲಿಸುವಂತೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಸೂಚಿಸಿದೆ.

ಈ ನಡುವೆ ಬಿಸಿಸಿಐ ಈ ಬಗ್ಗೆ ಸ್ಪಷ್ಟನೆ ನೀಡಿ ಭಾರತದ ಯಾವುದೇ ಅಂಪೈರ್ ಈ ರೀತಿ ಕಳ್ಳಾಟದಲ್ಲಿ ತೊಡಗಿಲ್ಲ. ವಿಶ್ವ ಟಿ20 ಟೂರ್ನಿಯಲ್ಲಿ ಭಾರತ ಅಂಪೈರ್ ಗಳು ಈ ರೀತಿ ಕೃತ್ಯ ಎಸೆಗಿಲ್ಲ ಎಂದಿದೆ.

ತನಿಖೆ ಮಾಡುವವರ ಮುಂದೆ ಹಲವು ಪ್ರಶ್ನೆಗಳು ಎದ್ದಿದೆ. ಹಣಕ್ಕಾಗಿ ಅಂಪೈರ್ ಗಳು ಮ್ಯಾಚ್ ಫಿಕ್ಸಿಂಗ್ ನಲ್ಲಿ ಭಾಗಿಯಾಗಿದ್ದಾರೆ ಎಂದು ಇಂಡಿಯಾ ಟಿವಿ ತೋರಿಸಿದ್ದು ನಿಜವೇ?

ಶ್ರೀಲಂಕಾ, ಪಾಕಿಸ್ತಾನ ಮತ್ತು ಬಾಂಗ್ಲಾದೇಶದ ಅಂಪೈರ್ ಗಳು ಮ್ಯಾಚ್ ಫಿಕ್ಸಿಂಗ್ ಗೆ ಸಿದ್ಧರಾಗಿದ್ದಾರೆ ಎಂಬ ವರದಿಯನ್ನು ಅಗಸ್ಟ್ ಮತ್ತು ಸಪ್ಟೆಂಬರ್ ನಲ್ಲಿ ತಯಾರಿಸಲಾಗಿದೆ. ಆದರೆ, ವಿಶ್ವ ಟಿ20 ಆರಂಭಕ್ಕೂ ಮುನ್ನ ಈ ವರದಿ ಏಕೆ ಬಹಿರಂಗಪಡಿಸಿಲ್ಲ?

ತನಿಖೆಗೆ ಬೇಕಾಗುವ ಎಲ್ಲಾ ವೀಡಿಯೋ ಹಾಗೂ ಮಾಹಿತಿಗಳನ್ನು ಒದಗಿಸುವಂತೆ ಇಂಡಿಯಾ ಟಿವಿಯಲ್ಲಿ ಕೇಳಲಾಗಿದೆ.

ಪಾಕಿಸ್ತಾನದ ನದೀಂ ಘೌರಿ, ಅನೀಸ್ ಸಿದ್ದಿಕಿ, ಬಾಂಗ್ಲಾದೇಶದ ನಾದಿರ್ ಶಾ, ಶ್ರೀಲಂಕಾದ ಗಾಮಿನಿ ದಿಸ್ಸನಾಯಕೆ, ಮೌರೀಸ್ ವಿನ್ ಸ್ಟನ್ ಮತ್ತು ಸಾಗರ ಗಲಾಗೆ ಸಿಕ್ಕಿಬಿದ್ದ ಅಂಪೈರ್ ಎಂದು ಇಂಡಿಯಾ ಟಿವಿ ಹೇಳಿದೆ. ಆದರೆ, ಈ ಬಗ್ಗೆ ಅಲ್ಲಿನ ಕ್ರಿಕೆಟ್ ಬೋರ್ಡ್ ಯಾವುದೇ ಸ್ಪಷ್ಟನೆ ನೀಡಿಲ್ಲ.

ಆರು ಜನ ಅಂಪೈರುಗಳ ಪೈಕಿ ನಾದಿರ್ ಶಾ ಬಿಟ್ಟರೆ ಉಳಿದವರು ಐಸಿಸಿ ಎ ಗ್ರೇಡ್ ಅಂಪೈರ್ ಗಳಾಗಿರಲಿಲ್ಲ.

ಪಾಕಿಸ್ತಾನದ ಆಟಗಾರರಾದ ಸಲ್ಮಾನ್ ಬಟ್, ಮೊಹಮ್ಮದ್ ಆಸಿಫ್ ಮತ್ತು ಮೊಹಮ್ಮದ್ ಅಮಿರ್ ಮ್ಯಾಚ್ ಫಿಕ್ಸಿಂಗ್ ನಲ್ಲಿ ಸಿಲುಕಿದ ನಂತರ ಈ ಸುದ್ದಿ ಕ್ರಿಕೆಟ್ ರಂಗದಲ್ಲಿ ಸಂಚಲನ ಮೂಡಿಸಿದೆ.

ಆದರೆ, ಸಿಕ್ಕಿಬಿದ್ದ ಅಂಪೈರುಗಳು ಐಸಿಸಿ ಎಲೈಟ್ ಪ್ಯಾನೆಲ್ ಅಂಪೈರ್ ಪಟ್ಟಿಯಲ್ಲಿಲ್ಲ ಎಂಬುದು ಸ್ಪಷ್ಟವಾಗಿದೆ. ಹಾಗೂ ಅವರು ನೀಡಲು ಒಪ್ಪಿಕೊಂಡಿದ್ದ ಅಂಶಗಳು ಮ್ಯಾಚ್ ಫಿಕ್ಸ್ ಮಾಡಲು ಸಾಧ್ಯವಿಲ್ಲ. ಹವಾಮಾನ ವರದಿ, ಅಂತಿಮ ಆಡುವ XI ಬಗ್ಗೆ ಮುಂಚಿತವಾಗಿ ಈಗ ಎಲ್ಲರಿಗೂ ತಿಳಿಯುತ್ತದೆ ಎಂದು ಐಸಿಸಿ ಹೇಳಿದೆ.

ಅಲ್ಲದೆ ಈ ಅಮಾನತುಗೊಂಡ ಅಂಪೈರುಗಳು ವಿಶ್ವಟಿ20 ಟೂರ್ನಿಯ ಯಾವುದೇ ಪಂದ್ಯಗಳಲ್ಲೂ ಕಾರ್ಯನಿರ್ವಹಿಸಿಲ್ಲ ಎಂಬುದು ಗಮನಾರ್ಹ ಸಂಗತಿಯಾಗಿದೆ.

Story first published:  Wednesday, October 10, 2012, 13:00 [IST]
English summary
The International Cricket Council (ICC) suspends six umpires, who were allegedly involved in fixing matches that was exposed by a sting operation carried out by an Indian news channel recently.
ಅಭಿಪ್ರಾಯ ಬರೆಯಿರಿ