Englishहिन्दीമലയാളംதமிழ்తెలుగు

ಟೀಂ ಇಂಡಿಯಾಗೆ ಕೊಹ್ಲಿ, ಧೋನಿ, ರೈನಾ ನಾಯಕ?

Posted by:
Published: Tuesday, October 9, 2012, 12:08 [IST]
 

ಬೆಂಗಳೂರು, ಅ.9: ಟಿ20ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಸೆಮಿಫೈನಲ್ ತಲುಪಲು ಆಗದೆ ನಿರಾಶೆಯಿಂದ ಹಿಂತಿರುಗಿದ ಧೋನಿಗೆ ಬಿಸಿಸಿಐ ಶಾಕ್ ನೀಡಲು ಸಿದ್ಧತೆ ನಡೆಸಿದೆ. ಟೆಸ್ಟ್ ಕ್ರಿಕೆಟ್, ಟಿ20 ಹಾಗೂ ಏಕದಿನ ಕ್ರಿಕೆಟ್ ತಂಡಗಳಿಗೆ ಪ್ರತ್ಯೇಕ ನಾಯಕರನ್ನು ಆಯ್ಕೆ ಮಾಡಲು ಬಿಸಿಸಿಐ ಪಂಡಿತರು ಚಿಂತನೆ ನಡೆಸಿದ್ದಾರೆ.

ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಟೀಂ ಇಂಡಿಯಾಕ್ಕೆ ಸರ್ಜರಿ ನಡೆಸುವ ಸಾಧ್ಯತೆ ಇದೆ. ಟಿ-20, ಏಕದಿನ ಹಾಗೂ ಟೆಸ್ಟ್ ಕ್ರಿಕೆಟ್ ಗಳಿಗೆ ನಾಯಕತ್ವ ಬದಲಾವಣೆ ಬಗ್ಗೆ ಒತ್ತಾಯ ಹೆಚ್ಚಾಗಿದೆ.

ಟೀಂ ಇಂಡಿಯಾಗೆ ಕೊಹ್ಲಿ, ಧೋನಿ, ರೈನಾ ನಾಯಕ?

ನಾಯಕ ಮಹೇಂದ್ರ ಸಿಂಗ್ ಧೋನಿ ನಾಯಕತ್ವದಲ್ಲಿ ಭಾರತದ ಪ್ರದರ್ಶನ ಇತ್ತೀಚೆಗೆ ಅಷ್ಟೊಂದು ಉತ್ತಮವಾಗಿಲ್ಲ. ಎಲ್ಲೇ ಹೋದರೂ ಏನೇ ಮಾಡಿದರೂ ಧೋನಿ ಅದೃಷ್ಟ ಕೈ ಕೊಡುತ್ತಿಲ್ಲ. ಲಕ್ಕಿ ನಾಯಕ ಎಂಬ ಬಿರುದಾಂಕಿತರಾಗಿದ್ದ ಅವರು ಕೆಲ ವರ್ಷಗಳಿಂದ ಮುಟ್ಟಿದೆಲ್ಲ ಚಿನ್ನ ಎನ್ನುವಂತಾಗಿತ್ತು.

ಐಸಿಸಿ ವಿಶ್ವಕಪ್, ಚುಟುಕು ವಿಶ್ವಕಪ್ ಭಾರತಕ್ಕೆ ಹಲವು ವರ್ಷಗಳ ನಂತರ ಹಾಗೂ ಮೊದಲ ಬಾರಿಗೆ ತಂದು ಕೊಟ್ಟ ಸಾಧನೆ ಅವರದಾಗಿತ್ತು. ನಾಯಕ ಅಂದರೆ ಹೀಗಿರಬೇಕು ಎನ್ನುವಂತಿದ್ದ ಜನ ಇಂದು ಇಂತಹ ನಾಯಕ ತಂಡಕ್ಕೆ ಎಷ್ಟರ ಮಟ್ಟಿಗೆ ಅಗತ್ಯ? ಎನ್ನುವ ಮಾತುಗಳನ್ನಾಡುತ್ತಿದ್ದಾರೆ.

ಟೆಸ್ಟ್ ಏಕದಿನ ಹಾಗೂ ಟಿ 20 ಪಂದ್ಯಗಳಲ್ಲಿ ಶ್ರೇಯಾಂಕದಲ್ಲಿ ಕುಸಿತ ಕಂಡಿದೆ. ಹೀಗಿರುವಾಗ ಕೂಡಲೇ ನಾಯಕತ್ವ ಬದಲಾವಣೆ ಮಾಡಬೇಕು ಎನ್ನುವ ಕೂಗು ಜೋರಾಗಿಯೆ ಕ್ರಿಕೆಟ್ ವಲಯದಲ್ಲಿ ಕೇಳಿ ಬರುತ್ತಿದೆ.

ಇದೆಲ್ಲವನ್ನು ಸೋಕ್ಷ್ಮವಾಗಿ ಅವಲೋಕಿಸಿರುವ ಬಿಸಿಸಿಐ ಟಿ20, ಏಕದಿನ ಹಾಗೂ ಟೆಸ್ಟ್ ತಂಡಗಳಿಗೆ ಬೇರೆ ಬೇರೆ ನಾಯಕರನ್ನು ನೇಮಿಸುವ ಮನಸ್ಸು ಮಾಡಿದೆ. ಏಕದಿನ ತಂಡಕ್ಕೆ ವಿರಾಟ್ ಕೊಹ್ಲಿ , ಟಿ20ಗೆ ಸುರೇಶ್ ರೈನಾರನ್ನು ನೇಮಿಸುವ ಪ್ರಸ್ತಾವವೊಂದು ಬಿಸಿಸಿಐ ಕೈಯಲ್ಲಿದೆ.

ಆದರೆ ಧೋನಿ ಸ್ಥಾನವೇನು? ಎನ್ನುವ ಪ್ರಶ್ನೆ ಕಾಡುವುದು ಸಹಜ. ಧೋನಿ ಟೆಸ್ಟ್ ತಂಡದ ಸಾರಥಿಯಾಗಿ ಮುಂದುವರಿಯಲಿದ್ದಾರೆ. ಈ ಹಿಂದೆಯೆ ಧೋನಿ ಕೂಡ ಒಂದು ಜವಾಬ್ದಾರಿಯನ್ನು ಮಾತ್ರ ಹೊತ್ತುಕೊಳ್ಳುವ ಇರಾದೆ ವ್ಯಕ್ತಪಡಿಸಿದ್ದರು.

ಕೋಟ್ಯಾಂತರ ಅಭಿಮಾನಿಗಳು ಭಾರತ ಚುಟುಕು ವಿಶ್ವ ಕಪ್‌ನಲ್ಲಿ ಶ್ರೇಷ್ಠ ಪ್ರದರ್ಶನ ನೀಡಲಿದ್ದಾರೆ ಎಂದು ಹೆಚ್ಚಿನ ನಿರೀಕ್ಷೆ ಇಟ್ಟುಕೊಂಡಿದ್ದರು. ಅದೆಲ್ಲ ಮಣ್ಣು ಪಾಲಾಯಿತು. ಇನ್ನುಳಿದ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ಬರಬೇಕಾದರೆ ಯುವ ಆಟಗಾರರಿಗೆ ಜ ವಾಬ್ದಾರಿ ವಹಿಸುವ ಅವಶ್ಯಕತೆ ಇದೆ ಎಂದು ಭಾರತದ ತಂಡದ ಮಾಜಿ ಸ್ಪಿನ್ನರ್ ಮಣಿಂದರ್ ಸಿಂಗ್ ಅಭಿಪ್ರಾಯ ಪಟ್ಟಿದ್ದಾರೆ.

English summary
After Team India's ouster from ICC World T20 in Sri Lanka, the Board of Control for Cricket in India (BCCI)is planning to appoint different captains for the three formats of the game, according to a report on IBN 7.
ಅಭಿಪ್ರಾಯ ಬರೆಯಿರಿ