Englishहिन्दीമലയാളംதமிழ்తెలుగు

ಚಾಂಪಿಯನ್ ಲೀಗ್ ಟಿ20 ಕದನದ ಮುನ್ನೋಟ

Posted by:
Updated: Friday, October 26, 2012, 9:38 [IST]
 

ಚಾಂಪಿಯನ್ ಲೀಗ್ ಟಿ20 ಕದನದ ಮುನ್ನೋಟ
 

ಜೋಹಾನ್ಸ್ ಬರ್ಗ್, ಅ.9: ದಕ್ಷಿಣ ಆಫ್ರಿಕಾದಲ್ಲಿ ನಡೆಯಲಿರುವ ಚಾಂಪಿಯನ್ ಲೀಗ್ ಟ್ವೆಂಟಿ 20 (CLT20) ಟೂರ್ನಿ ವೇಳಾಪಟ್ಟಿ ಈಗಾಗಲೇ ಅಭಿಮಾನಿಗಳ ಕೈಲಿದೆ. ಅಕ್ಟೋಬರ್ 9 ರಿಂದ 28ರ ತನಕ ನಡೆಯಲಿದೆ. ಡೆಲ್ಲಿ ಪರ ಸೆಹ್ವಾಗ್ ಆಡುತ್ತಿರುವುದು ಶುಭ ಸುದ್ದಿಯಾಗಿದೆ.

ಸುಮಾರು 20 ದಿನಗಳ ಕಾಲ ನಡೆಯುವ ಈ ಹಣಾಹಣಿಯಲ್ಲಿ 14 ತಂಡಗಳು ಪಾಲ್ಗೊಳ್ಳುತ್ತಿದೆ. 13 ಕೊಟಿ ರು ಮೊತ್ತ ಬಹುಮಾನಕ್ಕಾಗಿ ಈ ತಂಡಗಳು ಕಾದಾಡಲಿದೆ. ಈಗಾಗಲೇ 8 ತಂಡಗಳು ಪ್ರಧಾನ ಸುತ್ತಿಗೆ ತಲುಪಿವೆ. ಅರ್ಹತಾ ಸುತ್ತಿನಲ್ಲಿರುವ ಆರು ತಂಡಗಳಲ್ಲಿ ಎರಡು ತಂಡಗಳು ಪ್ರಧಾನ ಸುತ್ತು ತಲುಪಿದ ಮೇಲೆ ಪ್ರಶಸ್ತಿಗಾಗಿ ಒಟ್ಟು 10 ತಂಡಗಳು ಹೋರಾಟ ನಡೆಸಲಿವೆ.

ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಸ್ಪರ್ಧಿಸಿದ್ದ ನಾಲ್ಕು ತಂಡಗಳು ಈ ಬಾರಿಯ ಚಾಂಪಿಯನ್ಸ್ ಲೀಗ್‌ನಲ್ಲಿ ಸೆಣಸಲಿವೆ. ಪ್ರಸಕ್ತ ಋತುವಿನ ಐಪಿಎಲ್ ವಿಜೇತ ಕೊಲ್ಕೊತಾ ನೈಟ್‌ರೈಡರ್ಸ್, ಚಾಂಪಿಯನ್ಸ್ ಲೀಗ್ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್, ಡೆಲ್ಲಿ ಡೇರ್ ಡೆವಿಲ್ಸ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ಸ್ಪರ್ಧೆಯಲ್ಲಿವೆ.

ಚಾಂಪಿಯನ್ಸ್ ಲೀಗ್ ಈ ಬಾರಿ ಅರ್ಹತಾ ಸುತ್ತಿನ ಪಂದ್ಯಗಳೊಂದಿಗೆ ಆರಂಭವಾಗಲಿದೆ. ಮೊದಲ ಪಂದ್ಯದಲ್ಲಿ ಶ್ರೀಲಂಕಾದ ಯುವ ನೆಕ್ಸ್ಟ್ ಹಾಗೂ ಇಂಗ್ಲೆಂಡ್‌ನ ಯಾರ್ಕ್‌ಶೈರ್ ತಂಡಗಳು ಸ್ಪರ್ಧಿಸಲಿವೆ. ಇತ್ತಂಡ ಗಳು ಇದೇ ಮೊದಲ ಬಾರಿಗೆ ಚಾಂಪಿಯನ್ಸ್ ಲೀಗ್‌ನಲ್ಲಿ ಸ್ಪರ್ಧಿಸಲಿವೆ.

ತಿಲಿನ ಕಂದಂಬಿ ಹಾಗೂ ಆಂಡ್ರ್ಯು ಗೇಲ್ಸ್ ನೇತೃತ್ವದ ತಂಡಗಳ ನಡುವಿನ ಹೋರಾಟದ ನಂತರ ನ್ಯೂಜಿಲೆಂಡ್‌ನ ಅಕ್ಲಂಡ್ ಏಸಸ್

ಹಾಗೂ ಪಾಕಿಸ್ತಾನದ ಸಿಯಾಲ್ ಕೋಟ್ ಸ್ಟಾಲಿನ್ಸ್ ತಂಡಗಳು ಸೆಣಸಲಿವೆ.

ಸಂಪೂರ್ಣ ವೇಳಾಪಟ್ಟಿ :

ಅರ್ಹತಾ ಸುತ್ತಿನಲ್ಲಿ ಹೋರಾಟ ನಡೆಸುವ ಆರು ತಂಡಗಳನ್ನು ಮೂರು ಗುಂಪುಗಳಾಗಿ ವಿಂಗಡಿಸಲಾಗಿದೆ. ಅಗ್ರ ಸ್ಥಾನ ಪಡೆಯುವ ಎರಡು ತಂಡಗಳು ಪ್ರಧಾನ ಸುತ್ತಿಗೆ ಅರ್ಹತೆ ಪಡೆ ಯಲಿವೆ.

ಡೆಲ್ಲಿ ಡೇರ್ ಡೆವಿಲ್ಸ್ ತಂಡದ ನಾಯಕತ್ವವನ್ನು ಶ್ರೀಲಂಕಾದ ಮಹೇಲ ಜಯವರ್ದನೆಗೆ ನೀಡಲಾಗಿದೆ. ಹಾಗೂ ಗಾಯಾಳುವಾಗಿದ್ದ ವೀರೇಂದರ್ ಸೆಹ್ವಾಗ್ ಅವರು ಆಡುವುದು ಖಚಿತವಾಗಿದೆ.

ಐಪಿಎಲ್ ಚಾಂಪಿಯನ್ ಕೋಲ್ಕೊತಾ ನೈಟ್ ರೈಡರ್ಸ್ ತಂಡದ ನಾಯಕ ಗೌತಮ್ ಗಂಭೀರ್ ಟ್ವೆಂಟಿ೨೦ ವಿಶ್ವಕಪ್‌ನಲ್ಲಿ ಸ್ಫೋಟಕ ಬ್ಯಾಟಂಗ್ ಪ್ರದರ್ಶಿಸಲು ವಿಫಲರಾಗಿದ್ದರೂ ಚಾಂಪಿಯನ್ಸ್ ಲೀಗ್‌ನಲ್ಲಿ ಉತ್ತಮ ಸಾಧನೆ ತೋರುವ ಆತ್ಮವಿಶ್ವಾಸ ಹೊಂದಿದ್ದಾರೆ.

ಗುಂಪು 1: ಇಂಗ್ಲೆಂಡ್ 1 (ಇಸಿಬಿ ದೇಶಿ ಟಿ20 ಚಾಂಪಿಯನ್ ತಂಡ), ಸಿಯೋಲ್ ಕೋಟ್ ಸ್ಟಾಲಿಯನ್ಸ್ (ಪಾಕಿಸ್ತಾನ) ಹಾಗೂ ಅಕ್ಲೆಂಡ್ ಏಸ್ (ನ್ಯೂಜಿಲೆಂಡ್)

ಗುಂಪು 2: ಇಂಗ್ಲೆಂಡ್ 2 (ಇಸಿಬಿ ದೇಶಿ ಟಿ20 ರನ್ನರ್ ಅಪ್ ತಂಡ), ಟ್ರಿನಿಡಾಡ್ ಹಾಗೂ ಟೊಬ್ಯಾಗೊ(ವೆಸ್ಟ್ ಇಂಡೀಸ್) ಹಾಗೂ ಶ್ರೀಲಂಕಾದ ಟಿ20 ಚಾಂಪಿಯನ್ ತಂಡ

ಗ್ರೂಪ್ ಎ: ಕೋಲ್ಕತ್ತಾ ನೈಟ್ ರೈಡರ್ಸ್ (ಭಾರತ), ಟೈಟನ್ಸ್ (ದಕ್ಷಿಣ ಆಫ್ರಿಕಾ), ಪರ್ತ್ ಸ್ಕಾರ್ಚರ್ಸ್ (ಆಸ್ಟ್ರೇಲಿಯಾ), ಡೆಲ್ಲಿ ಡೇರ್ ಡೇವಿಲ್ಸ್(ಭಾರತ) ಹಾಗೂ ಕ್ವಾಲಿಫೈಯರ್ 1

ಗ್ರೂಪ್ ಬಿ: ಚೆನ್ನೈ ಸೂಪರ್ ಕಿಂಗ್ಸ್ (ಭಾರತ), ಹೈವೆಲ್ಡ್ ಲಯನ್ಸ್ (ದಕ್ಷಿಣ ಆಫ್ರಿಕಾ), ಸಿಡ್ನಿ ಸಿಕ್ಸರ್ಸ್ (ಆಸ್ಟ್ರೇಲಿಯಾ), ಮುಂಬೈ ಇಂಡಿಯನ್ಸ್ (ಭಾರತ) ಹಾಗೂ ಕ್ವಾಲಿಫೈಯರ್ 2

Story first published:  Tuesday, October 9, 2012, 13:15 [IST]
English summary
Champions League Twenty20 2012 (CLT20) will be held in South Africa in the month of October. The organisers announced the schedule for the tournament. The event will be held from October 9 to 28.
ಅಭಿಪ್ರಾಯ ಬರೆಯಿರಿ