Englishहिन्दीമലയാളംதமிழ்తెలుగు

ಕ್ರಿಕೆಟ್ ಕಂಡ ಹ್ಯಾಂಡ್ ಸಮ್ ಅಂಪೈರ್ ನಿವೃತ್ತಿ

Posted by:
Updated: Monday, October 8, 2012, 15:03 [IST]
 

ಕ್ರಿಕೆಟ್ ಕಂಡ ಹ್ಯಾಂಡ್ ಸಮ್ ಅಂಪೈರ್ ನಿವೃತ್ತಿ
 

ಕೊಲಂಬೊ, ಅ.7: ವಿಶ್ವ ಟಿ20 ಟೂರ್ನಿಯ ಅಂತಿಮ ಹಣಾಹಣಿಯಲ್ಲಿ ಶ್ರೀಲಂಕಾ-ವೆಸ್ಟ್‌ ಇಂಡೀಸ್‌ ಭಾನುವಾರ(ಅ.7) ಕಾದಾಡಲಿದೆ. ಈ ಟಿ-20 ವಿಶ್ವಕಪ್‌ ಫೈನಲ್‌ನ ಪಂದ್ಯ ಕ್ರಿಕೆಟ್ ಜಗತ್ತು ಕಂಡ ಶ್ರೇಷ್ಠ ಅಂಪೈರ್ ಗಳಲ್ಲಿ ಒಬ್ಬರೆನಿಸಿರುವ ಸೈಮನ್‌ ಟಫೆಲ್‌ ಅವರ ಕೊನೆ ಪಂದ್ಯವೂ ಆಗಿದೆ.

ಫೈನಲ್ ಪಂದ್ಯದಲ್ಲಿ ಸೈಮನ್ ಟಫೆಲ್ ಹಾಗೂ ಅಲೀಮ್‌ ದಾರ್‌ ಮೈದಾನದ ಅಂಪೈರ್ ಗಳಾಗಿದ್ದಾರೆ. ನ್ಯೂಜಿಲೆಂಡಿನ ಜೆಫ್ ಕ್ರೋವ್‌ ಮ್ಯಾಚ್‌ ರೆಫ್ರಿ ಆಗಿದ್ದಾರೆ.ಈ ಪಂದ್ಯದ ನಂತರ ಸೈಮನ್‌ ಟಫೆಲ್‌ ನಿವೃತ್ತಿ ಹೊಂದುತ್ತಿದ್ದಾರೆ. ಇನ್ನು ಮುಂದೆ ಅಂಪೈರ್ ಪ್ರದರ್ಶನ ಹಾಗೂ ತರಬೇತಿ ಮುಖ್ಯಸ್ಥರಾಗಿ ಕರ್ತವ್ಯ ನಿರ್ವಹಿಸುವುದಾಗಿ ಟಫೆಲ್ ಹೇಳಿದ್ದಾರೆ.

41 ವರ್ಷದ ಸ್ಫುರದ್ರೂಪಿ ಅಂಪೈರ್ ಕ್ರಿಕೆಟ್ ಜಗತ್ತಿನ ಅತ್ಯುತ್ತಮ ಸಾಧಕ ಎನ್ನಬಹುದು. 2004 ರಿಂದ 2008ರವರೆಗೂ ಐಸಿಸಿ ವರ್ಷದ ಅಂಪೈರ್ ಪ್ರಶಸ್ತಿಯನ್ನು ಐದು ಬಾರಿ ಗೆದ್ದ ಸಾಧನೆ ಮಾಡಿರುವ ಟಫೆಲ್ ವಿಶೇಷವಾಗಿ ವಿಶ್ವಕಪ್ ಫೈನಲ್ ಗಳ ತಜ್ಞರಾಗಿದ್ದಾರೆ.

ಮುಂಬೈನಲ್ಲಿ ನಡೆದ ಭಾರತ ಹಾಗೂ ಶ್ರೀಲಂಕಾ ನಡುವಿನ 2011ರ ಐಸಿಸಿ ವಿಶ್ವಕಪ್ ನ ಅಂತಿಮ ಪಂದ್ಯದಲ್ಲಿ ಟಫೆಲ್ ಅಂಪೈರ್ ಆಗಿದ್ದರು. ಇದಲ್ಲದೆ ಐಸಿಸಿ ವಿಶ್ವ ಟಿ20 2007 ಹಾಗೂ 2009 ಫೈನಲ್ ಗಳಲ್ಲೂ ಅಂಪೈರ್ ಆಗಿದ್ದರು. ಜೊತೆಗೆ ಇಂಗ್ಲೆಂಡ್ ನಲ್ಲಿ ನಡೆದ ಐಸಿಸಿ ಚಾಂಪಿಯನ್ಸ್ ಟ್ರೋಫಿ 2004 ರಲ್ಲಿ ರೋಡಿ ಕರ್ಟ್ಜನ್ ಜೊತೆ ಅಂಪೈರ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದರು.

ಒಟ್ಟಾರೆ 174 ಏಕದಿನ ಪಂದ್ಯಗಳು, 74 ಟೆಸ್ಟ್ ಪಂದ್ಯಗಳು ಹಾಗೂ 34 ಟಿ20 ಪಂದ್ಯಗಳಲ್ಲಿ ಟಫೆಲ್ ಅವರು ಅಂಪೈರ್ ಆಗಿ ಕಾರ್ಯ ನಿರ್ವಹಿಸಿದ್ದಾರೆ.

* ಮೊದಲ ಟೆಸ್ಟ್: ಆಸ್ಟ್ರೇಲಿಯಾ vs ವೆಸ್ಟ್ ಇಂಡೀಸ್, ಮೆಲ್ಬೋರ್ನ್ ಡಿ.26-29, 2000
* ಕೊನೆ ಟೆಸ್ಟ್ ಪಂದ್ಯ : ಇಂಗ್ಲೆಂಡ್ vs ದಕ್ಷಿಣ ಆಫ್ರಿಕಾ, ಲಾರ್ಡ್ಸ್, ಆ.16-20, 2012

* ಏಕದಿನ ಪಂದ್ಯ: ಆಸ್ಟ್ರೇಲಿಯಾ vs ಶ್ರೀಲಂಕಾ, ಸಿಡ್ನಿ, ಜ.13, 1999
* ಕೊನೆ ಏಕದಿನ ಪಂದ್ಯ: ಇಂಗ್ಲೆಂಡ್ vs ದಕ್ಷಿಣ ಆಫ್ರಿಕಾ, ಲಾರ್ಡ್ಸ್, ಸೆ.2, 2012

* ಟಿ20 ಪಂದ್ಯ: ಕೀನ್ಯಾ vs ನ್ಯೂಜಿಲೆಂಡ್, ಡರ್ಬನ್, ಸೆ.12, 2007
* ಕೊನೆ ಪಂದ್ಯ ಶ್ರೀಲಂಕಾ vs ವೆಸ್ಟ್ ಇಂಡೀಸ್, ವಿಶ್ವ ಟಿ20, ಕೊಲಂಬೋ, ಸ್ಕೋರ್ ಕಾರ್ಡ್ ಮುಂತಾದ ವಿವರಗಳಿಗೆ ತಪ್ಪದೇ ದಟ್ಸ್ ಕ್ರಿಕೆಟ್ ಓದುತ್ತಿರಿ...

ಭಾರತ -ಪಾಕ್ ಪಂದ್ಯ ಸೂಪರ್: 2011ರ ವಿಶ್ವಕಪ್ ನಲ್ಲಿ ಭಾರತ ಹಾಗೂ ಪಾಕಿಸ್ತಾನ ಪಂದ್ಯದಲ್ಲಿ ಅಂಪೈರ್ ಮಾಡಿದ್ದು ನನಗೆ ವಿಶೇಷ ಥ್ರಿಲ್ ನೀಡಿತು. 13ಕ್ಕೂ ಅಧಿಕ ವರ್ಷದ ವೃತ್ತಿ ಜೀವನದಲ್ಲಿ ಮೊಹಾಲಿ ಪಂದ್ಯ ಅಚ್ಚಳಿಯದೆ ನೆನಪಿನಲ್ಲಿ ಉಳಿದಿದೆ ಎಂದು ಟಫೆಲ್ ಹೇಳಿದ್ದಾರೆ.

2006ರಲ್ಲಿ ಭಾರತ ಹಾಗೂ ಇಂಗ್ಲೆಂಡ್ ನಡುವೆ ಮುಂಬೈನಲ್ಲಿ ನಡೆದ ಟೆಸ್ಟ್ ಪಂದ್ಯ ತುಂಬಾ ಕಠಿಣವಾಗಿತ್ತು. ನನಗೆ ಹುಷಾರಿರಲಿಲ್ಲ. ಆದರೂ ಆ ಐದು ದಿನಗಳು ಕಷ್ಟಪಟ್ಟು ಏಕಾಗ್ರತೆಯಿಂದ ಅಂಪೈರಿಂಗ್ ಮಾಡಿದ್ದೆ ಎಂದು ಟಫೆಲ್ ತಿಳಿಸಿದ್ದಾರೆ.

Story first published:  Sunday, October 7, 2012, 16:04 [IST]
English summary
Simon Taufel, one of the best umpires the game has seen, will say goodbye to his profession when he stands in his last game in the ICC World Twenty20 2012 final between Sri Lanka and West Indies here on Sunday(Oct.7).
ಅಭಿಪ್ರಾಯ ಬರೆಯಿರಿ