Englishहिन्दीമലയാളംதமிழ்తెలుగు

ಆಸೀಸ್ ಕೊಚ್ಚಿ ಕೆಡವಿ ಫೈನಲ್ ತಲುಪಿದ ವಿಂಡೀಸ್

Posted by:
Updated: Monday, October 8, 2012, 15:24 [IST]
 

ಕೊಲಂಬೋ, ಅ.5: ವಿಶ್ವ ಟಿ20 ಟೂರ್ನಿಯ ಎರಡನೇ ಸೆಮಿಫೈನಲ್ ಪಂದ್ಯ ಪ್ರೇಕ್ಷಕರಿಗೆ ಭರ್ಜರಿ ಮನರಂಜನೆ ನೀಡಿದೆ. ವಿಂಡೀಸ್ ಒಡ್ಡಿದ್ದ 206 ಗುರಿ ಬೆನ್ನು ಹತ್ತಿದ ಆಸ್ಟ್ರೇಲಿಯಾ ತಂಡ 131 ರನ್ ಗಳಿಗೆ ಕುಸಿದು ಸೋಲೊಪ್ಪಿಕೊಂಡಿದೆ.

ಭಾನುವಾರ ನಡೆಯಲಿರುವ ಅಂತಿಮ ಹಣಾಹಣಿಯಲ್ಲಿ ಶ್ರೀಲಂಕಾ ತಂಡವನ್ನು ವಿಂಡೀಸ್ ಎದುರಿಸಲಿದೆ.ಕ್ರಿಸ್ ಗೇಲ್ ವೈಯಕ್ತಿಕ ಸ್ಕೋರಿಗೆ (75 ರನ್)  ಆಸೀಸ್ ತಂಡ ಆಟಗಾರರ ಬಳಿ ಉತ್ತರವಿರಲಿಲ್ಲ. ವಿಂಡೀಸ್ 74 ರನ್ ಗಳ ಭರ್ಜರಿ ಜಯ ದಾಖಲಿಸಿತು.

ಆಸೀಸ್ ಕೊಚ್ಚಿ ಕೆಡವಿ ಫೈನಲ್ ತಲುಪಿದ ವಿಂಡೀಸ್

ಸ್ಕೋರ್ ಕಾರ್ಡ್

ಆಸೀಸ್ ನಾಯಕ ಜಾರ್ಜ್ ಬೈಲಿ ಏಕಾಂಗಿ ಹೋರಾಟ  ಕೊನೆಗೂ ವ್ಯರ್ಥವಾಯಿತು. ಬೈಲಿ ಕೇವಲ 29 ಎಸೆತದಲ್ಲಿ 69 ಚೆಚ್ಚಿದರು. ಉಳಿದಂತೆ ಯಾವೊಬ್ಬ ಬ್ಯಾಟ್ಸ್ ಮನ್ ಕೂಡಾ ಕ್ರೀಸ್ ನಲ್ಲಿ ಹೆಚ್ಚು ನಿಲ್ಲುವ ತಾಳ್ಮೆ ತೋರಲಿಲ್ಲ.

ಮೈಕಲ್ ಹಸ್ಸಿ 18 ರನ್ ಗಳಿಸಿ ಪೆವಿಲಿಯನ್ ಗೆ ಮರಳಿದ ಮೇಲೆ ಕೆಮರೂನ್ ವೈಟ್, ಡೇವಿಡ್ ಹಸ್ಸಿ,ವೇಡ್ ಕೂಡಾ ಕ್ರೀಸ್ ಗೆ ಬಂದಷ್ಟೇ ವೇಗದಲ್ಲಿ ಪೆವಿಲಿಯನ್ ಗೆ ತೆರಳಿದರು.

ಕುಮಿನ್ಸ್ 13 ರನ್ ಗಳಿಸಿದ್ದು ಬಿಟ್ಟರೆ, ನಾಯಕ ಬೈಲಿ ಹೋರಾಟಕ್ಕೆ ಸರಿಯಾದ ಸಾಥ್ ಸಿಗದೆ ಅಸ್ಟ್ರೇಲಿಯಾದ ಗೆಲುವಿನ ಆಸೆ ಕಮರಿ ಹೋಯಿತು.

ವಿಂಡೀಸ್ ಪರ ಸ್ಪಿನ್ನರ್ ಬದ್ರಿ, ನರೇನ್ ಹಾಗೂ ಪೊಲ್ಲಾರ್ಡ್ ತಲಾ 2 ವಿಕೆಟ್ ಗಳಿಸಿದರು.ರವಿ ರಾಮ್ ಪಾಲ್ ಅದ್ಭುತ ಬೌಲಿಂಗ್ ಪ್ರದರ್ಶಿಸಿ 16 ರನ್ನಿತ್ತು 3 ವಿಕೆಟ್ ಉರುಳಿಸಿದರು.

ಆಸೀಸ್ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿ ಕ್ರೀಸ್ ಗೇಲ್ ನೇತೃತ್ವದಲ್ಲಿ ವೈವಿಧ್ಯಮಯವಾಗಿ ಕುಣಿದಾಡಿ ಪ್ರೇಕ್ಷಕರನ್ನು ರಂಜಿಸಿದರು. ಕ್ರಿಸ್ ಗೇಲ್ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಗಳಿಸಿದರು.

ಇದಕ್ಕೂ ಮುನ್ನ ಬ್ಯಾಟಿಂಗ್ ಮಾಡಿದ ವಿಂಡೀಸ್ ತಂಡ ಉತ್ತಮ ಆರಂಭ ಪಡೆಯಿತು. ಚಾಲ್ಸ್ 13 ರನ್ ಗಳಿಸಿ ಔಟಾದ ಮೇಲೆ ಕ್ರಿಸ್ ಗೇಲ್ ಹಾಗೂ ಮರ್ಲಾನ್ ಸ್ಯಾಮುಯಲ್ಸ್ ಉತ್ತಮ ಜೊತೆಯಾಟ ಪ್ರದರ್ಶಿಸಿದರು.

ಕ್ರಿಸ್ ಗೇಲ್ 75 ರನ್ (41 ಎಸೆತ, 5 ಬೌಂಡರಿ, 6 ಸಿಕ್ಸರ್) ಸಿಡಿತಕ್ಕೆ ಸಿಲುಕಿದ ಅಸೀಸ್ ತಂಡ ತತ್ತರಿಸಿತು. ಸ್ಯಾಮುಯಲ್ಸ್ 26 ರನ್, ಬ್ರಾವೋ 37 ರನ್, ಪೊಲ್ಲಾರ್ಡ್ 15 ಎಸೆತದಲ್ಲಿ 38 ರನ್ ಗಳಿಸಿ ಉತ್ತಮ ಆಟ ಪ್ರದರ್ಶಿಸಿದರು. ವಿಂಡೀಸ್ ತಂಡ ತನ್ನ ಇನ್ನಿಂಗ್ಸ್ ನಲ್ಲಿ ಒಟ್ಟು 14 ಸಿಕ್ಸ್ ಸಿಡಿಸಿದ್ದು ಆಸೀಸ್ ತಂಡಕ್ಕೆ ಆಘಾತ ತಂದಿತು.

ಆಸೀಸ್ ಪರ ಕುಮಿನ್ಸ್ 2 ವಿಕೆಟ್ ಪಡೆದರೆ, ಸ್ಟಾರ್ಕ್ ಹಾಗೂ ಡೊಹೆರ್ಟಿ ತಲಾ 1 ವಿಕೆಟ್ ಗಳಿಸಿದರು. 20 ಓವರ್ ಗಳಲ್ಲಿ 4 ವಿಕೆಟ್ ಕಳೆದುಕೊಂಡು ವಿಂಡೀಸ್ 205 ರನ್ ಪೇರಿಸಿತು.

Story first published:  Friday, October 5, 2012, 23:05 [IST]
English summary
In the end, it turned out to be a lopsided semi-final here on Friday night. West Indies destroyed Australia by 74 runs to reach their first ever final in ICC World Twenty20 2012 at the R Premadasa Stadium.
ಅಭಿಪ್ರಾಯ ಬರೆಯಿರಿ