Englishहिन्दीമലയാളംதமிழ்తెలుగు

ಕಡೆಗೂ ನಿವೃತ್ತಿ ಸುಳಿವು ನೀಡಿದ ಸಚಿನ್

Posted by:
Updated: Friday, October 5, 2012, 16:35 [IST]
 

ಕಡೆಗೂ ನಿವೃತ್ತಿ ಸುಳಿವು ನೀಡಿದ ಸಚಿನ್
 

ಬೆಂಗಳೂರು, ಅ.5: ಪ್ರಪ್ರಥಮ ಬಾರಿಗೆ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ತಮ್ಮ ನಿವೃತ್ತಿ ಬಗ್ಗೆ ಬಹಿರಂಗವಾಗಿ ಸುಳಿವು ನೀಡಿದ್ದಾರೆ. ನವೆಂಬರ್ ಅಂತ್ಯಕ್ಕೆ ನಿವೃತ್ತಿ ಬಗ್ಗೆ ಯೋಚಿಸುತ್ತೇನೆ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.

ಟೈಮ್ಸ್ ನೌ ಇಂಗ್ಲೀಷ್ ಸುದ್ದಿವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಸಚಿನ್ ತಮ್ಮ ನಿವೃತ್ತಿ ಬಗ್ಗೆ ಮಾತನಾಡಿದ್ದಾರೆ.

ನಿವೃತ್ತಿ ಬಗ್ಗೆ ಸಂದರ್ಶಕ ಅರ್ನಬ್ ಗೋಸ್ವಾಮಿ ಅವರು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಸಚಿನ್, 'ನನಗೆ 39 ಪ್ಲಸ್ ಆಗಿದ್ದು ಸದ್ಯಕ್ಕೆ ನನ್ನ ಹೃದಯದ ಮಾತು ಕೇಳುತ್ತಿದ್ದೇನೆ. ಸರಣಿ ನಂತರ ಸರಣಿ ಆಡುವ ಮೂಲಕ ಮನಸ್ಸು ಸ್ಥಿರಗೊಳಿಸಿಕೊಳ್ಳುತ್ತಿದ್ದೇನೆ. ಆದರೆ, ನವೆಂಬರ್ ನಂತರ ಖಂಡಿತವಾಗಿಯೂ ಈ ಬಗ್ಗೆ ಯೋಚಿಸುತ್ತೇನೆ'. ಎಂದಿದ್ದಾರೆ.

ಸಚಿನ್ ಮಾತುಗಳನ್ನೇ ಉಲ್ಲೇಖಿಸಿದರೆ "Of course, I have been. I am 39 plus and it is not abnormal for me to think of it. At that moment, I will go by what my heart says. At this moment, my heart says I am okay. But you will have to look at series by series."
"When I play in November, I will re-assess things,"

* ತ್ರಿಶತಕ ಸಾಧಕರ ಸಂಪೂರ್ಣ ಪಟ್ಟಿ ನೋಡಿ
* ಸಚಿನ್ ತೆಂಡೂಲ್ಕರ್ 100 ಶತಕಗಳ ಪಟ್ಟಿ

ನ್ಯೂಜಿಲೆಂಡ್ ವಿರುದ್ಧ ಭರ್ಜರಿ ಪ್ರದರ್ಶನ ನೀಡಿದ ಟೀಂ ಇಂಡಿಯಾ ನವೆಂಬರ್ ನಲ್ಲಿ ಇಂಗ್ಲೆಂಡ್ ವಿರುದ್ಧ ಸೆಣಸಲಿದೆ. ನನ್ನ ವಯಸ್ಸಿಗೆ ಅನುಗುಣವಾಗಿ ಆಟಕ್ಕೆ ಹೊಂದಿಕೊಳ್ಳಬೇಕಾಗುತ್ತದೆ. ನನ್ನಿಂದ ಉತ್ತಮ ಆಟ ಹೊರ ಬರುತ್ತಿಲ್ಲ ಎಂದು ಎನಿಸಿದರೆ ಹೆಜ್ಜೆ ಹಿಂದೆ ಇಡುವುದು ಉತ್ತಮ. ಶಾಶ್ವತವಾಗಿ ನಾನು ಆಡಲು ಸಾಧ್ಯವಿಲ್ಲ. ನನ್ನ ಹೃದಯ ಆ ಸಮಯಕ್ಕೆ ಏನು ಹೇಳುತ್ತದೆ ಅದರಂತೆ ನಾನು ನಡೆಯುತ್ತೇನೆ ಎಂದು ಸಚಿನ್ ಹೇಳಿದ್ದಾರೆ.

ಟೆಸ್ಟ್ ಹಾಗೂ ಏಕದಿನ ಕ್ರಿಕೆಟ್ ನಲ್ಲಿ ಅದ್ಭುತ ಆಟ ಪ್ರದರ್ಶಿಸಿ ಅನೇಕಾನೇಕ ದಾಖಲೆಗಳನ್ನು ಮೆಟ್ಟಿ ನಿಂತಿರುವ ವಾಮನ ಮೂರ್ತಿ ಸಚಿನ್ ತೆಂಡೂಲ್ಕರ್ ಅವರು ಒಟ್ಟು 188 ಟೆಸ್ಟ್ ಪಂದ್ಯಗಳನ್ನು ಆಡಿ 15,470 ರನ್ ಗಳಿಸಿದ್ದಾರೆ. 6 ಡಬ್ಬಲ್ ಸೆಂಚುರಿ ಬಾರಿಸಿದ್ದಾರೆ.

ಒಟ್ಟಾರೆ ಟೆಸ್ಟ್ ನಲ್ಲಿ 51ಶತಕಗಳು ಬಂದಿದೆ. ನಿವೃತ್ತಿ ಅಂಚಿನಲ್ಲಿರುವ ಸಚಿನ್ ಅವರು ಟೆಸ್ಟ್ ಕ್ರಿಕೆಟ್ ನಲ್ಲಿ ದಿನಗಟ್ಟಲೆ ಕ್ರೀಸ್ ನಲ್ಲಿ ನಿಂತು 300 ರನ್ ಗಳಿಸಲಿ ಎಂಬುದು ಅವರ ಅಭಿಮಾನಿಗಳ ಹಾರೈಕೆಯಾಗಿದೆ. [ಇದನ್ನೂ ಓದಿ: ಸಚಿನ್ ಈಗ ಗುಡ್ ಬೈ ಹೇಳಬಾರ್ದು ಏಕೆ?]

Story first published:  Friday, October 5, 2012, 13:56 [IST]
English summary
Sachin Tendulkar, for the first time has hinted at retirement, as the Master Blaster said he would take a call in the month of November.
ಅಭಿಪ್ರಾಯ ಬರೆಯಿರಿ