Englishहिन्दीമലയാളംதமிழ்తెలుగు

ಕ್ರಿಸ್ ಗೇಲ್ ರೂಮಿನಲ್ಲಿ ಲಲನೆಯರಿಗೇನು ಕೆಲ್ಸ

Posted by:
Updated: Thursday, October 4, 2012, 14:42 [IST]
 

ಕ್ರಿಸ್ ಗೇಲ್ ರೂಮಿನಲ್ಲಿ ಲಲನೆಯರಿಗೇನು ಕೆಲ್ಸ
 

ಕೊಲಂಬೋ, ಅ.4: ಐಸಿಸಿ ವಿಶ್ವ ಟ್ವೆಂಟಿ20 ಚಾಂಪಿಯನ್‌ಷಿಪ್‌ನಲ್ಲಿ ಭಾಗವಹಿಸಿರುವ ವೆಸ್ಟ್ ಇಂಡೀಸ್ ತಂಡದ ಆಟಗಾರರು ಇರುವ ಹೋಟೆಲ್ ಕೊಠಡಿಯಲ್ಲಿದ್ದ ಬ್ರಿಟನ್ನಿನ ಮೂವರು ಮಹಿಳೆಯರನ್ನು ಶ್ರೀಲಂಕಾ ಪೊಲೀಸರು ಬಂಧಿಸಿದ್ದಾರೆ.

ಕೊಲಂಬೊದಲ್ಲಿರುವ ಡೀಲಕ್ಸ್ ಸಿನಮೊನ್ ಗ್ರಾಂಡ್ ಹೊಟೆಲ್‌ನಲ್ಲಿದ್ದ ಮೂವರು ಮಹಿಳೆಯರನ್ನು ವಿಶ್ವ ಟ್ವೆಂಟಿ20 ಟೂರ್ನಿಯಲ್ಲಿ ಪಾಲ್ಗೊಂಡಿರುವ ಆಟಗಾರರಿಗೆ ರಕ್ಷಣೆ ನೀಡುತ್ತಿರುವ ಪೊಲೀಸ್ ಭದ್ರತಾ ಸಿಬ್ಬಂದಿ ಬಂಧಿಸಿ ಹೆಚ್ಚಿನ ತನಿಖೆಗಾಗಿ ಸಮೀಪದ ಪೊಲೀಸ್ ಠಾಣೆಗೆ ಒಪ್ಪಿಸಿದ್ದಾರೆ.

ವೆಸ್ಟ್ ಇಂಡೀಸ್ ತಂಡದ ಪ್ರಮುಖ ಆಟಗಾರ ಕ್ರಿಸ್ ಗೇಲ್ ಮತ್ತು ತಂಡದ ಒಡನಾಡಿಗಳಾದ ಆಂಡ್ರಿ ರಸೆಲ್, ಡಿ ಬ್ರಾವೋ ಮತ್ತು ಫಿಡೆಲ್ಎಡ್ವರ್ಡ್ಸ್ ಅವರ ಅತಿಥಿಯಾಗಿ ಬ್ರಿಟಿಷ್ ಮೂಲದ ಮಹಿಳೆಯರು ಬಂದಿದ್ದರು. ಇದರಲ್ಲಿ ಯಾವುದೇ ಭದ್ರತಾ ಲೋಪವಾಗಿಲ್ಲ. ಆಟಗಾರರು ಹಾಗೂ ತಂಡದ ಅಧಿಕಾರಿಗಳು ತಂಗಿರುವ ಏಳನೇ ಅಂತಸ್ತಿನ ಕೊಠಡಿಗಳಿಗೆ ಬಿಗಿ ಭದ್ರತೆ ಒದಗಿಸಲಾಗಿದೆ ಎಂದು ಹೋಟೆಲ್ ಸಿಬ್ಬಂದಿ ಹೇಳಿದ್ದಾರೆ.

ಆಟಗಾರರನ್ನು ರಕ್ಷಿಸುವ ಹೊಣೆ ಹೊತ್ತಿರುವ ಸಚಿವಾಲಯ ಭದ್ರತಾ ವಿಭಾಗದ ಸಿಬ್ಬಂದಿ ಈ ಕಾರ್ಯಾಚರಣೆ ನಡೆಸಿದ್ದಾರೆ. ನಂತರ ಕೊಲ್ಲುಪಿಟಿಯಾ ಪೊಲೀಸರಿಗೆ ಹೆಚ್ಚಿನ ತನಿಖೆ ನಡೆಸುವಂತೆ ಒಪ್ಪಿಸಿದ್ದಾರೆ. ಆದರೆ, ಮೂವರು ಮಹಿಳೆಯರ ಮೇಲೆ ಯಾವುದೇ ಚಾರ್ಚ್ ಶೀಟ್ ಹಾಕಲಾಗಿಲ್ಲ ಹಾಗೂ ವಿಚಾರಣೆ ನಂತರ ಜಾಮೀನಿನ ಮೇಲೆ ಬಿಡುಗಡೆ ಮಾಡಲಾಗಿದೆ.

'ಮಹಿಳೆಯರು ಅಥವಾ ಆಟಗಾರರು ಯಾವುದೇ ತಪ್ಪು ಎಸಗಿಲ್ಲ. ಪೊಲೀಸರು ಕೈಗೊಂಡ ಕ್ರಮದಿಂದ ತಮಗೆ ಅಚ್ಚರಿಯಾಗಿದೆ. ಆಟಗಾರರ ಅತಿಥಿ ಆಗುವುದು ಇಲ್ಲಿನ ಕಾನೂನಿಗೆ ವಿರುದ್ಧವಾಗಿಲ್ಲ ಹಾಗೂ ಐಸಿಸಿ ನಿಯಮಗಳನ್ನು ಮೀರಿಲ್ಲ ಎಂದು ಹೋಟೆಲ್ ಸಿಬ್ಬಂದಿ ಹೇಳಿದ್ದಾರೆ.

ಪ್ರತಿಕ್ರಿಯೆ ಇಲ್ಲ: ಗ್ಯಾಂಗ್ ಮನ್ ಪಾರ್ಟಿ ಪ್ರಕರಣ ಕುರಿತಂತೆ ಐಸಿಸಿ ಅಥವಾ ವೆಸ್ಟ್ ಇಂಡೀಸ್ ತಂಡ ತಕ್ಷಣಕ್ಕೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಶುಕ್ರವಾರ ವೆಸ್ಟ್ ಇಂಡೀಸ್ ಮತ್ತು ಆಸ್ಟ್ರೇಲಿಯಾ ನಡುವೆ ಎರಡನೇ ಸೆಮಿ ಫೈನಲ್ ಪಂದ್ಯ ನಡೆಯಲಿದೆ.

ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ, ವಿಶ್ವ ಟ್ವೆಂಟಿ20 ಟೂರ್ನಿ ವ್ಯವಸ್ಥಾಪಕರಿಂದ ಸಿಗುವ ಸೂಚನೆಗಾಗಿ ಪೊಲೀಸರು ಕಾಯುತ್ತಿದ್ದಾರೆ. ನಂತರ ಮುಂದಿನ ತನಿಖೆ ಬಗ್ಗೆ ತಿಳಿಯಲಿದೆ.

ವೆಸ್ಟ್ ಇಂಡೀಸಿನಲ್ಲಿ 2007 ರಲ್ಲಿ ನಡೆದ ವಿಶ್ವಕಪ್ ವೇಳೆ ಪಾಕಿಸ್ತಾನ ತಂಡದ ತರಬೇತದಾರರಾಗಿದ್ದ ಬಾಬ್ ವೂಲ್ಮರ್ ಅವರು ತಮ್ಮ ಕೊಠಡಿಯಲ್ಲಿ ನಿಗೂಢವಾಗಿ ಸಾವನ್ನಪ್ಪಿದ್ದರು.
ನಂತರ ಅಂತಾರಾಷ್ಟ್ರೀಯ ಕ್ರಿಕೆಟ್ ಟೂರ್ನಿ ನಡೆಯುವ ಸಮಯದಲ್ಲಿ ಭದ್ರತೆ ಪ್ರಮುಖ ವಿಷಯವಾಗಿದೆ. ಮೊದಲು ವೂಲ್ಮರ್ ಅವರನ್ನು ಹತ್ಯೆ ಮಾಡಲಾಗಿದೆ ಎಂಬ ಶಂಕೆ ವ್ಯಕ್ತವಾಗಿತ್ತು. ನಂತರ ತನಿಖೆಯಿಂದ ಅವರು ಸಹಜವಾಗಿ ಸಾವನಪ್ಪಿದ್ದಾರೆ ಎಂದು ತಿಳಿದು ಬಂದಿತ್ತು.

Story first published:  Thursday, October 4, 2012, 13:18 [IST]
English summary
Sri Lankan police stops West Indies cricketer Chris gayle's gangman style party and arrested 3 woman from Gayle's hotel room last night(Oct.3)
ಅಭಿಪ್ರಾಯ ಬರೆಯಿರಿ