Englishहिन्दीമലയാളംதமிழ்తెలుగు

ವಿಶ್ವ ಟಿ20 ಟೂರ್ನಿಯಿಂದ ಟೀಂ ಇಂಡಿಯಾ ಔಟ್

Posted by:
Updated: Tuesday, October 2, 2012, 23:11 [IST]
 

ವಿಶ್ವ ಟಿ20 ಟೂರ್ನಿಯಿಂದ ಟೀಂ ಇಂಡಿಯಾ ಔಟ್
 

ಕೊಲಂಬೋ, ಅ.2: ಐಸಿಸಿ ವಿಶ್ವ ಟಿ20 ಟೂರ್ನಿಯ ಸೂಪರ್ 8 ಹಂತದಿಂದ ಮೇಲಕ್ಕೇರಲಾರದೆ ಟೀಂ ಇಂಡಿಯಾ ಕುಸಿದಿದೆ. ದಕ್ಷಿಣ ಆಫ್ರಿಕಾ ವಿರುದ್ಧ ಪಂದ್ಯವನ್ನು 1 ರನ್ನಿಂದ ಗೆದ್ದರೂ ಭಾರತ ಕಳಪೆ ರನ್ ಸರಾಸರಿ(-0.30) ಹೊಂದಿರುವ ಕಾರಣ ಸೆಮಿಸ್ ಗೆ ಅರ್ಹತೆ ಪಡೆಯಲು ಆಗಲಿಲ್ಲ. 121ರನ್ ನೊಳಗೆ ಆಫ್ರಿಕನ್ನರನ್ನು ಕಟ್ಟಿ ಹಾಕಬೇಕುವಲ್ಲಿ ಭಾರತ ವಿಫಲವಾಯಿತು.

ದಕ್ಷಿಣ ಆಫ್ರಿಕಾ 20 ಓವರ್ ಗಳಲ್ಲಿ 151 ರನ್ ಗಳಿಗೆ ಆಲೌಟ್ ಆಗಿದೆ. ಕೊನೆ ಓವರ್ ನಲ್ಲಿ ಪಂದ್ಯ ಗೆಲ್ಲಲು 14 ರನ್ ಮಾಡಬೇಕಿದ್ದ ಆಫ್ರಿಕನ್ನರು 13 ರನ್ ಮಾತ್ರ ಗಳಿಸಿ ಸೊಲೊಪ್ಪಿಕೊಂಡರು.

ಭಾರತ ಒಡ್ಡಿದ್ದ 153ರನ್ ಚೇಸ್ ನಲ್ಲಿ ದಕ್ಷಿಣ ಆಫ್ರಿಕಾ ಆರಂಭ ಕಳಪೆಯಾಗಿತ್ತು. ಅಫ್ರಿಕಾದ ನಂಬುಗೆಯ ಬ್ಯಾಟ್ಸ್ ಮನ್ ಹಶೀಂ ಆಮ್ಲಾ ಶೂನ್ಯ ಸುತ್ತಿ ಪೆವಿಲಿಯನ್ ಗೆ ಮರಳಿದರು. ಆಲ್ ರೌಂಡರ್ ಜಾಕ್ ಕಾಲಿಸ್ 6 ರನ್ ಗಳಿಸಿ ಪಠಾಣ್ ಗೆ ಬಲಿಯಾದರು. ನಾಯಕ ಎಬಿ ಡಿವಿಲೆಯರ್ಸ್ 13ರನ್( 2 ಬೌಂಡರಿ) ಗಳಿಸಿ ಯುವರಾಜ್ ಬೌಲಿಂಗ್ ನಲ್ಲಿ ಬೋಲ್ಡ್ ಆದರು. [ಸ್ಕೋರ್ ಕಾರ್ಡ್]

ಆದರೆ, ಫಾಫ್ ಡು ಪ್ಲೆಸಿಸ್ ಅದ್ಭುತ ಆಟ ಪ್ರದರ್ಶಿಸಿ 38 ಎಸೆತದಲ್ಲಿ 65 ರನ್ (6 ಬೌಂಡರಿ, 2 ಸಿಕ್ಸರ್) ಗಳಿಸಿ ತಂಡದ ಮೊತ್ತ ಹೆಚ್ಚಿಸಿ ಏಕಾಂಗಿ ಹೋರಾಟ ಪ್ರದರ್ಶಿಸಿದರು.

ಜೆಪಿ ಡುಮಿನಿ ನಿಧಾನಗತಿಯ ಆಟ ಪ್ರದರ್ಶಿಸಿ 23 ಎಸೆತದಲ್ಲಿ 16 ರನ್ ಗಳಿಸಿ ಬಾಲಾಜಿಗೆ ವಿಕೆಟ್ ಒಪ್ಪಿಸಿದರು. ಆದರೆ, ಫರ್ಹಾನ್ ಬೆಹರ್ದೀನ್ (13 ರನ್ ) ಹಾಗೂ ರಾಬಿನ್ ಪೀಟರ್ಸನ್ (10 ರನ್)ತಂಡ 121 ಗಡಿ ದಾಟುವಂತೆ ಮಾಡಿ ಭಾರತಕ್ಕೆ ಆಸೆಗೆ ತಣ್ಣಿರೆರಚಿದರು.

ಟೀಂ ಇಂಡಿಯಾ ಪರ ಜಹೀರ್ ಖಾನ್ ಹಾಗೂ ಬಾಲಾಜಿ 3 ವಿಕೆಟ್, ಯುವರಾಜ್ ಸಿಂಗ್ 2 ವಿಕೆಟ್, ಇರ್ಫಾನ್, ಅಶ್ವಿನ್ ತಲಾ 1 ವಿಕೆಟ್ ಪಡೆದರು.

ಪಾಕ್ ಗೆ ಲಾಭ: ದಕ್ಷಿಣ ಆಫ್ರಿಕಾಕ್ಕೆ ಗೆಲ್ಲಲು 153 ರನ್ ಬೇಕಿತ್ತು. ಭಾರತ ಈ ಪಂದ್ಯವನ್ನು 31 ರನ್ ಗಳ ಅಂತರದಿಂದ ಗೆದ್ದರೆ ಮಾತ್ರ ಸೆಮಿಸ್ ಹಂತಕ್ಕೇರುವ ಸಾಧ್ಯತೆಯಿತ್ತು. 121ರನ್ ಯೊಳಗೆ ಆಫ್ರಿಕನ್ನರನ್ನು ಕಟ್ಟಿ ಹಾಕಬೇಕಲು ಭಾರತ ವಿಫಲವಾಯಿತು.

ಈಗಾಗಲೇ ದಕ್ಷಿಣ ಆಫ್ರಿಕಾ ಟೂರ್ನಿಯಿಂದ ಹೊರಬಿದ್ದಿದೆ. ಪಾಕಿಸ್ತಾನ ಉತ್ತಮ ರನ್ ಸರಾಸರಿ(+0.27)ಯಿಂದ ಸೆಮಿಸ್ ಪ್ರವೇಶಿಸಿದೆ. 2007ರ ನಂತರ ಭಾರತ ಸೆಮಿ ಫೈನಲ್ ತಲುಪುವಲ್ಲಿ ಸತತವಾಗಿ ವೈಫಲ್ಯ ಕಂಡಿದೆ.

ಭಾರತದ ಇನ್ನಿಂಗ್ಸ್ : ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ತಂಡ ಉತ್ತಮ ಆರಂಭದ ಕುರುಹು ತೋರಿದರೂ ಬೇಗನೆ ವಿಕೆಟ್ ಕಳೆದುಕೊಂಡಿತು.

ಗಂಭೀರ್ 8 ರನ್ ಗಳಿಸಿ ಔಟಾದರು. ವೀರೆಂದರ್ ಸೆಹ್ವಾಗ್ 1 ಬೌಂಡರಿ, 1 ಸಿಕ್ಸರ್ ಸಿಡಿಸಿದರೂ 14 ಎಸೆತದಲ್ಲಿ 17 ರನ್ ಗಳಿಸಿ ಪೀಟರ್ಸನ್ ಗೆ ಔಟಾದರು. ಇದಕ್ಕೂ ಮುನ್ನ ವಿರಾಟ್ ಕೊಹ್ಲಿ ಕೇವಲ 2 ರನ್ ಗಳಿಸಿ ಕಾಲಿಸ್ ಗೆ ಬಲಿಯಾದರು.

36 ರನ್ನಿಗೆ 3 ವಿಕೆಟ್ ಕಳೆದುಕೊಂಡು ಭಾರತ ಸಂಕಷ್ಟಕ್ಕೆ ಸಿಲುಕಿತ್ತು. ರೋಹಿ ಸರ್ಮ 25 ರನ್ ಹಾಗೂ ಯುವರಾಜ್ ಸಿಂಗ್ 15 ಎಸೆತದಲ್ಲಿ 21 ರನ್(1 ಬೌಂಡರಿ, 2 ಸಿಕ್ಸರ್) ಗಳಿಸಿ ತಂಡದ ಮೊತ್ತ ಹೆಚ್ಚಿಸಲು ಯತ್ನಿಸಿದರು.

ನಂತರ ಸುರೇಶ್ ರೈನಾ 45 ರನ್ (34 ಎಸೆತ, 5 ಬೌಂಡರಿ) ಹಾಗೂ ಧೋನಿ 23 ರನ್ (13 ಎಸೆತ, 3 ಬೌಂಡರಿ) ನೆರವಿನಿಂದ ಭಾರತ 20 ಓವರ್ ಗಳಲ್ಲಿ 152/6 ರನ್ ಗಳಿಸಿತು. ದಕ್ಷಿಣ ಆಫ್ರಿಕಾ ಬೌಲರ್ ಗಳು 11 ಇತರೆ ರನ್ ಕೊಡುಗೆ ನೀಡಿದ್ದನ್ನು ಮರೆಯುವಂತಿಲ್ಲ.

ದಕ್ಷಿಣ ಆಫ್ರಿಕಾ ಪಾರ ರಾಬಿನ್ ಪೀಟರ್ಸನ್, ಮಾರ್ನೆ ಮಾರ್ಕೆಲ್ ತಲಾ 2 ವಿಕೆಟ್ ಪಡೆದರು. ಕಾಲಿಸ್ 1 ವಿಕೆಟ್ ಪಡೆದರು. ರೈನಾ ಇನ್ನಿಂಗ್ಸ್ ನ ಅಂತಿಮ ಎಸೆತದಲ್ಲಿ ರನೌಟ್ ಆದರು.

Story first published:  Tuesday, October 2, 2012, 21:10 [IST]
English summary
India have been knocked out of ICC World Twenty20 2012 here on Tuesday night. India did manage to win a thriller against South Africa by one run but Pakistan edged India on net run rate to qualify for semi-finals with Australia from Group 2.
ಅಭಿಪ್ರಾಯ ಬರೆಯಿರಿ