Englishहिन्दीമലയാളംதமிழ்తెలుగు

ವಿಶ್ವಕಪ್: ಭಾರತದ ಮೇಲೆ ಪಾಕಿಗೆ ಸೋಲು ತಪ್ಪಿದ್ದಲ್ಲ

Posted by:
Updated: Monday, October 1, 2012, 17:33 [IST]
 

ವಿಶ್ವಕಪ್: ಭಾರತದ ಮೇಲೆ ಪಾಕಿಗೆ ಸೋಲು ತಪ್ಪಿದ್ದಲ್ಲ
 

ಕೊಲಂಬೋ, ಅ.1: ವಿಶ್ವಕಪ್ ಟೂರ್ನಿಗಳಲ್ಲಿ ಪಾಕಿಸ್ತಾನ ತಂಡಕ್ಕೆ ಭಾರತದ ಮೇಲೆ ಗೆಲ್ಲಲು ಏಕೋ ಆಗ್ತಾನೇ ಇಲ್ಲ.

ಇತ್ತೀಚೆಗೆ ಶುರುವಾಗಿರೋ ವಿಶ್ವ ಟಿ20 ಟೂರ್ನಿಯಲ್ಲದೆ ಏಕದಿನ ವಿಶ್ವಕಪ್ ನಲ್ಲೂ ಪಾಕಿಸ್ತಾನದ ಮೇಲೆ ಭಾರತ ಉತ್ತಮ ದಾಖಲೆ ಹೊಂದಿದೆ. ಭಾನುವಾರ ನಡೆದ ವಿಶ್ವ ಟಿ20 ಸೂಪರ್ 8 ಪಂದ್ಯದ ಅಂಕಿ ಅಂಶಗಳ ಪಟ್ಟಿ ತೆಗೆದರೆ ಹಲವು ಕುತೂಹಲಕಾರಿ ಅಂಶಗಳು ಬೆಳಕಿಗೆ ಬಂದಿದೆ. [ಸ್ಕೋರ್ ಕಾರ್ಡ್]

ಭಾರತ ಹಾಗೂ ಪಾಕಿಸ್ತಾನ ಹೈ ವೋಲ್ಟೇಜ್ ಪಂದ್ಯದ ಮುಖ್ಯಾಂಶ ಹೀಗಿದೆ:

# ಟೀಂ ಇಂಡಿಯಾ ವಿಶ್ವ ಟಿ20 ಟೂರ್ನಿಗಳಲ್ಲಿ 2007 ರಿಂದ ಇದೇ ಮೊದಲ ಬಾರಿಗೆ ಸೂಪರ್ 8 ಪಂದ್ಯದಲ್ಲಿ ಜಯಗಳಿಸಿದೆ. ಸೆ.20, 2007ರಂದು ಡರ್ಬನ್ ನಲ್ಲಿ ಕೊನೆಯ ಜಯ ದಾಖಲಿಸಿತ್ತು. 5 ವರ್ಷ, 10 ದಿನದ ನಂತರ ಜಯ ದಾಖಲಿಸಿರುವುದು ವಿಶೇಷ.
# 2008ರಲ್ಲಿ ಇಂಡಿಯನ್ ಪ್ರಿಮಿಯರ್ ಲೀಗ್ ಆರಂಭವಾದ ನಂತರ ಟಿ20 ಚಾಂಪಿಯನ್ ಟೀಂ ಇಂಡಿಯಾ ಇದೇ ಮೊದಲ ಬಾರಿಗೆ ವಿಶ್ವ ಟಿ20ಯಲ್ಲಿ ಜಯ ಗಳಿಸಿದೆ.
# ಪಾಕಿಸ್ತಾನದ ಮೇಲೆ ಜಯ ಗಳಿಸಿದರೂ ರನ್ ಸರಾಸರಿಯಲ್ಲಿ ಪಾಕಿಸ್ತಾನ ಮುಂದಿದೆ. ಪಾಕಿಸ್ತಾನ(-0.426), ಭಾರತ(-0.452). ಎರಡು ತಂಡಗಳು 2 ಅಂಕಗಳು 1 ಜಯ ಹಾಗೂ 1 ಸೋಲು ದಾಖಲಿಸಿದೆ.
# ದಕ್ಷಿಣ ಆಫ್ರಿಕಾದ ಮೇಲೆ ಭಾರತ ಗೆದ್ದರೆ ಸೆಮಿಫೈನಲ್ ಆಸೆ ಜೀವಂತವಾಗಲಿದೆ.
# ವಿರಾಟ್ ಕೊಹ್ಲಿ 78 ರನ್ ಸಿಡಿಸಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಗಳಿಸಿದರು. ಈ ಟೂರ್ನಿಯಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಕೂಡಾ ಪಂದ್ಯ ಪುರುಷೋತ್ತಮ ಎನಿಸಿದ್ದರು.
# ಕಳೆದ 6 ಟಿ2೦ ಪಂದ್ಯಗಳಲ್ಲಿ ಕೊಹ್ಲಿ 4 ಅರ್ಧಶತಕ ಸಿಡಿಸಿದ್ದಾರೆ.
# ಪಂದ್ಯದಲ್ಲಿ ಆಡುವುದೇ ಅನುಮಾನ ಎನ್ನಲಾಗಿದ್ದ ಎಡಗೈ ಆಲ್ ರೌಂಡರ್ ಯುವರಾಜ್ ಸಿಂಗ್ ಅದ್ಭುತ ಬೌಲಿಂಗ್ ಪ್ರದರ್ಶಿಸಿ 2 ವಿಕೆಟ್ ಕಿತ್ತರು.

Story first published:  Monday, October 1, 2012, 13:34 [IST]
English summary
Colombo: Virat Kohli and bowlers set up a big eight-wicket victory for India over Pakistan in their Super Eight game of ICC World Twenty20 2012 here on Sunday night.
ಅಭಿಪ್ರಾಯ ಬರೆಯಿರಿ