Englishहिन्दीമലയാളംதமிழ்తెలుగు

ವಿಂಡೀಸ್ ವಿರುದ್ಧ ಶ್ರೀಲಂಕಾಗೆ ಭರ್ಜರಿ ಜಯ

Posted by:
Published: Sunday, September 30, 2012, 13:02 [IST]
 

ವಿಂಡೀಸ್ ವಿರುದ್ಧ ಶ್ರೀಲಂಕಾಗೆ ಭರ್ಜರಿ ಜಯ
 

ಪಲ್ಲೆಕೆಲೆ, ಸೆ.30: ಟ್ವೆಂಟೆ-20 ವಿಶ್ವಕಪ್ ಟೂರ್ನಿಯ ಸೂಪರ್8 ಪಂದ್ಯದಲ್ಲಿ ಆತಿಥೇಯ ಶ್ರೀಲಂಕಾ ತಂಡ ಪ್ರಥಮ ಬಾರಿಗೆ ಸಾಂಘಿಕ ಹೋರಾಟ ಪ್ರದರ್ಶಿಸಿ ವೆಸ್ಟ್ ಇಂಡೀಸ್ ವಿರುದ್ಧ 9 ವಿಕೆಟ್‌ಗಳ ಸುಲಭ ಜಯ ದಾಖಲಿಸಿದೆ. ಗೆಲುವಿಗೆ ಬೇಕಿದ್ದ 130 ರನ್‌ಗಳ ಸವಾಲನ್ನು ಶ್ರೀಲಂಕಾ ತಂಡ ಇನ್ನೂ 28 ಎಸೆತಗಳು ಬಾಕಿ ಉಳಿದಿರುವಂತೆಯೇ ಕೇವಲ 1 ವಿಕೆಟ್ ಕಳೆದುಕೊಂಡು ಗಳಿಸಿತು.

ನಾಯಕ ಮಹೇಲ ಜಯವರ್ಧನೆ 65 ಮತ್ತು ವಿಕೆಟ್ ಕೀಪರ್ ಕುಮಾರ ಸಂಗಕ್ಕರ ಎರಡನೆ ವಿಕೆಟ್‌ಗೆ 12.3 ಓವರ್‌ಗಳಲ್ಲಿ ರನ್‌ಗಳನ್ನು ಕಲೆಹಾಕಿ ತಂಡವನ್ನು ಗೆಲುವಿನ ಹಾದಿಗೆ ತಂದರು. ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದ ಜಯವರ್ಧನೆ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು. [ಸ್ಕೋರ್ ಕಾರ್ಡ್]

ತಿಲಕರತ್ನೆ ದಿಲ್ಶನ್ (13) ಅವರು ರಾಂಪಾಲ್ ಎಸೆತದಲ್ಲಿ ಔಟಾದ ಮೇಲೆ ಜಯವರ್ಧನೆ ಮತ್ತು ಸಂಗಕ್ಕರ ಉತ್ತಮ ಜೊತೆಯಾಟ ಮೆರೆದರು. ಜಯವರ್ಧನೆ ಔಟಾಗದೆ 65 (49 ಎಸೆತ, 10 ಬೌಂಡರಿ, 1 ಸಿಕ್ಸರ್), ಸಂಗಕ್ಕಾರ ಔಟಾಗದೆ 39ರನ್ (34ಎಸೆತ, 5 ಬೌಂಡರಿ) ಗಳಿಸಿದರು.

ವಿಂಡೀಸ್ ಇನ್ನಿಂಗ್ಸ್: ಸ್ಫೋಟಕ ಬ್ಯಾಟ್ಸ್ ಮನ್ ಕ್ರಿಸ್ ಗೇಲ್ ಹಾಗೂ ಚಾರ್ಲ್ಸ್ ಬ್ಯಾಟಿಂಗ್ ವೈಫಲ್ಯ ವೆಸ್ಟ್ ಇಂಡೀಸ್ ತಂಡಕ್ಕೆ ಆರಂಭ ಆಘಾತ ನೀಡಿತು. ಅದರೆ, ಮರ್ಲಾನ್ ಸ್ಯಾಮುಯೆಲ್ಸ್ ಅರ್ಧಶತಕ ನೆರವಿನಿಂದ ವೆಸ್ಟ್ ಇಂಡೀಸ್ ತಂಡ ನಿಗದಿತ 20 ಓವರ್‌ಗಳಲ್ಲಿ 5 ವಿಕೆಟ್ ನಷ್ಟದಲ್ಲಿ 129 ರನ್ ಗಳಿಸಿತು.

ಆಲ್‌ರೌಂಡರ್ ಮರ್ಲಾನ್ ಸ್ಯಾಮುಯೆಲ್ಸ್ (50 ರನ್), ಡ್ವಾಯ್ನ್ ಬ್ರಾವೊ (40 ರನ್), ರಸ್ಸೆಲ್ ಔಟಾಗದೆ 19 ರನ್ ಗಳಿಸಿದರು. ಕೀರನ್ ಪೊಲಾರ್ಡ್ ಹಾಗೂ ನಾಯಕ ಸ್ಯಾಮಿ ಕೂಡಾ ಉತ್ತಮ ರನ್ ಗಳಿಕೆಯಲ್ಲಿ ವಿಫಲರಾದರು. ಶ್ರೀಲಂಕಾ ತಂಡದ ಬೌಲರ್ ಗಳು ವಿಂಡೀಸ್ ಬ್ಯಾಟ್ಸ್ ಮನ್ ಗಳನ್ನು ನಿಯಂತ್ರಿಸುವಲ್ಲಿ ಸಫಲರಾದರು.

ಲಂಕಾ ಪರ ಅಜಂತ ಮೆಂಡಿಸ್ (2-12), ಏಂಜಿಲೋ ಮ್ಯಾಥ್ಯೂಸ್(1-31), ಕುಲಶೇಖರ (1-28), ಜೀವನ್ ಮೆಂಡಿಸ್(1-12) ಗಳಿಸಿದರು.

English summary
Sri Lanka displayed their most dominant show so far in the ICC World Twenty20 2012 to thrash pre-tournament favourites West Indies by nine wickets in the Super Eight stage here on Saturday(Sep.29) night.
ಅಭಿಪ್ರಾಯ ಬರೆಯಿರಿ