Englishहिन्दीമലയാളംதமிழ்తెలుగు

ಲೂಕ್ ರೈಟ್ ಬೊಂಬಾಟ, ಇಂಗ್ಲೆಂಡ್ ಗೆ ಗೆಲುವು

Posted by:
Updated: Saturday, September 29, 2012, 20:01 [IST]
 

ಲೂಕ್ ರೈಟ್ ಬೊಂಬಾಟ, ಇಂಗ್ಲೆಂಡ್ ಗೆ ಗೆಲುವು
 

ಪಲ್ಲಕೆಲ್ಲೆ, ಸೆ.29: ವಿಶ್ವ ಟಿ20 ಟೂರ್ನಿ ಸೂಪರ್ 8 ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಇಂಗ್ಲೆಂಡ್ ತಂಡ 6 ವಿಕೆಟ್ ಗಳ ಮಹತ್ವದ ಜಯ ದಾಖಲಿಸಿದೆ. ಲೂಕ್ ರೈಟ್ ಗಳಿಸಿದ 43 ಎಸೆತದಲ್ಲಿ 76 ರನ್ ಮೂಲಕ ಆಂಗ್ಲರು 18.5 ಓವರ್ ಗಳಲ್ಲಿ 149 ರನ್ ಚೇಸ್ ಮಾಡಿ ಜಯಭೇರಿ ಬಾರಿಸಿದರು.

ಸ್ಕೋರ್ ಕಾರ್ಡ್

ಈ ಗೆಲುವಿನ ಮೂಲಕ ಇಂಗ್ಲೆಂಡ್ ತನ್ನ ಸೆಮಿಫೈನಲ್ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದೆ. ಸೂಪರ್ 8 ರಲ್ಲಿ ಸತತ ಎರಡು ಪಂದ್ಯ ಸೋಲುವ ಮೂಲಕ ಕಿವೀಸ್ ತಂಡ ಮುಂದಿನ ಹಂತಕ್ಕೆ ಸೇರುವುದು ಅನುಮಾನವಾಗಿದೆ. ಕಿವೀಸ್ ತಂಡ ತನ್ನ ಕೊನೆ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ತಂಡವನ್ನು ಎದುರಿಸಲಿದೆ. ಇಂಗ್ಲೆಂಡ್ ತಂಡ ದಕ್ಷಿಣ ಆಫ್ರಿಕಾದ ಜೊತೆ ಕಾದಾಡಲಿದೆ.

ಲೂಕ್ ರೈಟ್ ಅಲ್ಲದೆ ಇಯಾನ್ ಮಾರ್ಗನ್ ಕೂಡಾ 30 ಎಸೆತದಲಿ 31 ರನ್ ಗಳಿಸಿ ಅಮೂಲ್ಯ ಕೊಡುಗೆ ನೀಡಿದರು. ಕೀ ಸ್ವೆಟರ್ ಮತ್ತೊಮ್ಮೆ ವೈಫಲ್ಯ ಕಂಡು 4 ರನ್ ಗಳಿಸಿ ಔಟಾದರು. ಅಲೆಕ್ಸ್ ಹಾಲ್ಸ್ 15 ಎಸೆತದಲ್ಲಿ 22 ರನ್(3 ಬೌಂಡರಿ) ಗಳಿಸಿ ಉತ್ತಮ ಆರಂಭ ಪಡೆದರೂ ಮೆಕಲಮ್ ಗೆ ಬೋಲ್ಡ್ ಆದರು.

38 ರನ್ ಗೆ 2 ವಿಕೆಟ್ ಕಳೆದುಕೊಂಡಿದ್ದ ಇಮ್ಗ್ಲೆಂಡ್ ತಂಡಕ್ಕೆ ಲೂಕ್ ರೈಟ್ 5 ಬೌಂಡರಿ, 5 ಸಿಕ್ಸ್ ಸಿಡಿಸಿ ಜೀವ ತುಂಬಿದರು. ಲೂಕ್ ರೈಟ್ ಹಾಗೂ ಮಾರ್ಗನ್ 127 ರನ್ ತನಕ ವಿಕೆಟ್ ಕಾಯ್ದುಕೊಂಡು ಗೆಲುವಿನ ಗುರಿಯತ್ತ ಸಾಗಿದರು. ಕಿವೀಸ್ ಪರ ಮಿಲ್ಸ್, ವೆಟ್ಟೋರಿ, ಮೆಕಲಮ್, ಬ್ರೇಸ್ ವೆಲ್ ತಲಾ 1 ವಿಕೆಟ್ ಗಳಿಸಿದರು.

ಇದಕ್ಕೂ ಮುನ್ನ ಬ್ಯಾಟಿಂಗ್ ಮಾಡಿದ ಕಿವೀಸ್ ತಂಡ ಇಂಗ್ಲೆಂಡ್ ವೇಗಿಗಳ ಕರಾರುವಾಕ್ ಬೌಲಿಂಗ್ ಗೆ ತಲೆಬಾಗಿದರು. ಗಪ್ಟಿಲ್ 5 ರನ್, ನಿಕೋಲ್ 11 ರನ್ ಗಳಿಸಿ ಔಟಾದರೆ, ಬ್ರೆಂಡನ್ ಮೆಕಲಮ್ 10 ರನ್ ಗಳಿಸಿ ನಿರಾಶೆ ಮೂಡಿಸಿದರು.

ಕೇನ್ ವಿಲಿಯಮ್ಸನ್ 17 ರನ್ ಹಾಗೂ ರಾಸ್ ಟೇಲರ್ 22 ರನ್ ಗಳಿಸಿ ತಂಡದ ಮೊತ್ತ ಹೆಚ್ಚಿಸಲು ಯತ್ನಿಸಿದರು. ಅದರೆ, ಜೇಮ್ಸ್ ಫ್ರಾಂಕ್ಲಿನ್ 33 ಎಸೆತದಲ್ಲಿ 50ರನ್(4 ಬೌಂಡರಿ, 2 ಸಿಕ್ಸರ್) ಮೂಲಕ ತಂಡದ ಮೊತ್ತಕ್ಕೆ ಉತ್ತಮ ಕೊಡುಗೆ ನೀಡಿದರು.

ಇಂಗ್ಲೆಂಡ್ ಪರ ಬ್ರಿಗ್ಸ್ 36 ರನ್ನಿತ್ತು 1 ವಿಕೆಟ್ ಹಾಗೂ ಸ್ವಾನ್ 20 ರನ್ನಿತ್ತು 1 ವಿಕೆಟ್ ಪಡೆದರು. ಫಿನ್ ಅದ್ಭುತ ಬೌಲಿಂಗ್ ಪ್ರದರ್ಶಿಸಿ ಕೇವಲ 16 ರನ್ನಿತ್ತು 3 ವಿಕೆಟ್ ಪಡೆದು ನ್ಯೂಜಿಲೆಂಡ್ ಬೆನ್ನಲುಬು ಮುರಿದರು. ನಾಯಕ ಬ್ರಾಡ್ 4 ಓವರ್ ಗಳಲ್ಲಿ 37 ರನ್ನಿತ್ತು ದುಬಾರಿಯಾದರು.

Story first published:  Saturday, September 29, 2012, 19:31 [IST]
English summary
Pallekele: Luke Wright hit a 43-ball 76 to steer England to a six-wicket victory over New Zealand in the Super Eight stage of the ICC World Twenty20 2012 here on Saturday. England successfully chased a target of 149 in 18.5 overs.
ಅಭಿಪ್ರಾಯ ಬರೆಯಿರಿ