Englishहिन्दीമലയാളംதமிழ்తెలుగు

ಸೂಪರ್ 8: ಅಕ್ಮಲ್ ಕಮಾಲ್, ಪಾಕ್ ದಿಗ್ವಿಜಯ

Posted by:
Updated: Friday, September 28, 2012, 19:22 [IST]
 

ಕೊಲಂಬೋ, ಸೆ.28: ಸೂಪರ್ 8 ಹಂತದ ಮೊದಲ ಪಂದ್ಯದಲ್ಲೇ ಪಾಕಿಸ್ತಾನ ರೋಚಕ ಜಯ ದಾಖಲಿಸಿದೆ. ಗೆಲ್ಲಲು ಬೇಕಾದ 134 ರನ್ ಬೆನ್ನು ಹತ್ತಿದ ಪಾಕಿಸ್ತಾನ 12 ಓವರ್ ಗಳಲ್ಲಿ 6 ವಿಕೆಟ್ ಕಳೆದುಕೊಂಡರೂ ನಂತರ ಅಕ್ಮಲ್ ಕಮಾಲ್ ಬ್ಯಾಟಿಂಗ್ ಮೂಲಕ ಜಯ ಗಳಿಸಿದೆ.

ಉಮರ್ ಅಕ್ಮಲ್ ಏಕಾಂಗಿ ಹೋರಾಟಕ್ಕೆ ಉಮರ್ ಗುಲ್ ಸಾಥ್ ನೀಡಿದರು. 14ನೇ ಓವರ್ ನಂತರ ಪಾಕಿಸ್ತಾನದತ್ತ ಪಂದ್ಯ ವಾಲಿತು.

ಸೂಪರ್ 8: ಅಕ್ಮಲ್ ಕಮಾಲ್, ಪಾಕ್ ದಿಗ್ವಿಜಯ

4.3 ಓವರ್ ಗಳಲ್ಲಿ 49 ರನ್ ಕಲೆ ಹಾಕಿ ಜಯದ ಹಾದಿ ಹಿಡಿದರು. ಕೊನೆ ಓವರ್ ನಲ್ಲಿ ಗೆಲ್ಲಲು 9 ರನ್ ಬೇಕಿತ್ತು. ಪಾಕಿಸ್ತಾನ 1 ಸಿಕ್ಸ್ , 1 ಬೌಂಡರಿ, 1 ರನ್ ಹೊಡೆದು ಜಯದ ನಗೆ ಬೀರಿತು.

ಇದಕ್ಕೂ ಮುನ್ನ ನಾಯಕ ಮಹಮ್ಮದ್ ಹಫೀಜ್ 15 ರನ್ಮ್ ಇಮ್ರಾನ್ ನಜೀರ್ 14 ರನ್ ಗಳಿಸಿದ್ದು ಬಿಟ್ಟರೆ ಉಳಿದವರು ದಕ್ಷಿಣ ಆಫ್ರಿಕಾ ವೇಗಿಗಳ ವಿರುದ್ಧ ತಿಣುಕಾಡಿದರು. ಉದಯೋನ್ಮುಖ ಆಟಗಾರ ನಸಿರ್ ಜಮ್ಶೆಡ್ ಶೂನ್ಯ ಸುತ್ತಿ ಪೆವಿಲಿಯನ್ ಗೆ ತೆರಳಿದರು. [ಸ್ಕೋರ್ ಕಾರ್ಡ್ ನೋಡಿ]

ನಂತರ ಬಂದ ಕಮ್ರಾನ್ ಅಕ್ಮಲ್ 1, ಶಹೀದ್ ಅಫ್ರಿದಿ ಶೂನ್ಯ ಸಂಪಾದನೆ ಮಾಡಿದರು. ಉಮರ್ ಅಕ್ಮಲ್ ಹೋರಾಟಕ್ಕೆ ಯಾಸಿರ್ ಅರಾಫತ್ ಹೆಚ್ಚಿನ ಬೆಂಬಲ ನೀಡಲಿಲ್ಲ. ಸ್ಪಿನ್ನರ್ ರಾಬಿನ್ ಪೀಟರ್ಸನ್ 3-1-8-2 ಬೌಲಿಂಗ್ ಮೂಲಕ ಪಾಕಿಗಳ ಬೆನ್ನೆಲುಬು ಮುರಿದರು. ಸ್ಟೇನ್, ಬೋಥಾ, ಡುಮಿನಿ, ಕಾಲಿಸ್ ತಲಾ 1 ವಿಕೆಟ್ ಪಡೆದರು.

ದಕ್ಷಿಣ ಆಫ್ರಿಕಾ ಇನ್ನಿಂಗ್ಸ್: ರಿಚರ್ಡ್ ಲೆವಿ, ಹಶೀಮ್ ಆಮ್ಲಾ ವಿಕೆಟ್ ಬಹುಬೇಗ ಕಳೆದುಕೊಂಡ ಆಫ್ರಿಕಾ ನಂತರ ಜೆಪಿ ಡುಮಿನಿ ಆಟದಿಂದ ಪ್ರಗತಿ ಸಾಧಿಸಿತು.

ಜೆಪಿ ಡುಮಿನಿ 38 ಎಸೆತದಲ್ಲಿ 48 ರನ್(2 ಬೌಂಡರಿ, 2 ಸಿಕ್ಸರ್) ಹಾಗೂ ಎಬಿ ಡಿವಿಲೆಯರ್ಸ್ 18 ಎಸೆತದಲ್ಲಿ 25 ರನ್ (2 ಬೌಂಡರಿ, 1 ಸಿಕ್ಸರ್) ಗಳಿಸಿ ತಂಡದ ಮೊತ್ತವನ್ನು 20 ಓವರ್ ಗಳಲ್ಲಿ 133/6ಕ್ಕೆ ತಂದು ನಿಲ್ಲಿಸಿದರು.

ಪಾಕಿಸ್ತಾನ ಪರ ಯಾಸಿರ್ ಅರಾಫತ್, ಮಹಮ್ಮದ್ ಹಫೀಜ್ ತಲಾ 2 ವಿಕೆಟ್, ಉಮರ್ ಗುಲ್, ಸಯೀದ್ ಅಜ್ಮಲ್ ತಲಾ 1 ವಿಕೆಟ್ ಪಡೆದು ಯಶ ಕಂಡರು.

Story first published:  Friday, September 28, 2012, 18:10 [IST]
English summary
Pakistan take advantage of South Africa's weakness to play spin as they made merry having restricted AB de Villiers-led team to 133/6 in 20 overs, as Mohammad Hafeez and Yasir Arafat claimed two wickets each during the Super Eights clash at R Premadasa Stadium in Colombo on Friday.
ಅಭಿಪ್ರಾಯ ಬರೆಯಿರಿ