Englishहिन्दीമലയാളംதமிழ்తెలుగు

ಸೆಹ್ವಾಗ್ ಸಹವಾಸ ಕಷ್ಟ ಕಷ್ಟ : ಗ್ರೆಗ್ ಚಾಪೆಲ್

Posted by:
Updated: Friday, September 28, 2012, 16:36 [IST]
 

ಸೆಹ್ವಾಗ್ ಸಹವಾಸ ಕಷ್ಟ ಕಷ್ಟ : ಗ್ರೆಗ್ ಚಾಪೆಲ್
 

ಬೆಂಗಳೂರು, ಸೆ.28: ಟೀಂ ಇಂಡಿಯಾ ಸ್ಫೋಟಕ ಆರಂಭಿಕ ಆಟಗಾರ ವೀರೇಂದರ್ ಸೆಹ್ವಾಗ್ ವಿಶ್ವ ಟಿ20 ಟೂರ್ನಿಯಲ್ಲಿ ಮತ್ತೆ ಕಣಕ್ಕಿಳಿಯುವುದು ಕಷ್ಟ. ಇದಕ್ಕೆ ಅವರ ಒರಟುತನವೇ ಕಾರಣ. ಸೆಹ್ವಾಗ್ ಸಹವಾಸ ಕಷ್ಟ ಕಷ್ಟ ಎಂದು ಟೀಂ ಇಂಡಿಯಾದ ಮಾಜಿ ತರಬೇತುದಾರ ಗ್ರೆಗ್ ಚಾಪೆಲ್ ಹೇಳಿದ್ದಾರೆ.

ಹಿಂದೂ ಪತ್ರಿಕೆಯ ತಮ್ಮ ಅಂಕಣದಲ್ಲಿ ಸೆಹ್ವಾಗ್ ಅವರ ಉದ್ದಟತನ, ಹಠಮಾರಿತನದ ಬಗ್ಗೆ ಕಟುವಾಗಿ ಟೀಕಿಸಿದ್ದಾರೆ. ಅದರೆ, ಸೆಹ್ವಾಗ್ ಇಲ್ಲದ ಟೀಂ ಇಂಡಿಯಾ ಊಹಿಸಲು ಕಷ್ಟ ಎಂದು ಶಭಾಷ್ ಗಿರಿ ಕೊಟ್ಟಿದ್ದಾರೆ.

ನಾನು ಕೋಚ್ ಆಗಿದ್ದಾಗ ಸೆಹ್ವಾಗ್ ಸಹಿಸುವುದು ಕಷ್ಟವಾಗುತ್ತಿತ್ತು. ಆದರೆ, ಮೈದಾನದಲ್ಲಿ ಇದಕ್ಕೆ ಉತ್ತರಿಸಿಬಿಡುತ್ತಿದ್ದ. ನಾನು ನಂತರ ಎಲ್ಲವನ್ನೂ ಮರೆತು ಬಿಡುತ್ತಿದ್ದೆ.

2005ರಲ್ಲಿ ಟೀಂ ಇಂಡಿಯಾ ಕೋಚ್ ಆಗಿ ಅಧಿಕಾರ ಸ್ವೀಕರಿಸಿದ ಗ್ರೆಗ್ ಚಾಪೆಲ್ 2007ರಲ್ಲಿ ವಿಂಡೀಸ್ ನಲ್ಲಿ ವಿಶ್ವಕಪ್ ಕಳಪೆ ಪ್ರದರ್ಶನದ ನಂತರ ಹುದ್ದೆ ತ್ಯಜಿಸಿದ್ದರು.

ಸೆಹ್ವಾಗ್ ಎಂದಿಗೂ ಫಿಟ್ನೆಸ್ ಬಗ್ಗೆ ತಲೆಕೆಡಿಸಿಕೊಳ್ಳುತ್ತಿರಲಿಲ್ಲ. ಆತನಿಗೆ ಬುದ್ಧಿ ಹೇಳುವುದೇ ಕಾಯಕವಾಗಿತ್ತು. ಸದಾ ಕಾಲ ಬೆನ್ನುಹುರಿ ನೋವು, ಸ್ನಾಯುಸೆಳೆತಕ್ಕೆ ಒಳಗಾಗುತ್ತಿದ್ದ. ಆತ ಕೇವಲ ಸ್ಫೋಟಕ ಬ್ಯಾಟ್ಸ್ ಮನ್ ಅಷ್ಟೇ ಅಲ್ಲದೆ ಉತ್ತಮ ಆಫ್ ಸ್ಪಿನ್ನರ್ ಕೂಡಾ, ಟೆಸ್ಟ್ ಹಾಗೂ ಒನ್ ಡೇ ಗಳಲ್ಲಿ ಸ್ಲಿಪ್ ನಲ್ಲೂ ಉತ್ತಮ ಕ್ಯಾಚ್ ತೆಗೆದುಕೊಳ್ಳುತ್ತಿದ್ದ. ಆದರೆ, ಸಿಕ್ಕ ಅವಕಾಶವನ್ನು ಹೇಳಿದ ಬುದ್ಧಿವಾದವನ್ನು ಕೇಳುವಲ್ಲಿ ಮಾತ್ರ ಸೋಲುತ್ತಿದ್ದ.

ಪ್ರತಿಭೆ ಜೊತೆ ವಿನಯವೂ ಬೇಕು: ಆತನಿಗೆ ದೇವರು ನೀಡಿದ ಅದ್ಭುತ ಪ್ರತಿಭೆಯಿದೆ ಅದರೆ, ಅದೇ ಅವನಿಗೆ ಮುಳುವಾದರೂ ಅಚ್ಚರಿಯೇನಿಲ್ಲ. ಆತನನ್ನು ಟೀಂನಲ್ಲಿ ಇಟ್ಟುಕೊಳ್ಳಲೂ ಆಗದೇ ಬಿಡಲೂ ಆಗದೆ ನಾನು ತತ್ತರಿಸಿದ್ದೆ ಎಂದು ಚಾಪೆಲ್ ಹೇಳಿದ್ದಾರೆ.

ಇತ್ತೀಚೆಗೆ ಸೆಹ್ವಾಗ್ ಕಳಪೆ ಫಾರ್ಮ್ ನಲ್ಲಿದ್ದು ವಿಶ್ವ ಟಿ20ಯಲ್ಲಿ ಗಾಯದ ನೆಪ ಹೇಳಿ ಕೂರಿಸಲಾಗಿದೆ. ಈ ರೀತಿ ಸೆಹ್ವಾಗ್ ಗೆ ಗಾಯವಾಗುವುದು ಇದೇ ಮೊದಲಲ್ಲ. ಈ ಹಿಂದೆ ಕೂಡಾ ಇದೇ ರೀತಿ ಕಾರಣ ಕೊಟ್ಟು ಕೈ ಬಿಡಲಾಗಿತ್ತು ಎಂದು ಚಾಪೆಲ್ ಹೇಳಿದ್ದಾರೆ.

ಆತನಿಗೆ ಕೆಲ ಕಾಲ ನಾಯಕನಾಗುವ ಹುಚ್ಚು ಹತ್ತಿತ್ತು. ಆದರೆ, ಇನ್ನೂ ಕಾಲ ಪಕ್ವವಾಗಿರಲಿಲ್ಲ. ಗೌರವದ ಜೊತೆಗೆ ಜವಾಬ್ದಾರಿಯೂ ಹೆಚ್ಚುತ್ತದೆ ಎಂಬುದನ್ನು ಮರೆತ್ತಿದ್ದ. ಆಟಗಾರನಾಗಿ ತಂಡದಲ್ಲೇ ಉಳಿದರಷ್ಟೇ ನಾಯಕ ಪಟ್ಟ ಸಿಗಲಿದೆ ಎಂಬುದು ಅವನಿಗೆ ಏಕೆ ಅರ್ಥವಾಗಲಿಲ್ಲವೋ ಕಾಣೆ.

ಭಾರತಕ್ಕೆ ವೀರೂ ಸ್ಫೋಟಕ ಆರಂಭವನ್ನೇನೋ ಒದಗಿಸುತ್ತಿದ್ದ ಅದರೆ, ಹಲವು ಬಾರಿ ತಂಡ ಸೋಲು ಕಂಡಿದೆ. ಇದಕ್ಕೆ ಕಾರಣ, ಇನ್ನಿಂಗ್ಸ್ ಕಟ್ಟುವಲ್ಲಿ ಸೆಹ್ವಾಗ್ ಸೋಲುತ್ತಿದ್ದ ರೀತಿ. ದೊಡ್ಡ ಮೊತ್ತ ನಿರೀಕ್ಷಿಸಿದ್ದಾಗ ಶೂನ್ಯ ಸುತ್ತಿ ಪೆವಿಲಿಯನ್ ಗೆ ಮರಳಿ ಏನೋ ಆಗಿಲ್ಲದ್ದಂತೆ ಕೂತು ಬಿಡುತ್ತಿದ್ದ ಎಂದು ಚಾಪೆಲ್ ಹೇಳಿದ್ದಾರೆ.

Story first published:  Friday, September 28, 2012, 15:18 [IST]
English summary
Former India coach Greg Chappell has revealed how he had to go through a frustrating time handling Virender Sehwag who he feels is in "danger of squandering his God-given talent."
ಅಭಿಪ್ರಾಯ ಬರೆಯಿರಿ