Englishहिन्दीമലയാളംதமிழ்తెలుగు

ಸೂಪರ್ 8 : ಸೂಪರ್ ಓವರ್ ಶ್ರೀಲಂಕಾಗೆ ಸೂಪರ್ ಜಯ

Posted by:
Updated: Thursday, September 27, 2012, 22:10 [IST]
 

ಕೊಲಂಬೋ, ಸೆ.27:ವಿಶ್ವ ಟಿ20 ಸೂಪರ್ 8ನ ಮೊದಲ ಪಂದ್ಯ ರೋಚಕ ಹಂತ ತಲುಪಿ ಪ್ರೇಕ್ಷಕರಿಗೆ ರಸದೌತಣ ನೀಡಿತು. ನಿಗದಿತ ಓವರ್ ಗಳಲ್ಲಿ ಪಂದ್ಯ ಟೈ ಆಗಿದ್ದರಿಂದ ಸೂಪರ್ ಓವರ್ ಆಡಿಸಲಾಯಿತು. ಸೂಪರ್ ಓವರ್ ನಲ್ಲಿ ಶ್ರೀಲಂಕಾ ತಂಡ 14 ರನ್ ಗುರಿ ಒಡ್ಡಿತು. ಕಿವೀಸ್ ತಂಡ ಗೆಲುವಿನ ಹಂತದಲ್ಲಿ ಮುಗ್ಗರಿಸಿ ಸೋಲೊಪ್ಪಿಕೊಂಡಿದೆ.

ಸೂಪರ್ 8 : ಸೂಪರ್ ಓವರ್ ಶ್ರೀಲಂಕಾಗೆ ಸೂಪರ್ ಜಯ

ಸೂಪರ್ 8ರ ಸೂಪರ್ ಓವರ್: ಕಿವೀಸ್ ವೇಗಿ ಟಿಮ್ ಸೌಥಿ ಓವರ್ ಮೊದಲ ಮೂರು ಎಸೆತದಲ್ಲಿ ಜಯವರ್ದನೆ ಹಾಗೂ ಪೆರೆರಾ ಕೇವಲ 6 ರನ್ ಕಲೆ ಹಾಕಿದರು. ನಂತರ ಜಯವರ್ದನೆ ಔಟಾದರೂ 13/1 ಸಾಧಿಸಿ, ಕಿವೀಸ್ ಗೆ 14 ರನ್ ಗುರಿ ನೀಡಿತು.

ಕಿವೀಸ್ ಪರ ಬ್ರೆಂಡನ್ ಮೆಕಲಮ್ ಹಾಗೂ ಮಾರ್ಟಿನ್ ಗಪ್ಟಿಲ್ ಕಣಕ್ಕಿಳಿದು ಲಸಿತ್ ಮಾಲಿಂಗ್ ಎದುರಿಸಲು ಸಜ್ಜಾದರು. ಮೊದಲ 3 ಎಸೆತದಲ್ಲಿ ಕಿವೀಸ್ 5/0 ಸ್ಕೋರ್ ಮಾಡಿತ್ತು.

ನಂತರ ಐದನೇ ಎಸೆತದಲ್ಲಿ ಗಪ್ಟಿಲ್ ಭರ್ಜರಿ ಹೊಡೆತಕ್ಕೆ ಯತ್ನಿಸಿ ಬೌಂಡರಿ ಗೆರೆ ಬಳಿ ದಿಲ್ಶನ್ ತೆಗೆದುಕೊಂಡ ಅದ್ಭುತ ಕ್ಯಾಚಿಗೆ ಬಲಿಯಾದರು. ಕೊನೆ ಎಸೆತದಲ್ಲಿ 8 ರನ್ ಹೊಡೆಯಬೇಕಿದ್ದ ಕಿವೀಸ್ ಕೇವಲ 2 ರನ್ ಹೊಡೆದು ಸೋಲು ಕಂಡಿತು. ಸೂಪರ್ ಓವರ್ ನಲ್ಲಿ ಸಂಗಕ್ಕಾರ ಎರಡು ಬಾರಿ ಚೆಂಡನ್ನು ಸರಿಯಾಗಿ ಹಿಡಿಯದೆ ಕೈ ಚೆಲ್ಲಿದ್ದು ವಿಶೇಷವಾಗಿತ್ತು. [ಸ್ಕೋರ್ ಕಾರ್ಡ್ ನೋಡಿ]

ರೋಚಕತೆ ತಂದ ರನೌಟ್: ಶ್ರೀಲಂಕಾ ಬ್ಯಾಟ್ಸ್ ಮನ್ ಲಹಿರು ತಿರುಮನ್ನೆ ರನ್ ಕದಿಯಲು ಯತ್ನಿಸಿದಾಗ ಚೆಂಡು ವೇಗಿ ಸೌಥಿ ಕೈ ಸೇರಿತ್ತು. ಸೌಥಿ ಚೆಂಡನ್ನು ಹಿಡಿದು ಬೇಲ್ಸ್ ಎಗರಿಸಲು ವಿಫಲರಾದರೂ ಕೈ ಯಿಂದ ಜಾರಿದ ಚೆಂಡು ನಿಧಾನವಾಗಿ ಬೇಲ್ಸ್ ಹಾರಿಸಿಬಿಟ್ಟಿತು. ಆದರೆ, ಎರಡು ತಂಡಕ್ಕೂ ಯಾರು ಗೆದ್ದಿದ್ದು ಎಂಬುದು ತಿಳಿಯದಂಥ ಪರಿಸ್ಥಿತಿ ಮೂಡಿತು. ಮೂರನೇ ಅಂಪೈರ್ ರನೌಟ್ ನೀಡುತ್ತಿದ್ದಂತೆ ಪಂದ್ಯ ಸೂಪರ್ ಓವರ್ ಗೆ ಸಜ್ಜಾಯಿತು.

ಇದಕ್ಕೂ ಮುನ್ನ ಕಿವೀಸ್ ಒಡ್ಡಿದ್ದ 175 ಗುರಿ ಬೆನ್ನು ಹತ್ತಿದ ಲಂಕಾದ ತಿಲಕರತ್ನೆ ದಿಲ್ಶನ್ ಅವರ 53 ಎಸೆತಗಳ 76 ರನ್ (5ಬೌಂಡರಿ, 3 ಸಿಕ್ಸರ್) ಸಹಾಯದಿಂದ ಲಂಕಾ ತಂಡ 174/6 ಸ್ಕೋರ್ ಗಳಿಸಿತು. ಜಯವರ್ದನೆ(44), ಸಂಗಕ್ಕಾರ (21) ಉತ್ತಮ ಸಾಥ್ ನೀಡಿದರು. ಆದರೆ, ಅಂತಿಮವಾಗಿ ಪಂದ್ಯ ಟೈ ಆಗಿ ಸೂಪರ್ ಓವರ್ ನಲ್ಲಿ ನಿರ್ಣಾಯಕ ಫಲಿತಾಂಶ ಹೊರ ಬಿತ್ತು. ಜೇಮ್ಸ್ ಫ್ರಾಂಕ್ಲಿನ್ 2 ವಿಕೆಟ್ ಪಡೆದು ಯಶ ಗಳಿಸಿದರು.

ಕಿವೀಸ್ ಪರ ರಾಬ್ ನಿಕೋಲ್ ಹಾಗೂ ಮಾರ್ಟಿನ್ ಗಪ್ಟಿಲ್ ಉತ್ತಮ ಬ್ಯಾಟಿಂಗ್ ನಿಂದ 174/7 ರನ್ ಗಳಿಸಿತು. ರಾಬ್ ನಿಕೋಲ್ 40 ಎಸೆತದಲ್ಲಿ 58 ರನ್(3 ಬೌಂಡರಿ, 4 ಸಿಕ್ಸರ್), ಬ್ರೆಂಡನ್ ಮೆಕಲಮ್(25), ರಾಸ್ ಟೇಲರ್(23), ಗಪ್ಟಿಲ್ (38) ಉತ್ತಮ ಆಟ ಪ್ರದರ್ಶಿಸಿದರು. ಲಂಕಾ ಪರ 32 ರನ್ನಿತ್ತು 2 ವಿಕೆಟ್ ಪಡೆದ ಸ್ಪಿನ್ನರ್ ಅಖಿಲ ಧನಂಜಯ ಯಶಸ್ವಿ ಬೌಲರ್ ಎನಿಸಿದರು. ಕುಲಶೇಖರ 2, ಮಾಲಿಂಗ, ಅಜಂತಾ ಮೆಂಡಿಸ್ ತಲಾ 1 ವಿಕೆಟ್ ಪಡೆದರು.

Story first published:  Thursday, September 27, 2012, 19:03 [IST]
English summary
Thriller of a contest, as the first Super Eights clash between Sri Lanka and New Zealand was tied as both the teams scored 174 at the end of 20 overs, which led to an exciting finish as there is a Super Over to decide the winners of the clash.
ಅಭಿಪ್ರಾಯ ಬರೆಯಿರಿ