Englishहिन्दीമലയാളംதமிழ்తెలుగు

ಟಿ20: ಆಂಗ್ಲರಿಗೆ ಸೋಲುಣಿಸಿದ ದೈತ್ಯ ವಿಂಡೀಸ್

Posted by:
Updated: Thursday, September 27, 2012, 23:43 [IST]
 

ಟಿ20: ಆಂಗ್ಲರಿಗೆ ಸೋಲುಣಿಸಿದ ದೈತ್ಯ ವಿಂಡೀಸ್
 

ಪಲ್ಲೆಕೆಲೆ, ಸೆ.27: ವಿಂಡೀಸ್ ತಂಡ ಒಡ್ಡಿದ್ದ 180ರನ್ ಗಳ ಬೃಹತ್ ಮೊತ್ತವನ್ನು ಬೆನ್ನಟ್ಟಿದ ಇಂಗ್ಲೆಂಡ್ ತಂಡ ಹೋರಾಟ ನಡೆಸುತ್ತಲೇ ಸೋಲು ಕಂಡಿದೆ. ದೈತ್ಯ ವೆಸ್ಟ್ ಇಂಡೀಸ್ ತಂಡ ವಿಶ್ವ ಟಿ20 ಟೂರ್ನಿಯಲ್ಲಿ ಮೊದಲ ಜಯ ದಾಖಲಿಸಿದೆ. ಹೇಲ್ಸ್ ಹಾಗೂ ಮಾರ್ಗನ್ ಅರ್ಧಶತಕ ಆಂಗ್ಲರಿಗೆ ಜಯ ತಂದು ಕೊಡಲಿಲ್ಲ.

ಕೊನೆಯ ಓವರ್ ನಲ್ಲಿ ಇಂಗ್ಲೆಂಡ್ ತಂಡಕ್ಕೆ ಗೆಲ್ಲಲು 23 ರನ್ ಬೇಕಿತ್ತು. ವಿಂಡೀಸ್ ನಾಯಕ ಡೆರನ್ ಸ್ಯಾಮಿ ಸ್ಪಿನ್ನರ್ ಮರ್ಲನ್ ಸ್ಯಾಮುಯಲ್ಸ್ ಗೆ ಚೆಂಡು ಎಸೆದರು. ಆದರೆ, ಇಂಗ್ಲೆಂಡ್ ಅಂತಿಮವಾಗಿ 164/4 ರನ್ ಗಳಿಸಿ 15ರನ್ ಗಳ ಅಂತರದಲ್ಲಿ ಸೋಲೊಪ್ಪಿಕೊಂಡಿತು.

ಇದಕ್ಕೂ ಮುನ್ನ ಉತ್ತಮ ಲಯದಲ್ಲಿರುವ ಕೀಸ್ವೆಟರ್ ಹಾಗೂ ಲೂಕ್ ರೈಟ್ ರನ್ನು ಶೂನ್ಯಕ್ಕೆ ಕಳೆದುಕೊಂಡು ಅತ್ಯಂತ ಕಳಪೆ ಆರಂಭ ಪಡೆಯಿತು. ನಂತರ ಇಂಗ್ಲೆಂಡ್ ತಂಡಕ್ಕೆ ಅಲೆಕ್ಸ್ ಹಾಲ್ಸ್ ಹಾಗೂ ಮಾರ್ಗನ್ ಉತ್ತಮ ಜೊತೆಯಾಟ ಜೀವ ತುಂಬಿದರು. [ಸ್ಕೋರ್ ಕಾರ್ಡ್]

ಅಲೆಕ್ಸ್ ಹಾಲ್ಸ್ 68 ರನ್ (50 ಎಸೆತ, 5ಬೌಂಡರಿ, 2 ಸಿಕ್ಸರ್) ಹಾಗೂ ಇಯಾನ್ ಮಾರ್ಗನ್ 71 ರನ್ (36 ಎಸೆತ, 4 ಬೌಂಡರಿ, 5 ಸಿಕ್ಸರ್) ಗಳಿಸಿ ಶತಕದ ಜೊತೆಯಾಟ ದಾಖಲಿಸಿದರು. ಬೈರ್ಸ್ಟೋ ಬೇಜಾನ್ ಎಸೆತಗಳನ್ನು ತಿಂದಿದ್ದು ಇಂಗ್ಲೆಂಡ್ ಗೆ ಮುಳುವಾಯಿತು. 29 ಎಸೆತಗಳಲ್ಲಿ 18 ರನ್ ಗಳಿಸಿ ಔಟಾದರು.

ವಿಂಡೀಸ್ ಪರ ಹ್ಯಾಟ್ರಿಕ್ ವಂಚಿತ ರಾಮ್ ಪಾಲ್ 2, ಗೇಲ್, ಸ್ಯಾಮುಯಲ್ಸ್ ತಲಾ 1 ವಿಕೆಟ್ ಪಡೆದರು.

ವಿಂಡೀಸ್ ಇನ್ನಿಂಗ್ಸ್ : ವಿಂಡೀಸ್ ಆರಂಭಿಕ ಆಟಗಾರರಾದ ಜಾನ್ಸನ್ ಚಾರ್ಲ್ಸ್ ಹಾಗೂ ಕ್ರಿಸ್ ಗೇಲ್ ಅಬ್ಬರದ ಬ್ಯಾಟಿಂಗ್ ನಿಂದ ಇಂಗ್ಲೆಂಡ್ ತತ್ತರಿಸಿಬಿಟ್ಟರು.

ಕ್ರಿಸ್ ಗೇಲ್ 35 ಎಸೆತದಲ್ಲಿ 58 ರನ್ (6 ಬೌಂಡರಿ, 4 ಸಿಕ್ಸರ್) ಚೆಚ್ಚಿ ನೂರು ರನ್ ಜೊತೆಯಾಟದ ನಂತರ ಔಟಾದರು. ಆದರೆ, ಇನ್ನಿಂಗ್ಸ್ ಕಟ್ಟಿದ ಚಾರ್ಲ್ಸ್ ವೈಯಕ್ತಿಕ ಅತ್ಯಧಿಕ ಮೊತ್ತ ದಾಖಲಿಸಿದರು. ಚಾರ್ಲ್ಸ್ 56 ಎಸೆತದಲ್ಲಿ 84 ರನ್ (10 ಬೌಂಡರಿ, 3 ಸಿಕ್ಸರ್) ಹೊಡೆದು ವಿಂಡೀಸ್ ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸಿ ಪಂದ್ಯಶ್ರೇಷ್ಠ ಎನಿಸಿದರು.

ಉಳಿದಂತೆ ಸ್ಯಾಮುಯಲ್ಸ್, ಪೊಲ್ಲಾರ್ಡ್, ಬ್ರಾವೋ ಹಾಗೂ ನಾಯಕ ಸ್ಯಾಮಿ ಹೆಚ್ಚು ರನ್ ಗಳಿಸಲಿಲ್ಲ. ರಸೆಲ್ 5 ಎಸೆತದಲ್ಲಿ 10 ರನ್ ಗಳಿಸಿದರು. ಇಂಗ್ಲೆಂಡ್ ಪರ ನಾಯಕ ಸ್ಟುವರ್ಟ್ ಬ್ರಾಡ್ 26 ರನ್ನಿತ್ತು 2 ವಿಕೆಟ್ ಗಳಿಸಿದರು. ಸ್ವಾನ್, ಫಿನ್, ಡೆರ್ನ್ ಬ್ಯಾಕ್ ತಲಾ 1 ವಿಕೆಟ್ ಗಳಿಸಿದರು.

Story first published:  Thursday, September 27, 2012, 23:15 [IST]
English summary
West Indies survived a late assault from Eoin Morgan to eke out a 15-run win over England in the Super Eights of ICC World Twenty20 2012 here on Thursday(Sept.27) night.
ಅಭಿಪ್ರಾಯ ಬರೆಯಿರಿ