Englishहिन्दीമലയാളംதமிழ்తెలుగు

ಬಿಸಿಸಿಐ ಆಯ್ಕೆ ಸಮಿತಿ ಶ್ರೀಕಾಂತ್ ಸ್ಥಾನಕ್ಕೆ ಸಂದೀಪ್ ಪಾಟೀಲ್

Posted by:
Updated: Thursday, September 27, 2012, 16:05 [IST]
 

ಬಿಸಿಸಿಐ ಆಯ್ಕೆ ಸಮಿತಿ ಶ್ರೀಕಾಂತ್ ಸ್ಥಾನಕ್ಕೆ ಸಂದೀಪ್ ಪಾಟೀಲ್
 

ಮುಂಬೈ, ಸೆ.27: ಬಿಸಿಸಿಐ ಆಯ್ಕೆ ಸಮಿತಿ ಅಧ್ಯಕ್ಷ ಸ್ಥಾನ ಹಾಗೂ ವಲಯವಾರು ಸದಸ್ಯರ ಸ್ಥಾನಗಳು ಬದಲಾಗಿದೆ. ಕೃಷ್ಣಮಾಚಾರಿ ಶ್ರೀಕಾಂತ್ ಅವರ ಸ್ಥಾನಕ್ಕೆ ಮುಖ್ಯ ಆಯ್ಕೆದಾರರಾಗಿ ಸಂದೀಪ್ ಪಾಟೀಲ್ ಆಯ್ಕೆಯಾಗಿದ್ದಾರೆ.

ಕ್ರಿಸ್ ಶ್ರೀಕಾಂತ್ ಸೇರಿದಂತೆ ನಾಲ್ವರು ಸದಸ್ಯರ ಆಯ್ಕೆ ಸಮಿತಿ ನಾಲ್ಕು ವರ್ಷದ ಅಧಿಕಾರ ಮುಕ್ತಾಯಗೊಂಡ ಹಿನ್ನೆಲೆಯಲ್ಲಿ ಹೊಸ ಆಯ್ಕೆ ಸಮಿತಿ ಪ್ರಕಟಿಸಲಾಗಿದೆ.

ಶ್ರೀಕಾಂತ್ (ದಕ್ಷಿಣ ವಲಯ), ನರೇಂದ್ರ ಹೀರ್ವಾನಿ (ಕೇಂದ್ರ ವಲಯ), ರಜತ್ ವೆಂಕಟ್ (ಪೂರ್ವ ವಲಯ), ಸುರೇಂದ್ರ ಭಾವೆ (ಪಶ್ಚಿಮ ವಲಯ) ಅವರು ಮಂಡಳಿಯ ನಿಯಮದಂತೆ ಹುದ್ದೆಯನ್ನು ತೊರೆದಿದ್ದಾರೆ.

ಇವರ ಸ್ಥಾನಕ್ಕೆ ಕ್ರಮವಾಗಿ ರೋಜರ್ ಬಿನ್ನಿ(ದಕ್ಷಿಣ ವಲಯ),ವಿಕ್ರಮ್ ರಾಥೋಡ್ (ಉತ್ತರ ವಲಯ), ರಾಜಿಂದರ್ ಹನ್ಸ್ (ಕೇಂದ್ರ ವಲಯ), ಸಾಬಾ ಕರೀಂ(ಪೂರ್ವ ವಲಯ) ಹಾಗೂ ಪಶ್ಚಿಮ ವಲಯಕ್ಕೆ ಸಂದೀಪ್ ಪಾಟೀಲ್ ಅವರು ಆಯ್ಕೆಯಾಗಿದ್ದಾರೆ.

ಮೋಹಿಂದರ್ ಅಮರ್‌ನಾಥ್‌ಗೆ ಕೊಕ್: ಆಯ್ಕೆ ಸಮಿತಿಯ ಐದನೇ ಸದಸ್ಯರಲ್ಲಿ ಮೋಹಿಂದರ್ ಅಮರ್‌ನಾಥ್ ಕೇವಲ ಒಂದು ವರ್ಷ ಪೂರ್ಣಗೊಳಿಸಿದ್ದರಿಂದ ಅವರಿಗೆ ಆಯ್ಕೆ ಸಮಿತಿಯಲ್ಲಿ ಉಳಿಸಿಕೊಳ್ಳುವ ಸಾಧ್ಯತೆಯಿತ್ತು. ಆದರೆ, ಮೋಹಿಂದರ್ ಅಮರನಾಥ್ ಅವರಿಗೆ ಆಯ್ಕೆ ಸಮಿತಿಯಿಂದ ಕೊಕ್ ನೀಡಲಾಗಿದೆ.

ಇನ್ನೊಂದು ಮಹತ್ವದ ಬದಲಾವಣೆಯಲ್ಲಿ ಆಯ್ಕೆದಾರರ ಸಮಿತಿ ಸಂಭಾವನೆಯನ್ನು ವಾರ್ಷಿಕ 40 ಲಕ್ಷ ರು.ನಿಂದ 60 ಲಕ್ಷ ರು ಗಳಿಗೆ ಏರಿಸಲಾಗಿದೆ.

ಮಾಜಿ ಆಲ್ ರೌಂಡರ್ ಹಾಗೂ 1983 ವಿಶ್ವಕಪ್ ವಿಜೇತ ತಂಡದ ಸದಸ್ಯ ರೋಜರ್ ಬಿನ್ನಿ ಅವರು ಶ್ರೀಕಾಂತ್ ಅವರ ಬದಲಿಗೆ ದಕ್ಷಿಣ ವಲಯ ಆಯ್ಕೆದಾರರಾಗಿ ಮಾತ್ರವಲ್ಲದೆ, ಮುಖ್ಯ ಆಯ್ಕೆದಾರರಾಗಿ ಕೂಡಾ ಆಯ್ಕೆಯಾಗುತ್ತಾರೆ ಎಂಬ ಸುದ್ದಿ ಹಬ್ಬಿತ್ತು.

ಆದರೆ, ಶ್ರೀಕಾಂತ್ ಅವರ ಸ್ಥಾನಕ್ಕೆ ಸಂದೀಪ್ ಪಾಟೀಲ್ ಅವರನ್ನು ಕೂರಿಸಲಾಗಿದೆ. ಸಂದೀಪ್ ಪಾಟೀಲ್ ಅವರು ಕೀನ್ಯಾ ಹಾಗೂ ಒಮನ್ ದೇಶದ ಕೋಚ್ ಆಗಿ ಕೂಡಾ ಅನುಭವ ಹೊಂದಿದ್ದಾರೆ.

Story first published:  Thursday, September 27, 2012, 15:34 [IST]
English summary
Former India batsman Sandeep Patil will take over from Kris Srikkanth as the chairman of BCCI's senior selection committee, it was decided at the Indian board's AGM here on Thursday(Sep.27).
ಅಭಿಪ್ರಾಯ ಬರೆಯಿರಿ