Englishहिन्दीമലയാളംதமிழ்తెలుగు

ವಿಶ್ವ ಟಿ20: ಸೆಹ್ವಾಗ್, ಭಜ್ಜಿಗೂ ಡೋಪಿಂಗ್ ಟೆಸ್ಟ್

Posted by:
Updated: Wednesday, September 26, 2012, 17:36 [IST]
 

ವಿಶ್ವ ಟಿ20: ಸೆಹ್ವಾಗ್, ಭಜ್ಜಿಗೂ ಡೋಪಿಂಗ್ ಟೆಸ್ಟ್
 

ಕೊಲಂಬೋ, ಸೆ.26: ವಿಶ್ವ ಟಿ20ಯಲ್ಲಿ ಲೀಗ್ ಹಂತ ಮುಗಿದು ಸೂಪರ್ 8 ಹಂತ ತಲುಪುತ್ತಿದ್ದಂತೆ ಕ್ರಿಕೆಟ್ ಅಭಿಮಾನಿಗಳಲ್ಲಿ ಕಾತುರ ಹೆಚ್ಚಾಗುತ್ತಿದೆ.

ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಸೂಪರ್ 8 ಪಂದ್ಯಕ್ಕೆ ಅಣಿಯಾಗುತ್ತಿರುವ ಟೀಂ ಇಂಡಿಯಾಗೆ ಐಸಿಸಿ ಕೊಂಚ ಕಿರಿಕಿರಿ ಉಂಟು ಮಾಡಿದೆ.

ನಾಯಕ ಎಂಎಸ್ ಧೋನಿ ಹಾಗೂ ಎಡಗೈ ಆಲ್ ರೌಂಡರ್ ಯುವರಾಜ್ ಸಿಂಗ್ ಅವರ ಡೋಪಿಂಗ್ ಟೆಸ್ಟ್ ಗೆ ಐಸಿಸಿ ಸೂಚಿಸಿತು.

ನಂತರ ಆರಂಭಿಕ ಆಟಗಾರ ವೀರೇಂದರ್ ಸೆಹ್ವಾಗ್ ಹಾಗೂ ಸ್ಪಿನ್ ಮಾಂತ್ರಿಕ ಹರ್ಭಜನ್ ಸಿಂಗ್ ಹಾಗೂ ಆರ್ ಅಶ್ವಿನ್ ಅವರಿಗೂ ಮಾದಕ ದ್ರವ್ಯ ಪರೀಕ್ಷೆ ಉದ್ದೀಪನ ದ್ರವ್ಯ ಸೇವನೆ ಪರೀಕ್ಷೆಗೆ ಒಳಗಾಗುವಂತೆ ಸೂಚಿಸಲಾಯಿತು.

ವಾಡಾ World Anti-Doping Agency ನಿಯಮಗಳನ್ನು ಅಳವಡಿಸಿಕೊಂಡಿರುವ ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಎಲ್ಲಾ ಕ್ರಿಕೆಟರ್ ಗಳಿಗೆ ಡೋಪಿಂಗ್ ಟೆಸ್ಟ್ ಕಡ್ಡಾಯಗೊಳಿಸಿದೆ.

ಕೊಲಂಬೋದಲ್ಲಿ ಅಭ್ಯಾಸ ನಿರತರಾಗಿದ್ದ ಭಾರತೀಯ ಆಟಗಾರರು ನಿಯಮದ ಪ್ರಕಾರ ಒಮ್ಮೆ ಡೋಪಿಂಗ್ ಪರೀಕ್ಷೆಗೆ ಒಳಗಾಗಿದ್ದಾರೆ. ಆದರೆ, ಕ್ಯಾನ್ಸರ್ ನಿಂದ ಚೇತರಿಸಿಕೊಂಡು ತಂಡಕ್ಕೆ ಮರಳಿರುವ ಟೀಂ ಇಂಡಿಯಾದ ವಿಶ್ವಕಪ್ ಹೀರೋ ಯುವರಾಜ್ ಸಿಂಗ್ ಅವರ ಮೇಲೆ ಅನೇಕ ಬಾರಿ ಡೋಪಿಂಗ್ ಟೆಸ್ಟ್ ಪ್ರಯೋಗ ನಡೆಸಲಾಗಿದೆ.

ಈ ಹಂತದಲ್ಲಿ ಸಿಟ್ಟಿಗೆದ್ದ ಯುವರಾಜ್ ಸಿಂಗ್ 'ಎಷ್ಟು ಬಾರಿ ಪರೀಕ್ಷೆ ನಡೆಸುತ್ತೀರಾ? ಎಂದು ಪ್ರಶ್ನಿಸಿದ ಘಟನೆಯೂ ನಡೆದಿದೆ.

ಸೂಪರ್ 8 ರಲ್ಲಿ ಎರಡನೇ ಗುಂಪಿನಲ್ಲಿರುವ ಭಾರತ ಸೂಪರ್ 8 ನಲ್ಲಿ ಸೆ.28ರಂದು ಆಸ್ಟ್ರೇಲಿಯಾ, ಸೆ.30 ರಂದು ಪಾಕಿಸ್ತಾನ ಹಾಗೂ ಅ.2 ರಂದು ದಕ್ಷಿಣ ಆಫ್ರಿಕಾವನ್ನು ಎದುರಿಸಲಿದೆ.

ಸೂಪರ್‌-8ನಲ್ಲಿ ತಲಾ 4 ತಂಡಗಳ 2 ವಿಭಾಗಗಳಿವೆ. ಮೊದಲ ವಿಭಾಗದಲ್ಲಿ ಶ್ರೀಲಂಕಾ, ನ್ಯೂಜಿಲೆಂಡ್, ಇಂಗ್ಲೆಂಡ್, ವೆಸ್ಟ್ ಇಂಡೀಸ್ ತಂಡಗಳಿದೆ. ಎರಡನೇ ವಿಭಾಗದಲ್ಲಿ ಭಾರತ, ದಕ್ಷಿಣ ಆಫ್ರಿಕಾ, ಪಾಕಿಸ್ತಾನ ಹಾಗೂ ಆಸ್ಟ್ರೇಲಿಯ ತಂಡಗಳಿದೆ. ಅ. 27ರಂದು ಆರಂಭವಾಗಲಿದ್ದು, ಮೊದಲ ಪಂದ್ಯದಲ್ಲಿ ಶ್ರೀಲಂಕಾ ಹಾಗೂ ನ್ಯೂಜಿಲೆಂಡ್ ಸೆಣಸಾಡಲಿದೆ.

Story first published:  Wednesday, September 26, 2012, 17:34 [IST]
English summary
Indian cricketers Virender Sehwag, Harbhajan Singh and R Ashwin underwent a dope test ahead of their Super Eight clash against Australia at Colombo on Tuesday(Sept.26).
ಅಭಿಪ್ರಾಯ ಬರೆಯಿರಿ