Englishहिन्दीമലയാളംதமிழ்తెలుగు

ಶ್ರೀಲಂಕನ್ನರಿಗೆ ಚಳಿ ಬಿಡಿಸಿದ ದಕ್ಷಿಣ ಆಫ್ರಿಕಾ

Posted by:
Updated: Sunday, September 23, 2012, 23:20 [IST]
 

ಶ್ರೀಲಂಕನ್ನರಿಗೆ ಚಳಿ ಬಿಡಿಸಿದ ದಕ್ಷಿಣ ಆಫ್ರಿಕಾ
 

ಕೊಲಂಬೋ, ಸೆ.23: ವಿಶ್ವ ಟಿ20 'ಸಿ' ಗುಂಪಿನ ಪಂದ್ಯದಲ್ಲಿ ಶನಿವಾರ ದಕ್ಷಿಣ ಆಫ್ರಿಕಾ ತಂಡ ಶ್ರೀಲಂಕಾವನ್ನು 32 ರನ್‌ಗಳಿಂದ ಸೋಲಿಸಿದೆ. ಮಳೆಗೆ ಆಹುತಿಯಾಗಿದ್ದ ಪಂದ್ಯವನ್ನು 7 ಓವರ್ ಗಳಿಗೆ ಸೀಮಿತಗೊಳಿಸಲಾಗಿತ್ತು.

ಟಾಸ್ ಸೋತು ಫೀಲ್ಡಿಂಗ್ ಮಾಡಿದ ಲಂಕಾ ತಂಡ ವಿರುದ್ಧ ದಕ್ಷಿಣ ಆಫ್ರಿಕಾ ತಂಡ ಭರ್ಜರಿಯಾಗಿ 79 ರನ್ ಗಳನ್ನು ಮಾಡಿತು. ಆಫ್ರಿಕನ್ನರ ಸವಾಲು ಸ್ವೀಕರಿಸಿದ ಲಂಕನ್ನರು ನಿಗದಿತ ಓವರ್ ಗಳಲ್ಲಿ ಐದು ವಿಕೆಟ್ ನಷ್ಟದಲ್ಲಿ 46 ರನ್ ಮಾಡಿ ಸೋಲೊಪ್ಪಿಕೊಂಡಿತು. [ಸ್ಕೋರ್ ಕಾರ್ಡ್ ನೋಡಿ]

# ಇದು ಶ್ರೀಲಂಕಾ ಮತ್ತು ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಟ್ವೆಂಟಿ20 ಪಂದ್ಯವಾಗಿತ್ತು.
# 8 ತಿಂಗಳಿನಿಂದ ಸುರಿಯದಿದ್ದ ಮಳೆ ಈ ಪಂದ್ಯಕ್ಕೆ ಅಡ್ಡಿ ಒಡ್ಡಿದ್ದು ಸ್ಥಳೀಯರಿಗೆ ಅಚ್ಚರಿ ಉಂಟು ಮಾಡಿದೆ.
# ವಿಶ್ವ ಟಿ20ಯಲ್ಲಿ ಇದುವರೆವಿಗೂ 12 ಪಂದ್ಯಗಳಲ್ಲಿ 409 ರನ್ ಗಳಿಸಿ ಕಾಲಿಸ್ ಉತ್ತಮ ಪ್ರದರ್ಶನ ನೀಡಿದ್ದಾರೆ.
# ಎಬಿ ಡಿವಿಲೆಯರ್ಸ್ 30 ರನ್(13 ಎಸೆತ) ದಕ್ಷಿಣ ಆಫ್ರಿಕಾಗೆ ಉಪಯುಕ್ತವಾಗಿ ಪರಿಣಮಿಸಿತು.
# ಶ್ರೀಲಂಕಾ 7 ಓವರ್ ಗಳಲ್ಲಿ ಆಫ್ರಿಕಾದ 4 ವಿಕೆಟ್ ಕಿತ್ತರೂ ಹೆಚ್ಚು ರನ್ ಹರಿಯಲು ಬಿಟ್ಟರು.
# ಅಂತಿಮ ಎರಡು ಎಸೆತಗಳಲ್ಲಿ ಡುಮಿನಿ 1 ಬೌಂಡರಿ ಮತ್ತು 1 ಸಿಕ್ಸರ್ ಬಾರಿಸಿ ತಂಡದ ಸ್ಕೋರ್‌ನ್ನು 78ಕ್ಕೇರಿಸಿದರು.
# ಲಂಕಾದ ಕುಲಶೇಖರ, ಮಾಲಿಂಗ, ಹೆರಾತ್ ಮತ್ತು ಪೆರೆರಾ ತಲಾ 1 ವಿಕೆಟ್ ಪಡೆದರು.

# ಎರಡು ತಂಡಗಳು ತಮ್ಮ ಇನ್ನಿಂಗ್ಸ್ ನ ಮೊದಲ ಓವರ್ ನಲ್ಲೇ ಮೊದಲ ವಿಕೆಟ್ ಕಳೆದುಕೊಂಡಿದ್ದು ವಿಶೇಷ
# ಸಂಗಕ್ಕಾರ ನೀಡಿದ ಕ್ಯಾಚನ್ನು ಪ್ಲೆಸ್ಸಿಸ್ ಹಾಗೂ ಆಲ್ಬಿ ಮಾರ್ಕೆಲ್ ಕೈ ಚಲ್ಲಿದರು. ಕೊನೆಗೆ ಕಾಲಿಸ್ ಬೌಲಿಂಗ್ ನಲ್ಲಿ ಸಂಗಾ ಔಟಾದರು.
# 24 ರನ್ ರೇಟ್ ದರದಲ್ಲಿ ರನ್ ಗಳಿಸಬೇಕಾಗಿದ್ದಾಗ ಲಂಕಾ 6.20 ರನ್ ರೇಟ್ ಹೊಂದಿತ್ತು.
# ಲಂಕಾ 7 ಓವರ್ ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 46 ರನ್ ಗಳಿಸಿ ಪಂದ್ಯ ಸೋಲೊಪ್ಪಿಕೊಂಡಿತು.
# ಮುನಾವೀರ ಮತ್ತು ಕುಮಾರ ಸಂಗಕ್ಕಾರ ದಾಖಲಿಸಿದ ತಲಾ 13 ರನ್‌ಗಳು ತಂಡದ ಪರ ದಾಖಲಾದ ಗರಿಷ್ಠ ಸ್ಕೋರ್
# ಡೇಲ್ ಸ್ಟೇಯ್ನೆ (2-10), ಜಾಕ್ ಕಾಲಿಸ್ (1-9) ಮತ್ತು ಅಲ್ಬೀ ಮೊರ್ಕೆಲ್(1-8) ದಾಳಿ ಎದುರಿಸಲು ಲಂಕನ್ನರು ಪರದಾಡಿದರು.

Story first published:  Sunday, September 23, 2012, 15:04 [IST]
English summary
An all-round display from the Proteas saw tehm finish as table toppers, as they beat Sri Lanka by 32 runs after restricting them to 46/5 in 7 overs in a rain-hit group match at Hambantota on Saturday.
ಅಭಿಪ್ರಾಯ ಬರೆಯಿರಿ