Englishहिन्दीമലയാളംதமிழ்తెలుగు

ಜಿಂಬಾಬ್ವೆಯನ್ನು ಹೊರಗಟ್ಟಿದ ದಕ್ಷಿಣ ಆಫ್ರಿಕಾ

Posted by:
Published: Thursday, September 20, 2012, 22:55 [IST]
 

ಜಿಂಬಾಬ್ವೆಯನ್ನು ಹೊರಗಟ್ಟಿದ ದಕ್ಷಿಣ ಆಫ್ರಿಕಾ
 

ಹಂಬನ್ಟೋಟಾ, ಸೆ.20: ಟಿ20 ಮಾದರಿಯಲ್ಲಿ ಸತತವಾಗಿ 14 ಸೋಲು ಕಂಡಿರುವ ಜಿಂಬಾಬ್ವೆ ತಂಡ ಐಸಿಸಿ ವಿಶ್ವ ಟಿ 20 ಯಿಂದ ಹೊರಬಿದ್ದ ಮೊದಲ ತಂಡ ಎನಿಸಿದೆ. ಗುರುವಾರ (ಸೆ.20) ಇಲ್ಲಿ ನಡೆದ ಸಿ ಗುಂಪಿನ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡ ಜಿಂಬಾಬ್ವೆವನ್ನು 10 ವಿಕೆಟ್ ಗಳಿಂದ ಸುಲಭವಾಗಿ ಸೋಲಿಸಿದೆ.

ಗೆಲ್ಲಲು ಬೇಕಿದ್ದ 94 ರನ್ ಗಳನ್ನು ವಿಕೆಟ್ ನಷ್ಟವಿಲ್ಲದೆ 12.4 ಓವರ್ ಗಳಲ್ಲಿ ದಕ್ಷಿಣ ಆಫ್ರಿಕಾ ಗಳಿಸಿತು. ರಿಚರ್ಡ್ ಲೆವಿ 44 ಎಸೆತದಲ್ಲಿ 50ರನ್(6 ಬೌಂಡರಿ) ಹಾಗೂ ಹಶೀಂ ಆಮ್ಲಾ 33 ಎಸೆತದಲ್ಲಿ 32ರನ್(3 ಬೌಂಡರಿ) ಹೊಡೆದು ಪಂದ್ಯವನ್ನು ಬೇಗ ಮುಗಿಸಿಬಿಟ್ಟರು. [ಸ್ಕೋರ್ ಕಾರ್ಡ್]

ಜಿಂಬಾಬ್ವೆ ಇನ್ನಿಂಗ್ಸ್ : ಟಾಸ್ ಸೋತರೂ ಮೊದಲು ಬ್ಯಾಟಿಂಗ್ ಅವಕಾಶ ಪಡೆದ ಜಿಂಬಾಬ್ವೆ ತಂಡ ದಕ್ಷಿಣ ಆಫ್ರಿಕಾ ತಂಡದ ವೇಗದ ಬೌಲರ್ ಗಳ ಕರಾರುವಾಕ್ ಬೌಲಿಂಗ್ ಗೆ ತತ್ತರಿಸಿಬಿಟ್ಟಿತು.

ಕ್ರೇಗ್ ಇರ್ವಿನ್ ಮಾತ್ರ 37ರನ್ (40 ಎಸೆತ, 4 ಬೌಂಡರಿ) ಏಕಾಂಗಿ ಹೋರಾಟ ನಡೆಸಿದ್ದು ಪ್ರಯೋಜನಕ್ಕೆ ಬರಲಿಲ್ಲ. ಇರ್ವಿನ್ ಬಿಟ್ಟರೆ ಸ್ಟುವರ್ಟ್ ಮತ್ಸಿಕೆನ್ಯೆರಿ ಮಾತ್ರ 11 ರನ್ ಗಳಿಸಿದರು ಉಳಿದವರು 10ರನ್ ಗಡಿ ದಾಟಲಿಲ್ಲ.

ಡೇಲ್ ಸ್ಟೇಯ್ನ್ 4 ಓವರ್ ಎಸೆದು ಕೇವಲ 9 ರನ್ ನೀಡಿ 1 ವಿಕೆಟ್ ಕಿತ್ತರು. ಮಾರ್ನೆ ಮಾರ್ಕೆಲ್ 16 ರನ್ ನೀಡಿ 2 ವಿಕೆಟ್ ಕಬಳಿಸಿದರು. ಆಲ್ಬಿ ಮಾರ್ಕೆಲ್ 1 ವಿಕೆಟ್ ಪಡೆದರೆ, ಪಂದ್ಯಶ್ರೇಷ್ಥ ಪ್ರದರ್ಶನ ನೀಡಿದ ಜಾಕ್ ಕಾಲಿಸ್ 4 ಓವರ್ ಗಳಲ್ಲಿ 1 ಮೇಡನ್ ಎಸೆದು 15 ರನ್ ನೀಡಿ 4 ವಿಕೆಟ್ ಉದುರಿಸಿದರು.

ಮೊದಲ ಪಂದ್ಯದಲ್ಲಿ ಅಜಂತಾ ಮೆಂಡಿಸ್ ಸ್ಪಿನ್ ಜಾದೂ (6/8)ಗೆ ಬಲಿಯಾದ ಜಿಂಬಾಬ್ವೆ, ಗುರುವಾರ ದಕ್ಷಿಣ ಆಫ್ರಿಕಾಗೆ ಸೋತಿದೆ. ಆಡಿದ ಎರಡು ಪಂದ್ಯಗಳನ್ನು ಸೋತಿರುವುದರಿಂದ ಟೂರ್ನಿಯಿಂದ ಹೊರಬಿದ್ದಿದೆ. ದಕ್ಷಿಣ ಆಫ್ರಿಕಾ ಹಾಗೂ ಶ್ರೀಲಂಕಾ ತಂಡ ಸೂಪರ್ 8 ಹಂತಕ್ಕೇರಿದೆ.

English summary
South Africa crushed Zimbabwe by 10 wickets to reach the Super Eight stage at the ICC World Twenty20 2012 here on Thursday night. The defeat meant Zimbabwe return home without a win. Sri Lanka are the other team to join South Africa in Super Eight from Group C.
ಅಭಿಪ್ರಾಯ ಬರೆಯಿರಿ