Englishहिन्दीമലയാളംதமிழ்తెలుగు

ಮೆಂಡಿಸ್ ಸ್ಪಿನ್ ಜಾದೂ, ಲಂಕೆಗೆ ಭರ್ಜರಿ ಜಯ

Posted by:
Updated: Tuesday, September 18, 2012, 23:20 [IST]
 

ಮೆಂಡಿಸ್ ಸ್ಪಿನ್ ಜಾದೂ, ಲಂಕೆಗೆ ಭರ್ಜರಿ ಜಯ
 

ಕೊಲಂಬೋ, ಸೆ.18: ಕ್ರಿಕೆಟ್ ಅಭಿಮಾನಿಗಳ ಬಹುನಿರೀಕ್ಷಿತ ವಿಶ್ವ ಟಿ20 ಟೂರ್ನಿ ಶ್ರೀಲಂಕಾದಲ್ಲಿ ಮಂಗಳವಾರ(ಸೆ.18) ಆರಂಭಗೊಂಡಿದೆ. ಉದ್ಘಾಟನಾ ಪಂದ್ಯದಲ್ಲಿ ಅತಿಥೇಯ ಶ್ರೀಲಂಕಾ ತಂಡ ಜಿಂಬಾಬ್ವೆ ತಂಡವನ್ನು 82 ರನ್ ಗಳಿಂದ ಸುಲಭವಾಗಿ ಸೋಲಿಸಿದೆ.

ಶ್ರೀಲಂಕಾ ಒಡ್ಡಿದ್ದ 183 ರನ್ ಬೆನ್ನೆಟ್ಟಿದ ಜಿಂಬಾಬ್ವೆ ತಂಡ 100 ರನ್ ಮಾತ್ರ ಗಳಿಸಿ ಸೋಲೊಪ್ಪಿಕೊಂಡಿದೆ. ಲಂಕಾ ಸ್ಪಿನ್ ಅವಳಿಗಳಾದ ಜೀವನ್, ಅಜಂತಾ ಮೋಡಿಗೆ ಸಿಲುಕಿದ ಜಿಂಬಾಬ್ವೆ ತತ್ತರಿಸಿಬಿಟ್ಟಿತು. 8 ರನ್ನಿತ್ತು 6 ವಿಕೆಟ್ ಪಡೆದ ಅಜಂತಾ ಅದ್ಭುತ ಸ್ಪಿನ್ ಜಾದೂಗೆ ಜಿಂಬಾಬ್ವೆ ತಲೆಬಾಗಿತು. ಅಜಂತಾ ಮೆಂಡಿಸ್ ಬೌಲಿಂಗ್ 4-2-8-6.

ಆರಂಭಿಕ ಆಟಗಾರ ಮಸಕಡ್ಜ ಬಿಟ್ಟರೆ ಉಳಿದ ಆಟಗಾರರು ಹೆಚ್ಚು ಹೊತ್ತು ಕ್ರೀಸ್ ನಲ್ಲಿ ನಿಲ್ಲಲಿಲ್ಲ. ಮಸಕಡ್ಜ 3 ಬೌಂಡರಿಯಿದ್ದ 20 ರನ್ ಮಾಡಿದರು. ಸಿಬಾಂಡಾ 11 ರನ್ ಗಳಿಸಿ ಔಟಾದರೆ, ನಾಯಕ ಬ್ರೆಂಡನ್ ಟೇಲರ್ ಶೂನ್ಯ ಸುತ್ತಿ ಪೆವಿಲಿಯನ್ ಗೆ ಮರಳಿದರು.

43 ರನ್ ಗಳಿಗೆ 3 ವಿಕೆಟ್ ಕಳೆದುಕೊಂಡ ಮತ್ತೆ ಚೇತರಿಸಿಕೊಳ್ಳಲೇ ಇಲ್ಲ. ನಿರಂತರವಾಗಿ ವಿಕೆಟ್ ಕಳೆದುಕೊಂಡಿತು. [ಸ್ಕೋರ್ ಕಾರ್ಡ್ ನೋಡಿ]

ಚಿಂಗಂಬುರ 19ರನ್ ಗಳಿಸಿ ಕೊಂಚ ಪ್ರತಿರೋಧ ತೋರಿದರು. ಚಿಂಗುಂಬರ ಜೊತೆಗೆ ಕ್ರೆಗ್ ಇರ್ವಿನ್ ಕೆಲ ಕಾಲ ಕ್ರೀಸ್ ಹಂಚಿಕೊಂಡರು. ಉಳಿದಂತೆ ಕ್ರೆಮರ್ 17 ರನ್ ಗಳಿಸಿ ಔಟಾದರು. ಅದರೆ, ಅಜಂತಾ ಜೊತೆಗೆ ಉತ್ತಮ ಬೌಲಿಂಗ್ ಪ್ರದರ್ಶನ ನೀಡಿದ ಜೀವನ್ 3 ವಿಕೆಟ್ ಗಳಿಸಿದರು. ಲಸಿಂತ್ ಮಾಲಿಂಗ ಅಂತಿಮ ವಿಕೆಟ್ ಪಡೆದು ಜಯಭೇರಿ ಬಾರಿಸಿದರು.

ಇದಕ್ಕೂ ಮುನ್ನ ಟಾಸ್ ಸೋತರೂ ಬ್ಯಾಟಿಂಗ್ ಪಡೆದ ಶ್ರೀಲಂಕಾ ಆರಂಭದಲ್ಲಿ ಅಳುಕಿನಿಂದಲೇ ರನ್ ಗಳಿಸಿತು. ಮೊದಲ ಪಂದ್ಯವಾಡುತ್ತಿರುವ ಮುನವೀರ 17 ರನ್ ಗಳಿಸಿ ಔಟಾದರೆ, ತಿಲಕರತ್ನೆ ದಿಲ್ಶನ್ 28 ಎಸೆತದಲ್ಲಿ 5 ಬೌಂಡರಿ ಇದ್ದ 39 ರನ್ ಗಳಿಸಿ ಉತ್ತಮ ಅಡಿಪಾಯ ಹಾಕಿಕೊಟ್ಟರು.

ನಾಯಕ ಜಯವರ್ಧನೆ 13 ರನ್ ಗಳಿಸಿ ಔಟಾದರೆ, ಕುಮಾರ್ ಸಂಗಕ್ಕಾರ 26 ಎಸೆತದಲ್ಲಿ 44 ರನ್ (2 ಬೌಂಡರಿ, 1 ಸಿಕ್ಸರ್) ಹಾಗೂ ಜೀವನ್ ಮೆಂಡಿಸ್ 43 ರನ್ (30 ಎಸೆತ, 4 ಬೌಂಡರಿ, 1 ಸಿಕ್ಸರ್) ಗಳಿಸಿ ತಂಡದ ಮೊತ್ತವನ್ನು ಹೆಚ್ಚಿಸಿದರು. ಜಿಂಬಾಬ್ವೆ ಪರ ಕ್ರೆಮರ್ ಮಾತ್ರ ವಿಕೆಟ್ ಪಡೆದ ಏಕೈಕ ಬೌಲರ್ ಎನಿಸಿದರು.

Story first published:  Tuesday, September 18, 2012, 22:55 [IST]
English summary
It was Mendis duo's magic that crushed Zimbabwe in the opening match of the ICC World Twenty20 2012 here on Tuesday night. Jeevan Mendis and Ajantha Mendis shared nine wickets between them to give the hosts a huge 82-run victory at the Mahinda Rajapaksa International Cricket Stadium. Zimbabwe were spun out fo
ಅಭಿಪ್ರಾಯ ಬರೆಯಿರಿ