Englishहिन्दीമലയാളംதமிழ்తెలుగు

ಮೂಢನಂಬಿಕೆಗೆ ಕ್ರಿಕೆಟ್ ಚೆಂದದ ಜರ್ಸಿ ಬಲಿ

Posted by:
Updated: Friday, September 14, 2012, 11:50 [IST]
 

ನವದೆಹಲಿ, ಸೆ.14: ಟೀಂ ಇಂಡಿಯಾದ ಟ್ವೆಂಟಿ 20 ತಂಡದ ಆಟಗಾರರಿಗೆ ತ್ರಿವರ್ಣ ಧ್ವಜವುಳ್ಳ ಜರ್ಸಿ ಸಿಕ್ಕ ಸಂತೋಷ ಟುಸ್ ಆಗಿದೆ. ಶ್ರೀಲಂಕಾದಲ್ಲಿ ನಡೆಯಲಿರುವ ಟ್ವೆಂಟಿ 20 ವಿಶ್ವಕಪ್‌ನಲ್ಲಿ ಟೀಂ ಇಂಡಿಯಾ ವಿಶ್ವಕಪ್ ಗೆದ್ದಾಗ ಧರಿಸಿದ್ದ ಬಣ್ಣದ ದಿರಿಸನ್ನೇ ಹಾಕಿಕೊಳ್ಳಲಿ ಎಂದು ಬಿಸಿಸಿಐ ಬಿಗ್ ಬಾಸ್ ಆದೇಶ ನೀಡಿದ್ದಾರೆ.

ಹೀಗಾಗಿ ಭಾರತೀಯ ಕ್ರಿಕೆಟ್ ತಂಡಕ್ಕಾಗಿ ನೈಕ್ ಕಂಪೆನಿ ವಿನೂತನ ತಂತ್ರಜ್ಞಾನ ಬಳಸಿ ಸಿದ್ದಪಡಿಸಿದ್ದ ಜರ್ಸಿ  ಧರಿಸುವ ಯೋಗ ನಮ್ಮ ಕ್ರಿಕೆಟರ್ ಗಳಿಗೆ ಸದ್ಯಕ್ಕಿಲ್ಲ. ಜರ್ಸಿ ಬಗ್ಗೆ ನಾಯಕ ಧೋನಿ ಮೆಚ್ಚುಗೆಯ ಮಾತುಗಳನ್ನಾಡಿದ್ದರು.

ಟೆಸ್ಟ್, ಏಕದಿನ ಪಂದ್ಯ ಹಾಗೂ ಟಿ20 ಪಂದ್ಯಕ್ಕೆ ವೈವಿಧ್ಯಮಯ ಜರ್ಸಿಗಳು ಅಗತ್ಯವಿದ್ದು, ಅಗತ್ಯಕ್ಕೆ ತಕ್ಕಂತೆ ಜರ್ಸಿಗಳನ್ನು ಪಡೆಯುತ್ತಿದ್ದೇವೆ. ಅಭಿಮಾನಿಗಳಿಗೆ ಕೂಡಾ ಇದು ಆಕರ್ಷಕವಾಗಿ ಕಾಣಲಿದೆ. ಟಿ20ಗೆ ಪ್ರತ್ಯೇಕ ಜರ್ಸಿ ಅಗತ್ಯತೆ ಬಗ್ಗೆ ಬಿಸಿಸಿಐಗೆ ಮನವರಿಕೆಯಾಗಿರುವುದು ಸ್ವಾಗತಾರ್ಹ ಎಂದು ಧೋನಿ ಹೇಳಿದರು.

ಸಾಮಾನ್ಯವಾಗಿ ಧರಿಸಲ್ಪಡುವ ಜರ್ಸಿಗಳಿಗಿಂತ ಈ ಹೊಸ ಜರ್ಸಿ ಶೇ 43 ರಷ್ಟು ಹಗುರವಾಗಿದ್ದು, ಏಕದಿನ ಪಂದ್ಯಕ್ಕೆ ಧರಿಸುವ ಜರ್ಸಿಗಿಂತ ಗಾಢ ಬಣ್ಣವನ್ನು ಹೊಂದಿದೆ. ಈ ಹೊಸ ಜರ್ಸಿಯಲ್ಲಿ ತ್ರಿವರ್ಣ ಧ್ವಜವನ್ನು ಜಾಣ್ಮೆಯಿಂದ ವಿನ್ಯಾಸಗೊಳಿಸಿ ಸೇರಿಸಲಾಗಿದ್ದು, ಹೊಸ ಟ್ರೆಂಡ್ ಹುಟ್ಟಿಹಾಕಲಿದೆ ಎಂದು ಧೋನಿ ಅಭಿಪ್ರಾಯಪಟ್ಟಿದ್ದಾರೆ.

ವಿಚಿತ್ರ ನಿರ್ಧಾರಕ್ಕೆ ಕಾರಣ ಏನು?: ಬಿಸಿಸಿಐ ಅಧ್ಯಕ್ಷ ಶ್ರೀನಿವಾಸನ್ ಅವರ ಮೂಢನಂಬಿಕೆಗಳೇ ಇದಕ್ಕೆ ಕಾರಣ. ಹಿಂದಿನ ಬಣ್ಣದ ಧಿರಿಸೇ ಭಾರತೀಯ ತಂಡಕ್ಕೆ ಅದೃಷ್ಟ ತರಬಲ್ಲುದು ಎಂಬುದು ಅವರ ನಂಬಿಕೆ. ಈ ಕುರಿತಾದ ನಿರ್ಧಾರವನ್ನು ನೈಕ್ ಕಂಪೆನಿಗೂ ತಿಳಿಸಲಾಗಿದೆ.

ಶ್ರೀನಿವಾಸನ್ ಪ್ರತಿಯೊಂದಕ್ಕೂ ವಾಸ್ತುತಜ್ಞ, ಸಂಖ್ಯಾಶಾಸ್ತ್ರಜ್ಞ ರೊಬ್ಬರ ಸಲಹೆ ಪಡೆದು ಮುಂದಿನೆ ಹೆಜ್ಜೆ ಇಡುತ್ತಿದಾರೆ. ಚಿಪಾಕ್ ಸ್ಟೇಡಿಯಂನ ಹೊರಗಡೆ ಗಣೇಶ ಮಂದಿರವೊಂದನ್ನು ನಿರ್ಮಿಸಿದ್ದಾರೆ. ವಿಶ್ವಕಪ್‌ಗೆ ಭಾರತೀಯ ತಂಡವನ್ನು 2011ರ ಜನವರಿ 15ರಂದು ಆಯ್ಕೆಮಾಡಲಾಗಿದ್ದರೂ ಅದನ್ನು ಮರುದಿನ ಪ್ರಕಟಿಸಲು ಕೂಡ ಈ ವಾಸ್ತುತಜರ ಸಲಹೆ ಕಾರಣವಂತೆ.

16ನೇ ತಾರೀಕಿನ ಅಂಕೆಗಳ ಒಟ್ಟು ಮೊತ್ತ 7 ಆಗುವುದರಿಂದ ಧೋನಿಗೆ ಅದು ಅದೃಷ್ಟದ ಸಂಖ್ಯೆ ಎಂಬುದು ಇದರ ಹಿಂದಿರುವ ರಹಸ್ಯ ಎನ್ನಲಾಗಿದೆ.
ವಿಶ್ವಕಪ್ ಟಿ20 ಪಂದ್ಯ ಶ್ರೀಲಂಕಾದಲ್ಲಿ ಸೆಪ್ಟೆಂಬರ್ 18 ರಿಂದ ಅಕ್ಟೋಬರ್ 7 ರ ತನಕ ನಡೆಯಲಿದೆ. 2007ರಲ್ಲಿ ನಡೆದ ಮೊದಲ ಟಿ20 ವಿಶ್ವಕಪ್ ಅನ್ನು ಧೋನಿ ನೇತೃತ್ವದ ಟೀಂ ಇಂಡಿಯಾ ಗೆದ್ದುಕೊಂಡಿತ್ತು.

ಐಸಿಸಿ ಟಿ20 ವಿಶ್ವಕಪ್ ಗೆ ತಂಡ:
* ಎಂಎಸ್ ಧೋನಿ(ನಾಯಕ),
* ವಿರೇಂದ್ರ ಸೆಹ್ವಾಗ್,
* ಗೌತಮ್ ಗಂಭೀರ್,
* ಸುರೇಶ್ ರೈನಾ,
* ವಿರಾಟ್ ಕೊಹ್ಲಿ
* ಯುವರಾಜ್ ಸಿಂಗ್,
* ಇರ್ಫಾನ್ ಪಠಾಣ್,
* ಆರ್ ಅಶ್ವಿನ್,
* ಜಹೀರ್ ಖಾನ್,
* ಎಲ್ ಬಾಲಾಜಿ,
* ಅಶೋಕ್ ದಿಂಡಾ,
* ರೋಹಿತ್ ಶರ್ಮ,
* ಪಿಯೂಶ್ ಚಾವ್ಲಾ,
* ಹರ್ಭಜನ್ ಸಿಂಗ್,
* ಮನೋಜ್ ತಿವಾರಿ

Story first published:  Friday, September 14, 2012, 11:44 [IST]
English summary
Having unveiled its official T20 jersey that is trendy and stylish, that was refreshing when compared to the ODI jersey will have to wait to make its debut, as BCCI has refused to provide new kits to the Indian cricket.
ಅಭಿಪ್ರಾಯ ಬರೆಯಿರಿ