Englishहिन्दीമലയാളംதமிழ்తెలుగు

T20 rank: ಆಸೀಸ್ ದುಃಸ್ಥಿತಿ, ಇಂಡಿಯಾ 5ನೇ ಸ್ಥಾನ

Written by:
Published: Monday, September 10, 2012, 11:23 [IST]
 

T20 rank: ಆಸೀಸ್ ದುಃಸ್ಥಿತಿ, ಇಂಡಿಯಾ 5ನೇ ಸ್ಥಾನ
 

ಬೆಂಗಳೂರು, ಸೆ.10: ಟ್ವೆಂಟಿ-20 ವಿಶ್ವಕಪ್ ಗೂ ಮುನ್ನ ಅತ್ಯಂತ ಕಳಪೆ ಶ್ರೇಯಾಂಕ ಹೊತ್ತು ಆಸ್ಟ್ರೇಲಿಯಾ ಕಣಕ್ಕಿಳಿಯಲಿದೆ. ಐಸಿಸಿ ಪ್ರಕಟಿಸಿರುವ ಇತ್ತೀಚಿನ ಶ್ರೇಯಾಂಕ ಪಟ್ಟಿಯಲ್ಲಿ ಆಸೀಸ್ ತಂಡ ಐರ್ಲೆಂಡ್ ತಂಡಕ್ಕಿಂತ ಕೆಳಗಿದೆ. ಭಾರತ ತಂಡ ಸದ್ಯಕ್ಕೆ 5ನೇ ಸ್ಥಾನದಲ್ಲಿ ಭದ್ರವಾಗಿ ಕುಳಿತಿದೆ.

ಆಸ್ಟ್ರೇಲಿಯದ್ದು ಭಾರೀ ದುರಂತದ ಸ್ಥಿತಿಯಾಗಿದೆ. ಅದು ಬಾಂಗ್ಲಾದೇಶ ಮತ್ತು ಐರ್ಲೆಂಡ್ ಗಳಿಗಿಂತಲೂ ಕೆಳಗಿನ ಸ್ಥಾನದಲ್ಲಿದೆ. ದಕ್ಷಿಣ ಆಫ್ರಿಕಾ ಮೊದಲ ಸ್ಥಾನದಲ್ಲಿದ್ದರೆ, ಇಂಗ್ಲೆಂಡ್ ಎರಡನೇ ಸ್ಥಾನದಲ್ಲಿದೆ. ಮೂರನೇ ಸ್ಥಾನದಲ್ಲಿ ಶ್ರೀಲಂಕಾ ಇದ್ದು ಪಾಕಿಸ್ತಾನ ನಾಲ್ಕನೇ ಸ್ಥಾನ ಪಡೆದು ಕೊಂಡಿದೆ.

ಭಾರತ ಐದು, ವೆಸ್ಟ್ ಇಂಡೀಸ್ ಆರನೇ ಸ್ಥಾನ ಪಡೆದಿವೆ. ನ್ಯೂಜಿಲೆಂಡ್‌ನದ್ದು 7ನೇ ಸ್ಥಾನ. ಆ ಬಳಿಕ ಬಾಂಗ್ಲಾದೇಶ, ಐರ್ಲೆಂಡ್ ಇದ್ದರೆ, ಆಸ್ಟ್ರೇಲಿಯ 10ನೇ ಸ್ಥಾನಕ್ಕೆ ಕುಸಿದು ಮುಖಭಂಗ ಅನುಭವಿಸಿದೆ. ಜಿಂಬಾಬ್ವೆ 11ನೇ ಸ್ಥಾನ ಪಡೆದು ಕೊನೆಯಲ್ಲಿದೆ.

ಸೆ.18 ರಿಂದ ಟ್ವೆಂಟಿ-20 ವಿಶ್ವಕಪ್ ಪಂದ್ಯಾವಳಿ ನಡೆಯಲಿದ್ದು, ಅಕ್ಟೋಬರ್ 7 ರ ತನಕ ಕ್ರೀಡಾಭಿಮಾನಿಗಳನ್ನು ಹಿಡಿದಿಡಲಿದೆ. ಈ ಟೂರ್ನಿ ನಂತರ ಈಗಿನ ಶ್ರೇಯಾಂಕ ಪಟ್ಟಿಯಲ್ಲಿ ಏರುಪೇರಾಗುವ ಸಾಧ್ಯತೆ ಹೆಚ್ಚಿದೆ. ಆಸ್ಟ್ರೇಲಿಯ ಇತ್ತೀಚೆಗೆ ಆಡಿದ 13 ಪಂದ್ಯಗಳಲ್ಲಿ 4ರಲ್ಲಿ ಮಾತ್ರ ಜಯ ಸಾಧಿಸಿದೆ.

ಇದೇ ತಿಂಗಳು ನಡೆಯಲಿರುವ ಟ್ವೆಂಟಿ-20 ವಿಶ್ವಕಪ್‌ನಲ್ಲಿ ಪಾಕಿಸ್ತಾನ ಹಾಗೂ ಭಾರತ ತಂಡಗಳು ಚಾಂಪಿಯನ್ ಅಗುವುದರಲ್ಲಿ ಫೇವರಿಟ್ ಎಂದು ಪಾಕಿಸ್ಥಾನ ನಾಯಕ ಮಿಸ್ಬಾ ಉಲ್ ಹಕ್ ಅಭಿಪ್ರಾಯಪಟ್ಟಿದ್ದಾರೆ.

ಶ್ರೀಲಂಕಾದಲ್ಲಿ ಟ್ವೆಂಟಿ-20 ವಿಶ್ವಕಪ್ ನಡೆಯಲಿದ್ದು ಇಲ್ಲಿನ ಮೈದಾನಗಳು ವೇಗಿಗಳಿಗೆ ಅಥವಾ ಸ್ಪಿನ್ನರುಗಳಿಗೆ ನೆರವು ಕೊಡುವುದಿಲ್ಲ. ಆದರೂ ನಮ್ಮ ಹಾಗೂ ಭಾರತ ತಂಡಗಳು ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡ ಎಂದಿರುವ ಮಿಸ್ಬಾ, ವೆಸ್ಟ್‌ಇಂಡೀಸ್, ಇಂಗ್ಲೆಂಡ್ ಹಾಗೂ ಆಸ್ಟ್ರೇಲಿಯಾ ತಂಡಗಳನ್ನು ಹಗುರವಾಗಿ ಪರಿಗಣಿಸುವಂತಿಲ್ಲ ಎಂದಿದ್ದಾರೆ.

ಭಾರತ ತಂಡವು ಸಂಪೂರ್ಣವಾಗಿಯೂ ಬ್ಯಾಟ್ಸ್‌ಮನ್‌ರನ್ನು ನೆಚ್ಚಿಕೊಂಡಿದೆ. ವಿರಾಟ್ ಕೊಹ್ಲಿ, ಮಹೇಂದ್ರ ಸಿಂಗ್ ಧೋನಿ ಹಾಗೂ ಸುರೇಶ್ ರೈನಾ ಟ್ವೆಂಟಿ-20 ಮಾದರಿ ಕ್ರಿಕೆಟಿನಲ್ಲಿ ಅಪಾಯಕಾರಿ ಆಟಗಾರರು ಎಂದು ಮಿಸ್ಬಾ ಹೇಳಿದ್ದಾರೆ.

English summary
Australia fall below Ireland and Bangladesh in ICC T20 ranking list. Aussies have to begin Twenty20 World Cup with a bang as Aussies won only 4 games out of 11 in the recent T20 encounters. India placed at 5th place and with Pakistan are favourites according to Misbah ul haq
ಅಭಿಪ್ರಾಯ ಬರೆಯಿರಿ