Englishहिन्दीമലയാളംதமிழ்తెలుగు

ಬಿಸಿಸಿಐನ ಐಪಿಎಲ್ ಗೆ ಕೈ ಕೊಟ್ಟ ಡಿಎಲ್ ಎಫ್

Posted by:
Published: Wednesday, August 29, 2012, 11:14 [IST]
 

ಬಿಸಿಸಿಐನ ಐಪಿಎಲ್ ಗೆ ಕೈ ಕೊಟ್ಟ ಡಿಎಲ್ ಎಫ್
 

ನವದೆಹಲಿ, ಆ.29: ಭಾರತದ ಬೃಹತ್ ರಿಯಲ್ ಎಸ್ಟೇಟ್ ಸಂಸ್ಥೆ ಡಿಎಲ್‌ಎಫ್ ಇಂಡಿಯನ್ ಪ್ರೀಮಿಯರ್ ಲೀಗ್(ಐಪಿಎಲ್) ಜೊತೆ ಮಾಡಿಕೊಂಡಿದ್ದ ಐದು ವರ್ಷಗಳ ಒಪ್ಪಂದವನ್ನು ಅಂತ್ಯಗೊಳಿಸುವ ನಿರ್ಧಾರ ಕೈಗೊಂಡಿದೆ. ಕ್ರಿಕೆಟ್ ಬಿಟ್ಟು ಬೇರೆ ಕ್ರೀಡೆಗಳನ್ನು ಪ್ರೋತ್ಸಾಹಿಸುವತ್ತ ಗಮನಹರಿಸುವುದಾಗಿ ಡಿಎಲ್ ಎಫ್ ಸಂಸ್ಥೆ ಹೇಳಿದೆ.

ಐಪಿಎಲ್‌ನ ಟೈಟಲ್ ಪ್ರಾಯೋಜಕತ್ವವನ್ನು ಹೊಂದಿದ್ದ ಡಿಎಲ್‌ಎಫ್ ಕಳೆದ ಜುಲೈ 28ರ ಮೊದಲು ತನ್ನ ಒಪ್ಪಂದವನ್ನು ನವೀಕರಿಸಬೇಕಿತ್ತು. ಆದರೆ ಸಂಸ್ಥೆಯು ಇತರ ಕ್ರೀಡೆಗಳಿಗೆ ಪ್ರೋತ್ಸಾಹ ನೀಡುವ ನಿಟ್ಟಿನಲ್ಲಿ ಐಪಿಎಲ್‌ಗೆ ವಿದಾಯ ಹೇಳಿದೆ ಎಂದು ಡಿಎಲ್‌ಎಫ್ ಸಮೂಹ ಸಂಸ್ಥೆಗಳ ಕಾರ್ಯಕಾರಿ ನಿರ್ದೇಶಕ ರಾಜೀವ್ ತಲ್ವಾರ್ ತಿಳಿಸಿದ್ದಾರೆ.

ಟೈಟಲ್ ಪ್ರಾಯೋಜಕತ್ವದಿಂದ ಡಿಎಲ್‌ಎಫ್ ಹಿಂದೆ ಸರಿದಿರುವ ಹಿನ್ನೆಲೆಯಲ್ಲಿ ಬಿಸಿಸಿಐ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಐಪಿಎಲ್ ಮುಖ್ಯ ಪ್ರಾಯೋಜಕತ್ವ ಅಲ್ಲದೆ ಡೆಲ್ಲಿ ಡೇರ್ ಡೆವಿಲ್ಸ್ ಸೇರಿದಂತೆ ಹಲವು ತಂಡಗಳಲ್ಲಿ ಡಿಎಲ್ ಎಫ್ ಹೂಡಿಕೆ ಮಾಡಿತ್ತು. ಡಿಎಲ್ ಎಫ್ ನ ಈ ಕ್ರಮದಿಂದ ಬಿಸಿಸಿಐಗೆ ಭಾರಿ ಹಿನ್ನಡೆ ಉಂಟಾಗಿದೆ.

English summary
The country's largest realty firm DLF has decided to end its five-year long association with Indian Premier League (IPL) as the title sponsor and did not renew its contract that was due by last month.
ಅಭಿಪ್ರಾಯ ಬರೆಯಿರಿ