Englishहिन्दीമലയാളംதமிழ்తెలుగు

U-19 ವಿಶ್ವಕಪ್ : ಭಾರತ ಮತ್ತೆ ಚಾಂಪಿಯನ್

Posted by:
Updated: Monday, August 27, 2012, 12:51 [IST]
 

ಟೌನ್ಸ್ ವಿಲ್ಲೆ, ಆ.26 : ಅಂಡರ್ 19 ವಿಶ್ವಕಪ್ ಅಂತಿಮ ಹಣಾಹಣಿಯಲ್ಲಿ ಬಲಿಷ್ಠ ಆಸ್ಟ್ರೇಲಿಯಾ ತಂಡವನ್ನು ಭಾರತ ತಂಡ ಸೋಲಿಸಿ ಕಪ್ ಎತ್ತಿದೆ. ಆಸ್ಟ್ರೇಲಿಯಾ ತಂಡ ಒಡ್ಡಿದ್ದ 226 ರನ್ ಗಳ ಬೆನ್ನು ಹತ್ತಿದ ಭಾರತ ಆರಂಭಿಕ ಆಘಾತದ ನಂತರ ಚೇತರಿಸಿಕೊಂಡು ಅದ್ಭುತ ಪ್ರದರ್ಶನ ನೀಡಿ ಪಂದ್ಯ ಗೆದ್ದಿದೆ. ನಾಯಕ ಉನ್ಮುಕ್ತ್ ಚಂದ್ ಅವರ ಅಮೋಘ ಅಜೇಯ ಶತಕದಿಂದ ಭಾರತ ಹ್ಯಾಟ್ರಿಕ್ ವಿಶ್ವಕಪ್ ಎತ್ತಿದೆ.

ಆಸ್ಟ್ರೇಲಿಯಾ ತಂಡವನ್ನು 6 ವಿಕೆಟ್ ಗಳಿಂದ ಮಣಿಸಿದ ಭಾರತದ ಯುವ ಪಡೆ ಅರ್ಹ ಜಯ ಸಂಪಾದಿಸಿ ವಿಶ್ವ ಚಾಂಪಿಯನ್ ಆಗಿದೆ ಕುಣಿದಾಡಿದೆ. ಅದ್ಭುತ ಶತಕ ಬಾರಿಸಿದ ಉನ್ಮುಕ್ತ್ ಚಂದ್ ಪಂದ್ಯ ಪುರುಷೋತ್ತಮ ಪ್ರಶಸ್ತಿ ಗಳಿಸಿದರು. ಆಸೀಸ್ ನಾಯಕ ವಿಲಿಯಮ್ ಬೊಸಿಸ್ಟೋ ಸರಣಿ ಶ್ರೇಷ್ಠ ಎನಿಸಿದರು.

U-19 ವಿಶ್ವಕಪ್ : ಭಾರತ ಮತ್ತೆ ಚಾಂಪಿಯನ್

ಭಾರತದ ಆರಂಭ ಉತ್ತಮವಾಗಿರಲಿಲ್ಲ. ಭರವಸೆಯ ಆರಂಭಿಕ ಆಟಗಾರ ಪ್ರಶಾಂತ್ ಛೋಪ್ರಾ ಶೂನ್ಯ ಸುತ್ತಿ ಪೆವಿಲಿಯನ್ ಗೆ ಮರಳಿದರು.

ನಂತರ ನಾಯಕ ಉನ್ಮುಕ್ತ್ ಚಂದ್ ಹಾಗೂ ಬಾಬಾ ಅಪರಾಜಿತ್ ತಂಡದ ಮೊತ್ತ ಹೆಚ್ಚಿಸಿದ್ದಲ್ಲದೆ ಉತ್ತಮ ಜೊತೆಯಾಟದಲ್ಲಿ ಭಾಗಿಯಾದರು.

5 ಬೌಂಡರಿಗಳಿದ್ದ 33 ರನ್(38 ಎಸೆತ) ಗಳಿಸಿದ್ದ ಬಾಬಾ ಅಪರಾಜಿತ್ ಅವರು ಆಸೀಸ್ ವೇಗಿ ಸಂಧು ಬೌಲಿಂಗ್ ನಲ್ಲಿ ಔಟಾದರು. ನಂತರ ಮಧ್ಯಮ ಕ್ರಮಾಂಕದ ಕುಸಿತ ಆರಂಭವಾಯಿತು.

ಹನುಮ ವಿಹಾರಿ(4), ವಿಜಯ್ ಜೋಲ್ (1) ಔಟಾಗಿ ಆತಂಕ ಮೂಡಿಸಿದರು.

ಆದರೆ ವಿಕೆಟ್ ಕೀಪರ್ ಸ್ಮಿತ್ ಕಮಲೇಶ್ ಭಾಯ್ ಪಟೇಲ್ ಉತ್ತಮ ಆಟ ಪ್ರದರ್ಶಿಸಿ ಅಜೇಯ ಅರ್ಧ ಶತಕ 62 ರನ್ (84 ಎಸೆತ) ಗಳಿಸಿ ನಾಯಕ ಉನ್ಮುಕ್ತ್ ಗೆ ಆಸರೆಯಾದರು. ಸ್ಮಿತ್ ಪಟೇಲ್ 4 ಬೌಂಡರಿ ಬಾರಿಸಿದ್ದರು.

ನಾಯಕನಿಗೆ ಜೈ: ಮಹಮ್ಮದ್ ಕೈಫ್, ವಿರಾಟ್ ಕೊಹ್ಲಿ ಮಾಡಿದ ಸಾಧನೆ ಹಾದಿಯಲ್ಲಿದ್ದ ಉನ್ಮುಕ್ತ್ ಚಂದ್ ನಾಯಕನ ಆಟವಾಡಿ ಅರ್ಹ ಶತಕ ಗಳಿಸಿದರು. ಉನ್ಮುಕ್ತ್ ಚಂದ್ ಸಿಕ್ಸರ್ ಗಳು ಆಸೀಸ್ ಬೌಲರ್ ಗಳನ್ನು ಕಂಗೆಟ್ಟಿಸಿತು.

ಉನ್ಮುಕ್ತ್ ಗೆ ಅದೃಷ್ಟ ಕೂಡಾ ಸಾಥ್ ನೀಡಿತು ಆಸೀಸ್ ನಾಯಕ ಬೊಸಿಸ್ಟೋ ಉನ್ಮುಕ್ತ್ ನೀಡಿದ ಸುಲಭ ಕ್ಯಾಚ್ ಕೈಚೆಲ್ಲಿಬಿಟ್ಟರು.

ಉನ್ಮುಕ್ತ್ ಚಂದ್ 7 ಬೌಂಡರಿ 6 ಸಿಕ್ಸರ್ ನೆರವಿನಿಂದ ಅದ್ಭುತ ಶತಕ ಗಳಿಸಿ ಅಜೇಯರಾಗಿ ಉಳಿದರು. ಅಂತಿಮವಾಗಿ 130 ಎಸೆತದಲ್ಲಿ 111 ರನ್ ಗಳಿಸಿದ ಉನ್ಮುಕ್ತ್ ಅವರ ಆಟ ಭಾರತಕ್ಕೆ ಕಪ್ ತಂದುಕೊಟ್ಟಿದೆ. U-19 ವಯೋಮಿತಿ ವೃತ್ತಿಯಲ್ಲಿ ಉನ್ಮುಕ್ತ್ ಒಟ್ಟು 5 ಶತಕ ಬಾರಿಸಿದ್ದು, 2 ಶತಕ ಆಸೀಸ್ ಮೇಲೆ ಬಾರಿಸಿದ್ದಾರೆ.

ಆಸ್ಟ್ರೇಲಿಯಾ ಪರ ಪಾರಿಸ್, ಸ್ಟೆಕೆಟೀ, ಸಂಧು, ಟರ್ನರ್ ತಲಾ 1 ವಿಕೆಟ್ ಪಡೆದರು.

ಆಸೀಸ್ ಇನ್ನಿಂಗ್ಸ್ : ಐಸಿಸಿ ಅಂಡರ್-19 ವಿಶ್ವಕಪ್ ಮೂರನೇ ಬಾರಿಗೆ ಎತ್ತಲು ಸಜ್ಜಾಗಿರುವ ಯುವ ಭಾರತ ಪಡೆಗೆ U-19 ವಿಶ್ವಕಪ್ ಹಾಲಿ ಚಾಂಪಿಯನ್ ಆಸ್ಟ್ರೇಲಿಯ 226 ರನ್ ಗಳ ಸವಾಲು ಹಾಕಿತ್ತು.

ಭಾನುವಾರ (ಅ.26) ನಡೆದ ಫೈನಲ್ ಪಂದ್ಯದಲ್ಲಿ ಆರಂಭದಲ್ಲಿ ಉತ್ತಮ ಹಿಡಿತ ಹೊಂದಿದ್ದ ಭಾರತಕ್ಕೆ ಆಸೀಸ್ ನಾಯಕ ಬೊಸಿಸ್ಟೋ ಮುಳುವಾದರು.

ನಾಯಕ ಬೊಸಿಸ್ಟೋ ತಾಳ್ಮೆಯುತ 87(120) ರನ್ ಗಳಿಸಿ ಔಟಾಗದೆ ಉಳಿದು ಅಸೀಸ್ ಮೊತ್ತ 228/8 ಆಗುವಂತೆ ನೋಡಿಕೊಂಡರು. ಉಳಿದಂತೆ ಹೆಡ್ 37 ರನ್ ಹಾಗೂ ಟರ್ನರ್ 47 ರನ್ ಗಳಿಸಿ ತಂಡದ ಮೊತ್ತ ಹೆಚ್ಚಿಸಿದರು.

ಭಾರತದ ಪರ ಸಂದೀಪ್ ಶರ್ಮ ಮತ್ತೊಮ್ಮೆ ಮಿಂಚಿ 45 ರನ್ನಿತ್ತು 4 ವಿಕೆಟ್ ಗಳಿಸಿದರು. ಆದರೆ, ಉತ್ತಮ ಸಾಥ್ ನೀಡುವಲ್ಲಿ ಉಳಿದ ಬೌಲರ್ ಗಳು ವಿಫಲರಾದರು. ರವಿಕಾಂತ್ ಸಿಂಗ್, ಅಪರಾಜಿತ್ ತಲಾ 1 ವಿಕೆಟ್ ಪಡೆದರು.

38 ರನ್ ಗಳಿಗೆ 4 ವಿಕೆಟ್ ಕಳೆದುಕೊಂಡಿದ್ದ ಆಸೀಸ್ ತಂಡಕ್ಕೆ ನಾಯಕ ಬೊಸಿಸ್ಟೋ ಆಸರೆಯಾದರು. 6 ಬೌಂಡರಿ ಇದ್ದ 87 ರನ್ ಗಳಿಸಿದ ನಾಯಕ ಬೊಸಿಸ್ಟೋ ಉತ್ತಮ ಜೊತೆಯಾಟ ಕುದುರಿಸಿ ತಂಡದ ಗೌರವ ಮೊತ್ತ ಕಳಿಸಲು ಕಾರಣರಾದರು.

2000ರಲ್ಲಿ ಮುಹಮ್ಮದ್ ಕೈಫ್ ಹಾಗೂ 2008ರಲ್ಲಿ ವಿರಾಟ್ ಕೊಹ್ಲಿಯವರ ನಾಯಕತ್ವದಲ್ಲಿ ಕಿರಿಯರ ವಿಶ್ವಕಪ್‌ನ್ನು ಗೆದ್ದು ಕೊಂಡಿರುವ ಭಾರತ ಈ ಬಾರಿ ಉನ್ಮುಕ್ತ್‌ ಚಾಂದ್ ನೇತೃತ್ವದಲ್ಲಿ ಹ್ಯಾಟ್ರಿಕ್ ಪ್ರಶಸ್ತಿ ಗೆಲ್ಲುವ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

2010ರಲ್ಲಿ ಆರನೆ ಸ್ಥಾನಕ್ಕೆ ಕುಸಿದು ನಿರಾಶೆಗೊಳಿಸಿದ್ದರು. ಮತ್ತೊಂದೆಡೆ, 1988ರ ಪ್ರಥಮ ವಿಶ್ವಕಪ್‌ನ್ನು ಗೆದ್ದುಕೊಂಡಿದ್ದ ಆಸ್ಟ್ರೇಲಿಯ ಈ ತನಕ ಮೂರು ಬಾರಿ ವಿಶ್ವ ಚಾಂಪಿಯನ್ ಆಗಿದೆ.

Story first published:  Sunday, August 26, 2012, 8:49 [IST]
English summary
Unmukt Chand ton and Half century from Smit Patel helped India to reach the target of 226 runs against defending champions Australia. India win by 6 wickets and are ICC world champions
ಅಭಿಪ್ರಾಯ ಬರೆಯಿರಿ